ఆ టైంలో నేను అడగవలసిన మాటని చైతు అడిగాడు.. సామ్ తో బ్రేకప్ గురించి నాగ్ కామెంట్స్
నాగ చైతన్య బంగార్రాజు రూపంలో మరో బ్లాక్ బస్టర్ ని తన ఖాతాలో వేసుకున్నాడు. సంక్రాంతికి విడుదలైన బంగార్రాజు చిత్రం ఘనవిజయం దిశగా దూసుకుపోతోంది. గత ఏడాది లవ్ స్టోరీ చిత్రంతో ఓ హిట్ ని దక్కించుకున్న చైతు ఈ ఏడాది బంగార్రాజుతో శుభారంభం చేశాడు.
నాగ చైతన్య బంగార్రాజు రూపంలో మరో బ్లాక్ బస్టర్ ని తన ఖాతాలో వేసుకున్నాడు. సంక్రాంతికి విడుదలైన బంగార్రాజు చిత్రం ఘనవిజయం దిశగా దూసుకుపోతోంది. గత ఏడాది లవ్ స్టోరీ చిత్రంతో ఓ హిట్ ని దక్కించుకున్న చైతు ఈ ఏడాది బంగార్రాజుతో శుభారంభం చేశాడు. నాగార్జున, నాగ చైతన్య కలసి నటించిన చిత్రం ఇది..
ఇదిలా ఉండగా బంగార్రాజు ప్రచార కార్యక్రమాల్లో భాగంగా చైతు ఎక్కడికి వెళ్లినా సమంతతో బ్రేకప్ గురించి ప్రశ్నలు ఎదురవుతున్నాయి. ఓ జాతీయ మీడియాకు ఇచ్చిన ఇంటర్వ్యూలో విడాకుల విషయం గురించి చైతు, నాగార్జున ఇద్దరూ మాట్లాడారు. సమంతతో విడాకుల సమయంలో చైతు ప్రవర్తించిన విధానంపై నాగార్జున ప్రశంసలు కురిపించారు.
ఆ సమయంలో నాగ చైతన్య చాలా కామ్ గా ఉన్నాడు. సంయమనం పాటించాడు. ఎలాంటి ప్రొవొకింగ్ కి గురికాలేదు. తప్పుగా చైతు నోటి నుంచి ఒక్క మాట కూడా రాలేదు. ఆ విషయంలో నాగ చైతన్యని చూసి గర్వపడుతున్నా. కానీ ఇక విడాకుల విషయం ఏ తండ్రికైనా బాధ కలిగించేదే అని నాగార్జున అన్నారు.
కానీ నాగ చైతన్య నా గురించి చాలా బాధపడ్డాడు. ఆ టైంలో నాగ చైతన్య నా దగ్గరకు వచ్చి 'మీరు ఓకేనా నాన్న' అని అడిగాడు. కానీ అది నేను నాగ చైతన్యని అడగవలసిన మాట కదా అనిపించింది. ఇక చైతు మాట్లాడుతూ ఆ సమయంలో నాకు ఫ్యామిలీ చాలా సపోర్ట్ గా నిలిచింది అని అన్నాడు.
వీరిద్దరి విడాకుల తర్వాత చైతు, సమంత గురించి అనేక రకాలుగా సోషల్ మీడియాలో ప్రచారం జరిగింది. కానీ నాగ చైతన్య పరిస్థితులు సద్దుకునేవరకు మౌనం వహించాడు. ఆ తర్వాత తన సినిమాలతో బిజీ అయ్యాడు.
సోగ్గాడే చిన్ననాయనకి సీక్వెల్ గా తెరకెక్కిన బంగార్రాజులో చైతు చిన బంగార్రాజుగా అలరించాడు. నాలుగేళ్ళ పాటు వివాహబంధంలో కొనసాగిన చైతు సమంత ఆ తర్వాత విడిపోవడం అభిమానులకు జీర్ణించుకోలేని అంశంగా మారింది. వారిద్దరి బ్రేకప్ గురించి ఇప్పటికి సోషల్ మీడియాలో చర్చ జరుగుతూనే ఉంది.