`ఎల్‌2ః ఎంపురాన్‌` హెచ్‌డీ ప్రింట్‌ లీక్.. అయినా మలయాళ రికార్డులన్నీ బ్రేక్‌, ఫస్ట్ డే కలెక్షన్లు ఎంతంటే?

15

L2 Empuraan Movie first day collections

L2 Empuraan Movie first day collections మోహన్‌లాల్, పృథ్వీరాజ్ సుకుమారన్ కలిసి నటించిన `ఎల్2: ఎంపురాన్` సినిమా విడుదలైన కొన్ని గంటల్లోనే Filmyzilla, Movierulez , Telegram వంటి వెబ్‌సైట్‌లలో లీక్ కావడంతో చిత్ర బృందం షాక్‌కు గురైంది. హోచ్‌ డీ ప్రింట్‌ వాటిలో కనిపిస్తుంది. ఇది మోహన్‌లాల్‌ మూవీ టీమ్‌కి పెద్ద దెబ్బగా చెప్పొచ్చు. 

25

HD క్వాలిటీలో లీక్ అయిన ఎంపురాన్: సినిమా లీక్ కాకుండా చిత్ర బృందం ఎంత ప్రయత్నించినా, ఎంపురాన్ సినిమా HD క్వాలిటితో కొన్ని వెబ్‌సైట్‌లలో లీక్ అయింది. దీని వల్ల సినిమా కలెక్షన్లపై ప్రభావం చూపే అవకాశం ఉందని చిత్ర బృందం ఆందోళన చెందుతోంది.

ఎంపురాన్ చిత్ర బృందం సైబర్ క్రైమ్‌లో ఫిర్యాదు చేసింది. చట్టవిరుద్ధంగా డౌన్‌లోడ్ చేసే వారిని గుర్తించి, అరెస్టు చేసే చర్యలు తీసుకుంటున్నారు. కొన్ని వెబ్‌సైట్‌ల నుండి సినిమాను తొలగించినట్లు చెబుతున్నారు.

35

`లూసిఫర్-2వ భాగం ఎంపురాన్: పృథ్వీరాజ్ సుకుమారన్ దర్శకత్వం వహించిన ఎంపురాన్ సినిమా, 2019లో మోహన్‌లాల్ నటనలో విడుదలై బ్లాక్‌బస్టర్ హిట్ అయిన సినిమాకు రెండవ భాగం. ఇందులో మోహన్‌లాల్‌తో పాటు పృథ్వీరాజ్, మంజు వారియర్, టొవినో థామస్ నటించారు. భారీ అంచనాలతో విడుదలైన ఈ సినిమా మిశ్రమ స్పందనను అందుకుంటోంది.

45

`లియో, కేజీఎఫ్-2` రికార్డును బద్దలు కొట్టిన ఎంపురాన్: 
ఇక ఎల్2: ఎంపురాన్ సినిమా కేరళలో ఇప్పటివరకు సినిమా విడుదలైన మొదటి రోజు కలెక్షన్ల రికార్డులను బద్దలు కొట్టింది. గతంలో విజయ్ నటించిన లియో తమిళ సినిమా మొదటి రోజు 12 కోట్ల రూపాయలు, యష్ నటించిన కేజీఎఫ్-2 కన్నడ సినిమా 7.5 కోట్ల రూపాయలు మొదటి రోజు అత్యధిక కలెక్షన్ల రికార్డును కలిగి ఉన్నాయి.

55

కానీ, ఇప్పుడు ``ఎల్2: ఎంపురాన్` సినిమా మొదటి రోజు 19 కోట్ల రూపాయలు వసూలు చేయడం ద్వారా గతంలో ఉన్న అన్ని రికార్డులను అధిగమించింది. ఇది ఇండియా వైడ్‌గా 22 కోట్లు సాధించింది. దీంతో మలయాళ సినిమా చరిత్రలోనే గత రికార్డులన్నీ బ్రేక్‌ చేసి, సరికొత్త రికార్డు సృష్టించింది.  అత్యధిక ఓపెనింగ్స్ సాధించిన మూవీగా నిలిచింది.  ఇది మున్ముందు మరిన్ని సంచలనాలు సృష్టించే అవకాశం ఉంది.