Extra Ordinary Man OTT : ఓటీటీలోకి నితిన్ ‘ఎక్స్ ట్రా ఆర్డినరీ మ్యాన్’.. ఎప్పుడు? ఎక్కడ చూడాలి?

నితిన్ - శ్రీలీలా జంటగా నటించిన ‘ఎక్ట్సా ఆర్డినరీ మ్యాన్’ మూవీ ఓటీటీ రిలీజ్ కు రెడీ అయ్యింది. తాజాగా స్ట్రీమింగ్ డేట్ కూడా వచ్చేసింది. ఇంతకీ ఎక్కడ? ఎప్పుడు చూడొచ్చనే వివరాలు తెలుసుకుందాం.  

టాలీవుడ్ హీరో నితిన్ Nithiin - యంగ్ సెన్సేషన్ శ్రీలీల Sreeleela జంటగా నటించిన సినిమా ఎక్స్ ట్రా ఆర్డినరీ మ్యాన్. డిఫరెంట్ కాన్సెప్ట్ తో పాటు.. డిఫరెంట్ టైటిల్ తో రూపొందిన ఈమూవీని వక్కంతం వంశీ డైరెక్ట్ చేశారు. 

గతేడాది డిసెంబర్ 8న ఈ చిత్రం పెద్దగా హంగు ఆర్బాటం లేకుండా ప్రేక్షకుల ముందుకు వచ్చింది. ఈ సినిమాపై మిశ్రమ స్పందన వచ్చింది. దాంతో పాటు బాక్సాఫీస్ వద్ద కూడా పెద్దగా రెస్పాన్స్ ను సొంతం చేసుకోలేదు. 

ఇక ఈ చిత్రానికి సంబంధించిన డిజిటల్ రైట్స్ ను ప్రముఖ ఓటీటీ సంస్థ డిస్నీ ప్లస్ హాట్ స్టార్ Disney  Plus Hotstar దక్కించుకుంది. థియేట్రికల్ రిలీజ్ ముగియడంతో ఈ మూవీ ఓటీటీ ఆడియెన్స్ ను అలరించేందుకు సిద్ధమైంది. 

Extra Ordinary Man

నితిన్ - శ్రీలీలా జంటగా నటించిన ‘ఎక్ట్సా ఆర్డినరీ మ్యాన్’ మూవీ ఓటీటీ రిలీజ్ కు సంబంధించి డేట్ ఫిక్స్ అయ్యింది. జనవరి 19న అంటే ఇంకో ఆరు రోజుల్లో ఈ మూవీ డిస్నీ ప్లస్ హాట్ స్టార్ లో స్ట్రీమింగ్ కానుంది. 

అయితే ఈ చిత్రం థియేటర్లలో పెద్దగా సక్సెస్ కాలేకపోయింది. కానీ ఇందులో కొన్ని అంశాలు ఆకట్టుకునేలా ఉండటం, ఫ్యామిలీ ఆడియెన్స్ కు సరిపోయే సినిమా అని తేలడంతో ఓటీటీలో మంచి రెస్పాన్స్ ఉంటుందని తెలుస్తోంది.

వచ్చే వారంలో ఈ చిత్రం ఓటీటీలోకి రానుండటంతో అభిమానులు ఖుషి అవుతున్నారు. ఈ సినిమా రిలీజ్ అయిన ఆరు వారాలకు ఓటీటీలోకి వస్తుండటం విశేషం. నెక్ట్స్ నితిన్ ‘పవర్ పేట’ అనే చిత్రంలో నటిస్తున్నట్టు తెలుస్తోంది.