నాగబాబు అల్లుడు, చిరు అల్లుడు టైప్ కాదట... అలా చేయనంటూ తెగేసి చెప్పాడుగా!
నాగబాబు తన అమ్మకూచి నిహారిక వివాహం గ్రాండ్ గా పరిశ్రమ మొత్తం చెప్పుకొనేలా చేశారు. గుంటూరుకు చెందిన ఐ జి ప్రభాకర్ రావు కుమారుడైన జొన్నలగడ్డ వెంకట చైతన్యతో నిహారిక వివాహం జరిగింది.
రాజస్థాన్ లోని ఉదయ్ పూర్ ప్యాలస్ లో ఐదు రోజుల వివాహంగా నిహారిక-చైతన్యల పెళ్లి వేడుక నిర్వహించారు. మెగా హీరోలైన చిరు, పవన్, బన్నీ, చరణ్ లతో పాటు అందరూ హాజరై సందడి చేశారు.
మెగా ఫ్యామిలీలోకి అల్లుడు రూపంలో మరో వ్యక్తిని ఆహ్వానించడం జరిగింది. సిక్స్ ఫీట్ హైట్, ఫిజిక్ ఉన్న చైతన్యను చూసి హీరో లెక్క ఉన్నాడంటూ అందరూ ప్రశంసించారు.
మెగా కుటుంబంలో పుట్టిన వారసులైనా, అడుగుపెట్టిన అల్లుళ్లయినా హీరోలుగా మారడం ఆనవాయితీగా ఉంది. చిరంజీవి చిన్న కుమార్తె శ్రీజ భర్త కళ్యాణ్ దేవ్ హీరోగా ఎంట్రీ ఇచ్చిన సంగతి తెలిసిందే.
Niharika
దీనితో నాగబాబు అల్లుడు కూడా హీరో కావడం ఖాయం అంటూ కథనాలు వచ్చాయి. అయితే తాజాగా ఈ వార్తలు, ఊహాగానాలపై స్వయంగా చైతన్య స్పష్టత ఇచ్చారు. హీరో కావడంపై తన అభిప్రాయం తెలియజేశాడు.
niharika
యాంకర్ అడిగిన ప్రశ్నకు సమాధానంగా... తనకు హీరో అవ్వాలన్న ఆలోచన లేదని చైతన్య చెప్పారు. తనకు వేరే లక్ష్యాలు ఉన్నాయని, వాటిపైనే తన ఫోకస్ అని అతను చెప్పుకొచ్చాడు.
దీనితో చైతన్య హీరో అవుతాడన్న వార్తలకు తెరపడింది. ఇక మారీడ్ లైఫ్ చాలా బాగుందని నిహారిక ఆనందం వ్యక్తం చేశారు.
అత్తమామలు చాలా బాగా చూసుకుంటున్నారు అన్నారు. ఇద్దరికీ ట్రావెలింగ్ అంటే ఇష్టం అని, త్వరలో పెద్ద టూర్ ప్లాన్ చేస్తున్నామని అన్నారు.
ప్రస్తుతం ఓ వెబ్ సిరీస్ లో నటిస్తున్నట్లు నిహారిక తెలియజేశారు. ఇక సినిమా స్క్రిప్ట్స్ వింటున్నట్లు, త్వరలోనే నిర్ణయం తీసుకుంటానని ఆమె తెలిపారు.