ఆ అభిమాని చేసిన పనికి షాక్ అయ్యాను... నాలో మార్పుకు కారణం అదే : నివేదా పేతురాజ్
హీరోయిన్ అంటే గ్లామర్ క్యారెక్టర్లు మాత్రమే గుర్తుకు వచ్చే ఈరోజుల్లో.. డిఫరెంట్ సినిమాలతో తనకంటూ ఓ స్పెషల్ ఇమేజ్ సాధించిన హీరోయిన్ నివేదా పేతురాజ్. వరుసగా టాలీవుడ్ లో సినిమాలు చేస్తున్న ఈ ముద్దుగుమ్మ తన కెరీర్ గురించి చెప్పిన కొన్ని విషయాలు ఇప్పుడు చూద్దాం,
తమిళనాడులో పుట్టి.. దుబాయ్ లో పెరిగిన అచ్చతెలుగమ్మాయి నివేదా పేతురాజ్. ఆమె తాత తెలుగువారు, తండ్రి కూడా తెలుగు బాగా మాట్లాడతారట, ఏదైనా కొత్తగా చేయాలి అనుకునే నివేదా.. దుబాయ్ లో ఉన్నప్పుడు మోడల్ గా లైఫ్ స్టార్ట్ చేసి.. హీరోయిన్ గా ఛాన్స్ లు కొట్టేస్తోంది.
టాలీవుడ్ లో మెంటల్ మదిలో సినిమాతో స్టార్ట్ అయిన ఆమె జర్నీ..చిత్రలహరి, రెడ్, పాగల్, లాంటి సినిమాలతో దూసుకుపోతోంది, ఇటు తెలుగుతో పాటు.. అటు తమిళ్ లో కూడా వరుస సినిమాలతో దూసుకుపోతోంది బ్యూటీ.
హీరోయిన్ అవ్వడం కాదు.. నటి అవ్వడం గర్వంగా ఉంది అన్నారు నివేదా. ఇలాంటి సినిమాలు చేయకపోతే లైఫ్ ఉండదేమో అని భయపడుతుంటారు.. తనకు అలాంటి భయం లేదు అంటోంది. హీరోయిన్ గా మాత్రమే చేయాలి.. ఫలానా స్టార్లతోనే చేయాలి అని బోర్డర్ పెట్టుకోలేదంటోంది నివేదా. అంతే కాదు అవకాశాలు లేకపోతే ఏదైనా ఉద్యోగం చేసుకునే సత్తా తనకు ఉందంటోంది స్టార్ బ్యూటీ.
నటీనటులకు ఉన్న ఒక అదృష్టం అభిమానులు అంటోంది నివేదా. పాండిచ్చేరిలో ఓ షూటింగ్ లో ఉన్నప్పుడుఓ అభిమాని వచ్చి తన చేయి చూపించాడట.. తన పేరును పచ్చ బొట్టు వేయించుకున్న అభిమానాన్ని చూసి షాక్ అయ్యాను అంటోంది నివేదా పేతురాజ్. ఇంత అభిమానాన్ని నటులు మాత్రమే చూడగలుగుతారు అంటోంది.
నటనలో తను ఆరాధించేది విజయ్ సేతుపతి, ఎందుకంటే.. ఆయన ఏజ్ తో సంబంధం లేకుండా ఏ పాత్రకైన రెడీ అయిపోతారు. హీరోగా చేస్తూనే.. విలన్ గా, హీరోయిన్ ఫాదర్ గా కూడా చేశారు..అలా ఇమేజ్ కు పొంతన లేకుండా విజయ్ సేతుపుతిలా ఉండాలి అనిపిస్తుందతి అని అంటోంది నివేదా పేతురాజ్.
ఎంత పని వత్తిడి ఉన్నా.. ఒక్క కాఫీతో స్విచ్చ్ ఆన్ అయిపోతుంటాను అంటోంది నివేదా.. అదే కాఫీతో రికాల్స్ మూడ్ లోకి వెళ్లిపోతానంటోంది, అంతే కాదు జీవితంలో ఒత్తిడి జయించాలంటే.. మెడిటేషన్ ఒక్కటే మార్గం అంటోందతి నివేదా.
ప్రయాణాలంటే నివేదాకు చాలా ఇష్టం. విమానా ప్రయాణాలను ఆస్వాదిస్తుంది, అంతే కాదు బోర్డింగ్ పాస్ లు కూడా దాచుకుంటుందట, వాటిని ఫ్రమ్ చేయించాలని చూస్తోందట. ఇక ఇంత కూల్ గా కనిపించే ఈ బ్యూటీ.. బుద్దిజంకు ఆకర్షితురాలైయ్యిందట. దానితో పాటు మార్షల్ ఆర్ట్స్ లో కూడా నేర్చేసుకుంది నివేదా పేతురాజ్.