Krishna Mukunda Murari: నరకం అనుభవిస్తున్న మురారి.. చావుకు సిద్ధమైన ముకుంద!

Krishna Mukunda Murari: స్టార్ మా లో ప్రసారమవుతున్న కృష్ణ ముకుంద మురారి సీరియల్ మంచి కంటెంట్ తో ప్రేక్షకుల హృదయాలని గెలుచుకుంటుంది. పెళ్లయిన తన ప్రేమికుడి తో మళ్లీ జీవించాలని తపన పడుతున్న ఒక ప్రేమికురాలి కథ ఈ సీరియల్. ఇక ఈరోజు జూన్ 19 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో అదేంటి బైక్ మీద వెళ్ళటం.. కారు మీద వెళ్ళటం లేదా అని అడుగుతుంది కృష్ణ. కార్లో వెళ్తే కంఫర్ట్ గా ఉంటుంది కానీ బైక్ మీద వెళ్తే మ్యాజిక్ ఉంటుంది అంటాడు మురారి. ఏ మ్యాజిక్ అంటుంది కృష్ణ. కూర్చుంటే నీకే తెలుస్తుంది అంటాడు మురారి. కృష్ణ సరే అనటంతో ఇద్దరూ బైక్ మీదే లంచ్ కి వెళ్తారు.

మరోవైపు అప్పుడే మురారి స్టేషన్ కి వస్తుంది ముకుంద. పైన కారు ఉండడం చూసి మురారి స్టేషన్ లోనే ఉన్నాడు అనుకుంటుంది. కానిస్టేబుల్ ముకుంద నీ చూసి ఆదర్శ కోసం ఎంక్వయిరీ కోసం వచ్చిందేమో అనుకొని కమిషనర్ కి చెప్తాడు. ముకుందని లోపలికి తీసుకు రమ్మని చెప్తాడు కమిషనర్. కానిస్టేబుల్ బయటికి వచ్చి సార్ మిమ్మల్ని పిలుస్తున్నారు అని ముకుందకు చెప్తాడు.

మురారి పిలుస్తున్నాడేమో అనుకొని ప్రేమకి ఉన్న శక్తి అలాంటిది నన్ను చూడకపోయినా నేను ఇక్కడికి వచ్చాను అని గ్రహించాడు అని ఆనందపడుతూ లోపలికి వెళుతుంది. లోపల కమిషనర్ చూసి షాక్ అవుతుంది. సార్ అంటే ఈయన అనుకుంటుంది. కమిషనర్ ఎవరమ్మా నువ్వు అనటంతో నేను ముకుందని సార్ అంటుంది. ఓ ఆదర్శ గురించి అడగటానికి వచ్చావా కొంచెం సమయం పడుతుంది అయినా కచ్చితంగా నీకు ఇన్ఫర్మేషన్ ఇస్తాను అని చెప్తాడు కమిషనర్.

 మురారి గురించి అడిగితే తను లంచ్ కి వెళ్ళాడు అని చెప్తాడు కమిషనర్. కారు బయటనే ఉంది అని అనుమానంగా అంటుంది ముకుంద. బైక్ మీద వెళ్తే రొమాంటిక్ గా ఉంటుందని నేనే చెప్పాను అంటాడు కమిషనర్. కమిషనర్ని తిట్టుకుంటుంది ముకుంద. అయినా వాళ్ళిద్దరూ లంచ్కి ఎక్కడికి వెళ్తారో నాకు తెలుసు కదా నేను కూడా అక్కడికే వెళ్తాను అనుకొని బయలుదేరుతుంది.

మరోవైపు హోటల్లో కూర్చున్న మురారి తన మనసులో మాటని కృష్ణ కి చెప్పాలి అనుకుంటాడు. కృష్ణ కూడా మురారి తనతో ఏదో చెప్పాలి అనుకుంటున్నాడు అని అర్థం చేసుకుంటుంది కానీ తన డైరీలో అమ్మాయి ప్రేమ గురించి చెప్పాలనుకుంటున్నాడేమో అని అపోహపడుతుంది. మీరు నాతో ఏదో చెప్పాలనుకుంటున్నారు సాగదీయకుండా చెప్పండి సార్ అంటూ బ్రతిమాలుతుంది కృష్ణ.

ఇంతలోనే మురారి ఫ్రెండ్ గోపి రావడంతో కరెక్టు టైం కి ఎంట్రీ ఇచ్చాడు అని మురారి, కృష్ణ ఇద్దరు తిట్టుకుంటారు. రాంగ్ టైం లో ఎంట్రీ ఇచ్చానని గోపి కూడా అర్థం చేసుకుంటాడు. కృష్ణ హ్యాండ్ వాష్ చేసుకోవటానికి వెళ్తుంది. నేను రాంగ్ టైం లో ఎంత ఇచ్చాను అని తెలుసు మరీ అంత కోపంగా చూడకు కావాలంటే వెళ్ళిపోతాను అంటాడు గోపి. నా ప్లాన్ అంతా నాశనం చేసావు ఇంకెందుకు వెళ్లిపోవడం అంటాడు మురారి. అదే సమయానికి ముకుంద కూడా వస్తుంది.

అదేంటి మురారితో కృష్ణ కాకుండా గోపి ఉన్నాడు. అయితే నేను కూడా వెళ్లి హ్యాపీగా కబుర్లు చెప్పొచ్చు అనుకుంటుంది ఇంతలోనే తన టాపిక్ రావటంతో సీక్రెట్ గా మాటలు వింటుంది. పెళ్లయినా ఇన్నేళ్ల తర్వాత నీ భార్యకి ప్రపోజ్ చేయటం ఏంటి అయినా ఎంతమందిలో చేయడమంటే ఒంటరిగా ఉన్నప్పుడు చేస్తే బాగుంటుంది కదా అంటాడు గోపి.

ఇంటిదగ్గర ముకుంద ఉంటుంది తనకి తెలిస్తే ఏం జరుగుతుందో అని భయం. అయినా తనకి చాలా సార్లు చెప్పాను నన్ను మర్చిపోమని చెప్పి కానీ నేను మరిచిపోయాను అని చెప్పటానికి చాలా సంకోచిస్తున్నాను చెప్పలేక మనసులో ఉంచుకోలేక నరకం అనుభవిస్తున్నాను అంటాడు మురారి. ఆ మాటలు విన్న ముకుంద కి తల తిరిగిపోతుంది. మురారి, కృష్ణ కి ప్రపోజ్ చేస్తున్నాడా.. నన్ను మర్చిపోయాడా అంటూ బ్లాంక్ గా  వెనక్కి తిరిగి వెళ్ళిపోతుంద.

 మరోవైపు రేవతి ఫామ్ హౌస్ లో ఉన్న పని ఆవిడకి ఫోన్ చేసి రేపు పిల్లలిద్దరిని పంపిస్తున్నాను వాళ్లు కేవలం పేరుకే పని చేయటానికి వస్తున్నారు వాళ్లకి ఎలాంటి డిస్టబెన్స్ కలగనివ్వకు అలాగే ఏ పార్టీలకి ఫామ్ హౌస్ ఇవ్వకు అని చెప్పి ఫోన్ పెట్టేస్తుంది. మరోవైపు మురారి మాటలు తలుచుకొని చావుకి సిద్ధపడుతుంది ముకుంద. ఆమెని ఆత్మ సాక్షి  ఆపి మురారి నిన్ను దూరం పెడుతున్నాడు అని చాలా సార్లు చెప్పాను కానీ నువ్వే నా నోరు నొక్కేశావు.

ప్రేమని దక్కించుకోవాలంటే ప్రేమతో పాటు శక్తి యుక్తులు కూడా కావాలి. అగ్రిమెంట్ తర్వాత కృష్ణ వెళ్లిపోతే మురారి ఒంటరి వాడైపోతాడు అప్పుడు నువ్వు కూడా లేకపోతే చాలా ఇబ్బంది పడతాడు అని ముకుంద కి ధైర్యం చెప్పినట్లుగా చెప్పుతుంది ఆత్మసాక్షి. తరువాయి భాగంలో మురారి డైరీలో కృష్ణ గురించి రాసుకున్న మాటల్ని చదివి  నిర్గాంత పోతుంది ముకుంద.