బిగ్ బాస్ శివాజీకి హిట్ ఇచ్చిన డైరెక్టర్ తో నితిన్.. ప్లానింగ్ మామూలుగా లేదు..

నితిన్ మరో రెండు చిత్రాలని లైన్ లో పెట్టేసినట్లు వార్తలు వస్తున్నాయి. ఈ రెండు చిత్రాలు క్రేజీ ప్రాజెక్ట్స్ అని చెప్పొచ్చు.

నితిన్ తదుపరి చిత్రాల లైనప్ క్రేజీగా ఉంది. రాబిన్ హుడ్, తమ్ముడు అనే చిత్రాల్లో నితిన్ నటిస్తున్నారు. చాలా కాలంగా నితిన్ కి సరైన హిట్ లేదు.  నితిన్ చివరగా ఎక్స్ట్రా ఆర్డినరీ మ్యాన్ చిత్రంలో నటించాడు. నితిన్ ఎన్నో ఆశలు పెట్టుకున్న ఆ చిత్రం బాక్సాఫీస్ వద్ద డిజాస్టర్ గా నిలిచింది.  

తమ్ముడు, రాబిన్ హుడ్ చిత్రాలతో అయినా తన కెరీర్ మళ్ళీ గాడిలో పడుతుంది అని నితిన్ భావిస్తున్నాడు. తమ్ముడు చిత్రం వకీల్ సాబ్ డైరెక్టర్ వేణు శ్రీరామ్ దర్శకత్వంలో.. రాబిన్ హుడ్ చిత్రం వెంకీ కుడుముల దర్శకత్వంలో తెరకెక్కుతోంది. డిసెంబర్ లో రాబిన్ హుడ్ చిత్రాన్ని రిలీజ్ చేసేందుకు ప్లాన్ చేస్తున్నారు. 

ఈ రెండు చిత్రాలు సెట్స్ పై ఉండగానే నితిన్ మరో రెండు చిత్రాలని లైన్ లో పెట్టేసినట్లు వార్తలు వస్తున్నాయి. ఈ రెండు చిత్రాలు క్రేజీ ప్రాజెక్ట్స్ అని చెప్పొచ్చు. నితిన్ ఒకే చేసినట్లుగా వస్తున్న ఈ రెండు చిత్రాల దర్శకులకు ఓ ప్రత్యేకత ఉంది. 

నితిన్ కి గతంలో పదేళ్ళపాటు హిట్ లేదు. ఇక కెరీర్ ముగిసింది అనుకుంటున్న తరుణంలో విక్రమ్ కుమార్ లైఫ్ ఇచ్చారు. ఇష్క్ చిత్రంతో నితిన్ కెరీర్ కి ఊపిరి పోశారు. నితిన్, విక్రమ్ కుమార్ కాంబినేషన్ లో ఓ చిత్రం ఖరారయింది. 

నితిన్ ఒకే చేసినట్లు ప్రచారం జరుగుతున్న మరో చిత్రం ఆదిత్య హాసన్ అనే డైరెక్టర్ తో. 90's ఎ మిడిల్ క్లాస్ బయోపిక్ అనే వెబ్ సిరీస్ తో ఆదిత్య హాసన్ సింపుల్ గా ఎలాంటి అంచనాలు లేకుండా సంచలనం సృష్టించారు. రీసెంట్ టైంలో ఇది బెస్ట్ వెబ్ సిరీస్ గా గుర్తింపు పొందింది. బిగ్ బాస్ ఫేమ్ శివాజీ కెరీర్ కి ఈ వెబ్ సిరీస్ కొత్త జోష్ తీసుకువచ్చింది. 

ఆదిత్య హాసన్.. నితిన్ కి ఇటీవల ఒక స్టోరీ వినిపించారట. కథ చాలా బావుండడంతో నితిన్ వెంటనే గ్రీన్ సిగ్నల్ ఇచ్చారు. ఒక స్టార్ ప్రొడ్యూసర్ ఈ చిత్రాన్ని నిర్మించబోతున్నట్లు వార్తలు వస్తున్నాయి. మొత్తంగా నితిన్ తదుపరి చిత్రాల లైనప్ క్రేజీగా ఉంది.