నిహారిక, చైతన్యల మ్యారేజ్‌ వెనకాల పెద్ద లవ్‌స్టోరీనే ఉందిగా..సీక్రెట్స్ రివీల్‌ చేసిన న్యూ కపుల్‌
మెగా డాటర్‌ నిహారిక వివాహం జొన్నలగడ్డ చైతన్యతో గతేడాది డిసెంబర్‌లో చాలా గ్రాండియర్‌గా జరిగిన విషయం తెలిసిందే. ఇది అరెంజ్‌ మ్యారేజ్‌గా ప్రచారం జరిగింది. కానీ దీని వెనకాల నిహారిక, చైతన్యల మధ్య పెద్ద లవ్‌ స్టోరీ ఉందట. తాజాగా వాలెంటైన్స్ డే సందర్భంగా ఓ మీడియాతో ముచ్చటిస్తూ తమ లవ్‌ స్టోరీ సీక్రెట్‌ని బయటపెట్టారు ఈ నయా కపుల్‌.
నాగబాబు ముద్దుల తనయ నిహారిక.. గుంటూరుకి చెందిన ఐజీ ప్రభాకర్‌రావు కుమారుడు చైతన్యతో డిసెంబర్‌లో అత్యంత వైభవంగా జరిగింది.
నేడు(ఫిబ్రవరి 14) ప్రేమికుల రోజు. ఈ సందర్భంగా ఓ మీడియాతో అనేక ఆసక్తికర విషయాలను, సీక్రెట్స్ ని బయటపెట్టారు న్యూ కపుల్‌ నిహారిక, చైతన్య.
చైతన్య తొమ్మదో క్లాస్‌లో ఉన్నప్పటి నుంచి నిహారిక తెలుసని, అప్పటి నుంచి పరియం ఉందని చెప్పారు. ఆ పరిచయం కంటిన్యూ అవుతూ వచ్చిందన్నారు చైతన్య.
గతేడాది లాక్‌ డౌన్‌ టైమ్‌లో, అంటే మే 27న ఒకరినొకరు తమ ప్రేమని వ్యక్తం చేసుకున్నారని చెప్పారు.
తమ ప్రేమ, పెళ్లి విషయం చెప్పినప్పుడు చిరంజీవి, పవన్ స్పందిస్తూ, `నిజాయితీగా మీరు ఒకరినొకరు ఇష్టపడి ఉంటే పెళ్లి చేసుకోండి` అని అన్నారట.
తనకు నిజమైన హీరో నాన్న నాగబాబు అని నిహారికా చెప్పింది. ఆ తర్వాత అన్నయ్య ఇష్టమని తెలిపింది. తెరపై చిరంజీవి పెదనాన్న హీరో అని తెలిపింది నిహారిక.
చైతన్య కామ్‌గా ఉంటాడని, ఎక్కువ మాట్లాడడు, క్లోజ్‌ ఫ్రెండ్స్ తోనే సరదాగా ఉంటాడని చెప్పింది నిహారిక, తామిద్దరం పూర్తి అపోజిట్‌ అని చైతన్య అన్నాడు.
తమ కుటుంబాలు పూర్తి భిన్నమైన నేపథ్యాలకు చెందినవైనా, అన్యోన్యంగా ఉండాలని కోరుకుంటున్నట్టు చెప్పారు.
మా ఇంట్లో నేను ప్రిన్స్ లాగా పెరిగాను. కానీ ఇప్పుడు అత్తారింటికి వెళ్లాల్సి వస్తే ఎలా ఉండాలనేది ఎప్పుడూ ఆలోచించలేదని, ఇంట్లో ఉన్నప్పుడు అన్ని సౌకర్యాలు బెడ్‌పైకే వచ్చేవని తెలిపింది నిహారిక.
పెళ్లైన తర్వాత కూడా నిహారికే లేట్‌గా నిద్ర లేస్తుందట. అత్తారింట్లో కూడా కంఫర్ట్ గానే ఉన్నానని తెలిపింది. తన విషయంలో నాన్న(నాగబాబు) భయపడుతుంటారని చెప్పింది నిహారిక.
చైతన్యకి సినిమాల్లోకి వచ్చే ఛాన్స్ లేదని తెలిపారు. నిహారిక ప్రస్తుతం ఓ వెబ్‌ సిరీస్‌ చేస్తుంది. అలాగే తన ప్రొడక్షన్‌లోనూ వెబ్‌ సిరీస్‌ నిర్మించేందుకు ప్లాన్‌ చేస్తుంది.
ఇక ఈ వాలెంటైన్స్ డేకి ఓ సర్‌ప్రైజ్‌ గిఫ్ట్ ఉందని చెప్పాడు చైతన్య. అది మాత్రం సీక్రెట్‌ అని తెలిపారు.
ఆగస్ట్ లో నిహారిక, చైతన్యల ఎంగేజ్‌మెంట్‌ జరిగింది. డిసెంబర్‌ 9న రాజస్థాన్‌లోని ప్యాలెస్‌లో వీరి వివాహం చాలా గ్రాండియర్‌ వేలో జరిగింది.
నిహారిక పెళ్లికి ముందు హీరోయిన్‌గా నటించిన విషయం తెలిసిందే.
ఆమె నటించిన సినిమాలు పరాజయం చెందాయి. దీంతో హీరోయిన్‌గా సినిమాలకు దూరమయ్యారు. వెబ్‌ సిరీస్‌లపై ఫోకస్‌ చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
