నాన్నని అవమానించారు, చేసి నిరూపించారు.. బాలయ్య చిన్న కూతురు కామెంట్స్

నందమూరి బాలకృష్ణ హీరోగా దూసుకుపోతూనే బుల్లితెరపై హోస్ట్ గా కూడా రాణిస్తున్నారు. అన్ స్టాపబుల్ సీజన్ 4 కి రంగం సిద్ధం అయింది. అక్టోబర్ లోనే సీజన్ 4 గ్రాండ్ గా లాంచ్ కాబోతున్నట్లు ప్రకటించారు. సీజన్ 4 కి సంబంధించిన ట్రైలర్ రిలీజ్ చేశారు. ఈ కార్యక్రమంలో అల్లు అరవింద్,నందమూరి బాలకృష్ణ, బాలయ్య చిన్న కూతురు తేజస్విని పాల్గొన్నారు. 

తేజస్విని చేసిన వ్యాఖ్యలు అందరిని ఆకర్షించాయి. నాన్న మొదటగా అన్ స్టాపబుల్ షోకి హోస్ట్ గా చేయబోతున్నారు అని తెలియగానే కొంతమంది చాలా రకాలుగా అవమానించారు. సెటైరికల్ కామెంట్స్ చేశారు అని తేజస్విని తెలిపింది. కానీ నాన్న బలం ధైర్యం. ఏ పని చేసినా ఆయన ధైర్యంగా చేస్తారు. అందుకే ఆయనపై వచ్చిన విమర్శలకు భిన్నంగా అన్ స్టాపబుల్ షో మోస్ట్ పాపులర్ షో అయింది. 

అన్ స్టాపబుల్ లో ఎవరూ చూడని యాంగిల్ ని నాన్నగారు చూపించారు. నాన్న చేయని పాత్ర లేదు.. వేయని గెటప్ లేదు అంటూ తేజస్విని ప్రశంసలు కురిపించింది. నాన్న ధైర్యమే హిందూ పురంలో హ్యాట్రిక్ ఎమ్మెల్యే గా గెలిచేలా చేసింది. 

అన్ స్టాపబుల్ 4 విషయానికి వస్తే.. ఈ షోలో ఎవరి ఊహకి అందని విధంగా ఉంటుంది. ఇప్పటికే కొన్ని ఎపిసోడ్స్ షూటింగ్ కూడా పూర్తయినట్లు తేజస్విని తెలిపింది. అయితే గెస్టులు ఎవరు అనేది ప్రస్తుతానికి సస్పెన్స్.