నాగార్జున `మన్మథుడు` హీరోయిన్‌ ఇప్పుడెలా ఉంది? ఏం చేస్తుందో తెలుసా?..లగ్జరీ లైఫ్‌!

First Published Jun 6, 2021, 3:36 PM IST

నాగార్జున నటించిన `మన్మథుడు` చిత్రంలోని హీరోయిన్‌ అన్షు అంబానీ క్యూట్‌ అందాలతో మెస్మరైజ్‌ చేసిన విషయం తెలిసిందే. ఆ తర్వాత కనిపించని ఈ అమ్మడు ఇప్పుడు లగ్జరీ లైఫ్‌ని ఎంజాయ్‌ చేస్తుంది. ఆమె ఏం చేస్తుంది, ఎలా ఉందో ఓ సారి చూస్తే..

ఈ అమ్మాయి లండన్‌ బేస్డ్ బ్యూటీ. నాగార్జునతో `మన్మథుడు` చిత్రంలో నటించి అందరి చూపులను తనవైపు తిప్పుకుంది. తొలి చిత్రంతోనే క్యూట్‌ అందాలతో మెస్మరైజ్‌ చేసింది.

ఇందులో ఈ బ్యూటీ కనిపించింది కొద్దిసేపే అయినా, ఆమె ప్రభావం సినిమా మొత్తం ఉంటుంది. ఆమె ఆలోచనల్లోనే హీరో నాగార్జున ఉంటారు. అంతగా సినిమా తన అమాయకత్వం, అందంతో కనువిందు చేసింది అన్షు.

అయితే ఆమె ఎంట్రీ విచిత్రంగా జరిగింది. కెమెరామెన్‌ కబీర్‌ లాల్‌.. అన్షుని చూసి `మన్మథుడు` దర్శకుడు విజయ్‌ భాస్కర్‌కి పరిచయం చేశారు. ఆయనకి, నాగార్జునకి నచ్చడంతో ఈ సినిమాలోకి తీసుకున్నారు. తొలి సినిమాతోనే విజయం అందుకోవడంతో ఈ బ్యూటీపై అందరి దృష్టి పడింది.

ఆ వెంటనే ప్రభాస్‌తో `రాఘవేంద్ర` చిత్రంలో హీరోయిన్‌గా తీసుకున్నారు. కానీ ఈ సినిమా పరాజయం చెందడంతో సక్సెస్‌ ఇమేజ్‌ మొత్తం డ్రాప్‌ అయ్యింది. ఆ తర్వాత `మిస్సమ్మ`లో గెస్ట్ రోల్‌ చేసింది. తమిళంలో `జై` చిత్రంలో నటించింది.

ట్రెడిషనల్‌ లుక్‌లో కనిపించే అన్షు.. కమర్షియల్‌ హీరోయిన్‌గా సెట్‌ కాలేకపోయింది. దీంతో మ్యారేజ్‌ చేసుకుని లైఫ్‌లో సెటిల్‌ అయిపోయింది. వ్యాపారవేత్త సచిన్‌ సాగర్‌ని వివాహం చేసుకుంది. పూర్తిగా సినిమాలకు దూరమైంది.

ఆమె సినిమాలు వదిలేసి దాదాపు 17ఏళ్లు అవుతుంది. కానీ ఇప్పటికీ `మన్మథుడు` చిత్రంతో ఆడియెన్స్ ని పలకరిస్తూనే ఉంది. అయితే ఆమె రోడ్డ్ ప్రమాదంలో చనిపోయిందనే వార్తలొచ్చాయి. కానీ ఈ వార్తలను అన్షు ఖండించింది. ఇటీవల కాలంలో సోషల్‌ మీడియాలో టచ్‌లో ఉంటుంది.

తనకి సంబంధించిన ఫోటోలను అభిమానులతో పంచుకుంటోంది. తన ఫ్యామిలీ ఫోటోలను,పిల్లలతో దిగిన చిత్రాలను షేర్‌ చేసుకుంటుంది. అలాగే `మన్మథుడు`, `రాఘవేంద్ర` చిత్రాలు ఎప్పుడు టీవీలో టెలికాస్ట్ అయినా ఆ వివరాలు పంచుకుంటోందీ భామ.

అంతేకాదు నాగార్జున, ప్రభాస్‌, నితిన్‌లతో దిగిన ఫోటోలను కూడా పంచుకుంటోంది. వారికి బర్త్ డే విషెస్‌ తెలియజేస్తుంది.

ఇదిలా ఉంటే ప్రస్తుతం అన్షు లండన్‌లో ఉంటుంది. అక్కడ సెటిల్‌ అయిపోయారు. వీరికి ఇద్దరు పిల్లలున్నారు. కూతురు, కుమారుడున్నారు.సరదాగా వారితో గడిపే ఫోటోలను, పార్టీలు, బర్త్ డేలు జరుపుకునే ఫోటోలను పంచుకుంటోంది అన్షు.

ప్రస్తుతం అన్షు అక్కడ ఫ్యాషన్‌ డిజైనర్‌గా రాణిస్తున్నట్లు తెలుస్తోంది. ఆమెకు ఇన్‌స్పిరేషన్‌ కౌచర్‌ అనే డిజైనింగ్‌ షాప్‌ కూడా ఉంది. అక్కడ టాలీవుడ్‌తో పాటు బాలీవుడ్‌ హీరోయిన్లు వేసుకునే దుస్తులనే తిరిగి రెడీ చేయించి అమ్మకాలు చేస్తోందట.

లండన్‌లో లగ్జరీ లైఫ్‌ని లీడ్‌ చేస్తుంది. ఇప్పటికీ ఓ సెలబ్రిటీలాగే మెయింటేన్‌ చేస్తుంది. ఈ అమ్మడు పంచుకున్న ఫోటోలు చూస్తుంటే ఈ బ్యూటీ అందం మరింత రెట్టింపయ్యిందనిపిస్తుంది. స్టార్‌ హీరోయిన్లకి ఏమాత్రం తగ్గని అందంతో ఆకట్టుకుంటుంది.