హీరోయిన్ కావడం నా ఫ్యామిలీకి ఇష్టం లేదు... ఆయన సపోర్ట్ చేశాడు, కీలక విషయాలు బయటపెట్టిన శ్రీలీల!

దర్శకేంద్రుడు కే రాఘవేంద్రరావు దర్శకత్వ పర్యవేక్షణలో తెరకెక్కిన చిత్రం పెళ్లి సందడి(2024). గౌరీ రోనంకి దర్శకత్వం వహించిన పెళ్ళిసందడితో శ్రీలీల టాలీవుడ్ ఎంట్రీ ఇచ్చింది. ఈ సినిమా కమర్షియల్ గా సక్సెస్ కాలేదు. కానీ శ్రీలీలకు గ్లామర్, డాన్స్ పరంగా మంచి గుర్తింపు వచ్చింది. ఆ తర్వాత రవితేజ కి జంటగా నటించిన ధమాకా మూవీతో బ్లాక్ బస్టర్ హిట్ అందుకుంది. దీంతో  టాలీవుడ్ లో  ఆఫర్స్ వెల్లువెత్తాయి. తక్కువ సమయంలోనే  మంచి క్రేజ్ సొంతం చేసుకుంది. 
 

బాలకృష్ణ ప్రధాన పాత్రలో వచ్చిన భగవంత్ కేసరి సినిమాతో  శ్రీలీల మరో సూపర్ హిట్ తన ఖాతాలో వేసుకుంది ఇందులో బాలకృష్ణ కూతురిగా నటించి మెప్పించింది. ఆ తర్వాత స్కంద, ఆదికేశవ, ఎక్స్ట్రా ఆర్డినరీ మ్యాన్,  ఇలా వరుస డిజాస్టర్స్ ఎదురవడంతో శ్రీలీల కెరీర్ కాస్త స్లో అయింది. గత ఏడాది ఏకంగా నాలుగు సినిమాలతో ప్రేక్షకులను పలకరించింది. 2024లో గుంటూరు కారం తర్వాత ఆమె నుంచి మరో సినిమా రాలేదు. 

వరుస పరాజయాలు వెంటాడంతో  శ్రీలీల ఆచి తూచి అడుగులు వేస్తున్నట్లు తెలుస్తుంది. ప్రస్తుతం ఆమె చేతిలో నాలుగు క్రేజీ ప్రాజెక్ట్స్ ఉన్నాయి. తెలుగులో ' రాబిన్ హుడ్ ' అనే సినిమాలో నటిస్తుంది. నితిన్ హీరోగా నటిస్తున్నాడు. అలాగే రవితేజ 75వ సినిమాలో శ్రీలీల ను హీరోయిన్ గా ఎంపిక చేశారట. ఇక పవన్ కళ్యాణ్ ఉస్తాద్ భగత్ సింగ్ లో శ్రీలీల నటిస్తున్న సంగతి తెలిసిందే. అలాగే హిందీలో ' హే జవానీ తో ఇష్క్ హోనా హై ' సినిమాలో నటిస్తుంది. 

కాగా శ్రీలీల ఇటీవల ఓ ఇంటర్వ్యూలో పాల్గొంది. ఈ క్రమంలో ఆసక్తికర కామెంట్స్ చేసింది. తాను హీరోయిన్ అవుతాను అంటే కుటుంబ సభ్యులు ఒప్పుకోలేదట. అప్పుడు తన తాతయ్య అండగా నిలిచాడట. శ్రీలీల హీరోయిన్ కావడానికి ఆయనే కారణం అట. ఖాళీ సమయం దొరికితే శ్రీలీల చదువులో మునిగిపోతుందట. శ్రీలీల మెడిసిన్ చదువుతున్న సంగతి తెలిసిందే. తన ఫ్యామిలీలో చాలా మంది డాక్టర్స్ ఉన్నారట. 

కాగా జూనియర్ ఎన్టీఆర్ బావమరిది నార్నె నితిన్ నటించిన లేటెస్ట్ మూవీ ' ఆయ్ '. ఆగస్టు 15న ప్రేక్షకుల ముందుకు వచ్చింది. ఆయ్ మూవీ ప్రీ రిలీజ్ ఈవెంట్ నిర్వహించారు. దీనికి ముఖ్య అతిధిగా హీరోయిన్ శ్రీలీల హాజరయ్యారు. ఈ ఈవెంట్ వేదికగా నిర్మాత అల్లు అరవింద్ శ్రీలీలకు ఓ మూవీలో ఆఫర్ ఇచ్చాడు. నెక్స్ట్ గీతా ఆర్ట్స్ బ్యానర్ లో తెరకెక్కే చిత్రంలో శ్రీలీల హీరోయిన్ అట.