Intinti Gruhalakshmi: నిజాన్ని బయట పెట్టలేకపోతున్న నందు.. లాస్య అసలు రూపాన్ని చూసిన తులసి?

Intinti Gruhalakshmi: స్టార్ మా లో ప్రసారమవుతున్న ఇంటింటి గృహలక్ష్మి సీరియల్ ప్రేక్షకుల హృదయాలను గెలుచుకొని మంచి రేటింగ్ ని సంపాదించుకుంటుంది. కూతురు భవిష్యత్తు ఏమవుతుందో అని కంగారు పడుతున్న ఒక తండ్రి కథ ఈ సీరియల్. ఇక ఈరోజు ఏప్రిల్ 28 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో ఇంట్లో టైంపాస్ అవ్వటం  లేదు రేపటి నుంచి హాస్పిటల్ కి వెళ్లి డ్యూటీలో జాయిన్ అవుతాను అంటుంది దివ్య. నీకు బోర్ కొట్టకుండా నేను చూసుకుంటాను, నువ్వు ఇంట్లో అందరితోను కలిసి తిరుగుతుంటే అందరూ అలవాటు అవుతారు. వెంటనే వంట మొదలుపెట్టు  అంటుంది రాజ్యలక్ష్మి. పాపం వంట వచ్చో, రాదో.అంటూ దెప్పిపొడుస్తుంది  బసవయ్య భార్య. తులసి ఆ మాత్రం నేర్పించకుండా కాపురానికి పంపిస్తుందా అంటుంది రాజ్యలక్ష్మి. రాక్షసుడు ప్రాణం చిలకలో ఉన్నట్టు మీ ఆయన ప్రాణం గుత్తొంకాయ కూరలో ఉంది, కమ్మగా చేసి పెట్టావంటే నెల రోజులు వరకు నీ మాట వింటాడు. 

వెంటనే పని మొదలు పెట్టు అంటాడు బసవయ్య. పక్కనే ఉన్న ప్రియ ని పిలిచి నీకు వంటగది అలవాటయింది కదా, దివ్యకి పక్కనుండి హెల్ప్ చెయ్యు అంటుంది రాజ్యలక్ష్మి.  అప్పుడే వంట అంటున్నారు నాకు రాదు అంటే ఏమంటారో అని మనసులోనే కంగారుపడుతుంది దివ్య. మరి రేపు సోఫాలోనే నిద్రపోతున్న నందుని చూసి ఎందుకో మానసికంగా ఆందోళన పడుతున్నారు, ఎంత చెప్పమన్నా చెప్పడం లేదు అని భర్తను చూసి బాధపడుతుంది తులసి. నిద్రలో ఉన్న నందుకి అత్తింట్లో బాధ పడలేక దివ్య ఆత్మహత్య చేసుకున్నట్లుగా కల వస్తుంది. ఉలిక్కిపడిన లేచిన నందు ఫ్రూట్ ప్లేట్ ని తోసేస్తాడు.

చాకు నందు చేతికి తగిలి గాయం అవుతుంది. తులసి గబగబా వచ్చి చేతికి ఫస్ట్ ఎయిడ్ చేస్తుంది. ఏం జరిగిందో చెప్పటం లేదు కనీసం మీ ఆవిడకైనా చెప్పి గుండె బరువు దించుకోండి అంటుంది తులసి. నీతో తప్పితే నేను మనసు విప్పి ఎవరితోను మాట్లాడలేను, నాకు ఏదో పీడకల వచ్చింది. దివ్య ఆ ఇంట్లో సుఖంగా ఉన్నట్టు అనిపించడం లేదు అంటాడు నందు. అల్లుడు తల్లి చేతిలో కీలుబొమ్మేమో అని అనుమానంగా ఉంది అంటాడు నందు.

మన కూతురు మనల్ని ఎలా ప్రేమిస్తుందో అతను తన తల్లిని అలా ప్రేమిస్తున్నాడు ఇందులో తప్పేముంది అంటుంది తులసి. నేను ఎలాగో ప్రశాంతంగా ఉండలేకపోతున్నాను నిజం చెప్పి నిన్ను ఎందుకు టెన్షన్ పెట్టాలి అనుకుంటాడు నందు. మరోవైపు తన గదిలోకి వచ్చిన దివ్య అప్పుడే వంట అంటున్నారు, అంటూ కంగారుపడుతూ తల్లికి ఫోన్ చేస్తుంది. జరిగిన విషయం అంతా చెప్తుంది. నేను చెప్తూనే ఉన్నాను కొంచెం వంట నేర్చుకో అత్తారింటికి వెళ్తే కష్టపడతావు అని నువ్వే వినలేదు ఇప్పుడు చూడు ఏమైందో అంటూ కూతుర్ని మందలిస్తుంది తులసి. 

ఈ మాత్రానికే కంగారు పడటం ఎందుకు వంటింట్లోకి వెళ్లిన తర్వాత వీడియో కాల్ చెయ్యు నేను చెప్పింది ఫాలో అయిపో అంటూ సలహా ఇస్తుంది తులసి. మంచి ఐడియా అంటూ ఆనంద పడిపోతుంది దివ్య. మరోవైపు నందు దగ్గరికి వచ్చిన లాస్య ఈమధ్య నువ్వు బాగా మారిపోయావు, నా పక్కన కూర్చొని ప్రేమగా మాట్లాడి ఎన్ని రోజులు అయిందో తెలుసా అంటుంది. ఈమధ్య నేను పనిలో ఎంత బిజీగా ఉన్నానో మీకు కూడా తెలుసు కదా అంటాడు నందు. ఇదంతా మన మధ్య ఎప్పుడూ ఉండేదే కానీ ఎల్లుండి మన బ్రాంచ్ ఎస్టాబ్లిష్మెంట్ గురించి మాట్లాడటానికి ఇంజనీర్ వస్తున్నాడు ఆ వర్క్ అంత నువ్వే చూసుకో, అతను అడ్వాన్స్గా 10,00,000 అడుగుతున్నాడు.

ఎలాగూ ఆ డబ్బు బ్యాంకులో ఉంది కదా చెక్ రెడీ చేసి పెట్టు అంటాడు నందు. ఒక్కసారిగా కంగారు పడిపోతుంది లాస్య. ఆ డబ్బుని ఇన్వెస్ట్మెంట్స్ లో పెట్టి లాస్ అయ్యానని తెలిస్తే చంపేస్తాడు, రాజ్యలక్ష్మి ఇవ్వవలసిన డబ్బుని అడిగి తెచ్చుకోవాలి అనుకుంటుంది. మరోవైపు దివ్య ఫోన్ చేసి  తులసిని అడిగి వంకాయ కూర ఎలా చేయాలో తెలుసుకుంటుంది దివ్య.

ఫోన్ పెట్టేసిన తర్వాత మనం మార్కెట్ కి వెళ్ళాలి పదా అంటూ మార్కెట్ కి బయలుదేరుతారు తులసి, రాములమ్మ. మరోవైపు వంట చేస్తున్న దివ్య దగ్గరికి వచ్చి కొత్త పెళ్లి కూతురికి అప్పుడే వంట చెప్పేసారు కనీసం ఏ వస్తువు ఎక్కడ ఉందో చెప్పాలి కదా అంటుంది ప్రియ. ఇదేమైనా అరణ్యమా ఒక అరగంట కష్టపడితే ఏ వస్తువు ఎక్కడ ఉందో తెలిసిపోతుంది అంటుంది దివ్య.

ఇది బావగారికి కాఫీ తాగే టైం, అయినా ఎవరినీ ఏది అడగరు మనమే తెలుసుకొని ఇవ్వాలి అంటుంది ప్రియ. ఇంట్లో అందరినీ బాగానే స్టడీ చేసావు కానీ పూర్తిగా యాక్సెప్ట్ చేసినట్లుగా అనిపించడం లేదు అంటుంది దివ్య. కంగారుపడిన ప్రియ నా సంగతి వదిలేయండి బాగా చదువుకున్న మీకు, అసలు చదివే లేని బావగారికి ప్రేమ ఎలా సెట్ అయింది. మీకేమీ నామోషీగా అనిపించడం లేదా అంటుంది ప్రియ. తరువాయి భాగంలో లాస్య హాస్పిటల్ కి వెళ్ళడం గమనించిన రాములమ్మ, తులసి ఆమెని ఫాలో అవుతారు. లాస్య, రాజ్యలక్ష్మి దగ్గర డబ్బు తీసుకోవడం చూసి షాక్ అవుతారు.