- Home
- Entertainment
- Nagabandham Trailer Review: అనంత పద్మనాభస్వామి ఆలయ రహస్యాలు, నాగబంధం ట్రైలర్ రివ్యూ..
Nagabandham Trailer Review: అనంత పద్మనాభస్వామి ఆలయ రహస్యాలు, నాగబంధం ట్రైలర్ రివ్యూ..
అనంతపద్మనాభస్వామి ఆలయ రహస్యాలను కళ్లకు కట్టినట్టు చూపించే సినిమా నాగబంధం. మైండ్ బ్లోయింగ్ మిస్టరీ అడ్వెంచర్ మూవీగా తెరకెక్కుతోన్న ఈసినిమా ట్రైలర్ తాజాగారిలీజ్ అయ్యింది. ఇంతకీ నాగబంధం ఎలా ఉందంటే?
అనంత పద్మనాభస్వామి ఆలయం రహస్యాలు..
విరాట్ కర్ణ హీరోగా, నభా నటేశ్ , ఐశ్వర్య మేనన్ హీరోయిన్లుగా తెరకెక్కుతున్న అద్భుత చిత్రం ‘నాగబంధం’. కిషోర్ అన్నపురెడ్డి, నిషిత నాగిరెడ్డి నిర్మిస్తున్న ఈ చిత్రానికి అభిషేక్ నామా దర్శకత్వం వహిస్తున్నారు. పీరియాడిక్ నేపథ్యంతో, అనంత పద్మనాభస్వామి ఆలయం అక్కడి నాగబంధం రహస్యాల కాన్సెప్ట్ ఆధారంగా రూపొందించిన ఫిక్షనల్ కథతో ఈ చిత్రాన్ని విజువల్ వండర్గా తెరకెక్కిస్తున్నారు.తిరువనంతపురంలోని అనంత పద్మనాభస్వామి ఆలయ రహస్యాలు, శతాబ్దాల నాటి చరిత్ర, పురాణాల నేపథ్యంతో రూపొందిన ఈ మైండ్ బ్లోయింగ్ మిస్టరీ అడ్వెంచర్ చిత్రం ప్రేక్షకుల ముందుకు త్వరలో రానుంది.
నాగబంధం ట్రైలర్ రిలీజ్..
తాజాగా ఈ చిత్రానికి సంబంధించిన అఫీషియల్ థియేట్రికల్ ట్రైలర్ను మూవీ టీమ్ రిలీజ్ చేసింది. ఈ ట్రైలర్ లో సినిమా ఏంటో అందరికి అర్ధం అయింది. మూవీపై ఇంట్రెస్ట్ ఇంకా పెరిగిపోయింది. ట్రైలర్ మొదటి ఫ్రేమ్ నుంచే ప్రేక్షకులను ఒక సరికొత్త ఆధ్యాత్మిక, సాహసోపేత ప్రపంచంలోకి తీసుకెళ్లేలా రూపొందింది. విడుదలైన వెంటనే ఈ ట్రైలర్ సోషల్ మీడియాలో టాప్ ట్రెండింగ్లో దూసుకుపోతోంది. సాధారణ మైథలాజికల్ చిత్రాలకు భిన్నంగా కొత్త కాన్సెప్ట్తో రూపొందిన నాగబంధం సినిమా జులై 3న ప్రపంచవ్యాప్తంగా థియేటర్లలో గ్రాండ్గా విడుదల కానుంది.
నాగబంధం కథ విషయానికి వస్తే..
‘నాగబంధం’ కథ కేరళలో ఉన్నటువంటి ప్రపంచంలోనే అత్యంత సంపన్నమైన అనంత పద్మనాభస్వామి దేవాలయం చుట్టూ తిరుగుతుంది. అపారమైన శక్తులు, అమూల్యమైనసంపద కలిగిన దైవిక శక్తులు ఉన్న రహస్య ‘బ్రహ్మ కమలం’ చుట్టూ ఈ కథ ముడిపడి ఉంటుంది. పురాతన కాలం నాటి రహస్యాలు ఒక్కొక్కటిగా బయటపడుతున్న సమయంలో, ఆ దైవిక నిధిని బ్రహ్మ కమలాన్ని దక్కించుకోవడానికి ఒక దుష్టశక్తి సమాజంపై దాడికి దిగుతుంది. ఆ రాక్షస శక్తుల నుంచి దేవుడి నిధిని కాపాడేందుకు భగవంతుడి ఆజ్ఞతో నాగసాధువులు రంగంలోకి దిగుతారు. ఈ పోరాటం ఏమౌతుంది, అసలు నాగబంధం రహస్యం ఏమిటి? ఆ దైవిక సంపదను దుష్టుల చేతికి చిక్కకుండా ఎలా రక్షించారు? అనేదే సినిమా అసలు లైన్.
ట్రైలర్ ఎలా ఉందంటే?
దర్శకుడు అభిషేక్ నామా తన రచన, విజన్తో ట్రైలర్ను మరింత ఆసక్తికరంగా తీర్చిదిద్దారు. బ్రహ్మ కమలం చుట్టూ ఉన్న రహస్యాలను చూపిస్తూనే స్క్రీన్ ప్లే ఎక్కడా స్లో అవ్వకుండా జాగ్రత్త పడ్డాడు. భారీ ఆలయాల సెట్స్, అద్భుతమైన ప్రొడక్షన్ డిజైన్, విజువల్ ఎఫెక్ట్స్ ప్రేక్షకులకు ఒక కొత్త ప్రపంచాన్ని పరిచయం చేస్తున్నాయి.ఈ చిత్రంలో హీరోగా నటిస్తున్న విరాట్ కర్ణ తన స్క్రీన్ ప్రెజెన్స్, నటనతో ఆకట్టుకున్నాడు. ఈ పాత్ర కోసం ఆయన శారీరకంగా కూడా ప్రత్యేకంగా సిద్ధమైనట్లు ట్రైలర్లో కనిపిస్తోంది.
నాగబంధం లో నటీనటులు ఎవరంటే?
నాగబంధంలో హీరో .. యాక్షన్ సన్నివేశాలతో పాటు ఆధ్యాత్మిక భావోద్వేగాలు కలిగిన సన్నివేశాల్లో మెచ్యూర్డ్ పెర్ఫార్మెన్స్ కనబరిచాడు.ఇక చాలా కాలం తర్వాత నభా నటేశ్ ఈ చిత్రంతో టాలీవుడ్లోకి స్ట్రాంగ్ కమ్బ్యాక్ ఇస్తోంది. ఐశ్వర్య మేనన్, దక్ష నగార్కర్ కీలక పాత్రల్లో నటిస్తున్నారు. వీరితో పాటు జగపతి బాబు, మురళీ శర్మ, బాలీవుడ్ నటుడు మహేష్ మంజ్రేకర్ వంటి ప్రముఖ నటులు కూడా ఈ సినిమాలో నటించడంతో అంచనాలు భారీగా పెరిగిపోయాయి.
