Megastar Chiranjeevi : విశ్వంభరలో ఊహించని గెటప్ లో చిరంజీవి.. 200 కోట్ల బడ్జెట్ తో ప్రయోగాలా ?

మెగాస్టార్ చిరంజీవి నటిస్తున్న తాజా చిత్రం విశ్వంభర. బింబిసార దర్శకుడు వశిష్ట దర్శకత్వంలో తెరకెక్కుతున్న ఈ చిత్రం విజువల్ వండర్ గా రూపొందుతోంది. 

మెగాస్టార్ చిరంజీవి నటిస్తున్న తాజా చిత్రం విశ్వంభర. బింబిసార దర్శకుడు వశిష్ట దర్శకత్వంలో తెరకెక్కుతున్న ఈ చిత్రం విజువల్ వండర్ గా రూపొందుతోంది. జగదేక వీరుడు అతిలోక సుందరి తర్వాత మెగాస్టార్ ఆ తరహా ఫాంటసీ జోనర్ లో నటిస్తున్న చిత్రం ఇదే. ముల్లోకాలు చుట్టూ ఈ కథ ఉండబోతున్నట్లు వార్తలు వస్తున్నాయి. 

అయితే ఈ చిత్రంలో వీరుడిగా నటించే చిరంజీవి ఏ లక్ష్యం కోసం పోరాడబోతున్నాడు, ఈ చిత్ర కథలోని కీలక అంశం ఏంటి అనేది ఇప్పటికీ సస్పెన్స్. ఈ చిత్రంలో చిరంజీవి సరసన త్రిష హీరోయిన్ గా ఎంపికైంది. ఇప్పటికే విశ్వంభర షూటింగ్ శరవేగంగా జరుగుతోంది. సురభి, ఇషా చావ్లా కూడా కీలక పాత్రల్లో నటిస్తున్నారు. 

అయితే విశ్వంభర చిత్రం నుంచి అందుతున్న ఒక్కో లీక్ సినిమాపై అంచనాలు పెంచేస్తున్నాయి. తాజాగా ఈ చిత్రంలో చిరంజీవి గెటప్ గురించి మైండ్ బ్లోయింగ్ రూమర్స్ వైరల్ అవుతున్నాయి. ఈ చిత్రంలో చిరంజీవి ట్విన్ బ్రదర్స్ గా నటించబోతున్నట్లు ఒక గాసిప్ ఉంది. దీనికి తోడు మరో గాసిప్ కూడా ఉత్కంఠ పెంచేస్తోంది. 

ఈ మూవీలో ఒక పాత్ర కోసం చిరు 70 ఏళ్ళు పైబడిన వృద్దుడిగా కనిపించబోతున్నారట.  ఈ పాత్ర సినిమాలో చాలా కీలకం కానున్నట్లు తెలుస్తోంది. అయితే చిరంజీవి 70 వృద్దుడిగా కనిపించాలంటే బలమైన కారణం ఉండాలి. లేదని ఫ్యాన్స్ కి ఆ పాత్ర మింగుడు పడడం కష్టం. అయితే ఆ పాత్రతో ఫ్యాన్స్ ని సంతృప్తి పరిచేలా దర్శకుడు వశిష్ట అన్ని జాగ్రత్తలు తీసుకుంటున్నట్లు తెలుస్తోంది. 

ముఖ్యంగా డైరెక్టర్ వశిష్ఠ ఈ చిత్రంలో విజువల్ ఎఫెక్ట్స్ పై ఎక్కువగా ఫోకస్ చేస్తున్నారు. దాదాపు 200 కోట్ల బడ్జెట్ లో ఈ చిత్రం తెరకెక్కుతోంది. యువి క్రియేషన్స్ సంస్థ ఈ చిత్రాన్ని నిర్మిస్తున్నారు.ఎలాంటి అంచనాలు లేకుండాఆ బింబిసార తో మ్యాజిక్ చేసి చూపించిన వసిష్ఠ.. ఇప్పుడు మెగాస్టార్ చిరంజీవి చిత్రాన్ని ఏ విధంగా తీర్చి దిద్దుతారో చూడాలి. 

కీరవాణి ఈ చిత్రానికి సంగీతం అందిస్తున్నారు. వాల్తేరు వీరయ్య లాంటి బ్లాక్ బస్టర్ తర్వాత భోళా శంకర్ లాంటి డిజాస్టర్ ఎదురైంది. దీనిని మెగా అభిమానులు మరచిపోవాలంటే విశ్వంభర చిత్రం బ్లాక్ బస్టర్ హిట్ కావాలి. 2025 సంక్రాంతికి విశ్వంభర రిలీజ్ కానుంది.