స్టార్ హీరో ఇంటికి వెళ్లి అరగంట క్లాస్ పీకిన బ్రహ్మానందం..ఆమెతో లవ్ ఎఫైర్ వల్లేనా, రచ్చ రచ్చ అయింది

సీనియర్ కమెడియన్ బ్రహ్మానందం గురించి పరిచయం అవసరం లేదు. ఆయన హాస్యభరితమైన హావా భావాలు తెలుగు ప్రేక్షకుల రోజువారి కార్యక్రమాల్లో భాగం అయిపోయాయి. మీమ్స్ రూపంలో బ్రహ్మానందం రోజు సోషల్ మీడియాలో ట్రెండ్ అవుతూనే ఉంటారు.

సీనియర్ కమెడియన్ బ్రహ్మానందం గురించి పరిచయం అవసరం లేదు. ఆయన హాస్యభరితమైన హావా భావాలు తెలుగు ప్రేక్షకుల రోజువారి కార్యక్రమాల్లో భాగం అయిపోయాయి. మీమ్స్ రూపంలో బ్రహ్మానందం రోజు సోషల్ మీడియాలో ట్రెండ్ అవుతూనే ఉంటారు. అంతా ఆయన హాస్యం ప్రజల్లోకి వెళ్ళింది. బ్రహ్మానందం టాలీవుడ్ లో అందరు స్టార్ హీరోలతో సన్నిహితంగా ఉంటారు. 

చిరంజీవి, బాలయ్య, నాగార్జున, మోహన్ బాబు ఇలా అందరి కుటుంబాలతో బ్రహ్మికి మంచి సాన్నిహిత్యం ఉంది. హీరోలు కూడా బ్రహ్మానందంని సొంత ఫ్యామిలీ లాగే భావిస్తారు. మోహన్ బాబు ఫ్యామిలీతో బ్రహ్మానందంకి ఒక ఊహించని సంఘటన జరిగిందట. ఈ విషయాన్ని మోహన్ బాబు తనయుడు మంచు విష్ణు బయట పెట్టారు. మంచు విష్ణు, అతని భార్య విరోనికా రెడ్డి పెళ్లి చాలా డ్రమాటిక్ గా జరిగింది. 

వీళ్లిద్దరి ప్రేమ వ్యవహారం సినిమా స్టైల్ లో సాగిందట. విరోనికాతో పరిచయం తర్వాత తనని ప్రేమిస్తున్నాని ప్రొపోజ్ చేశా. నన్ను కూడా ఆమె ఇష్టపడింది. కానీ ఒక్క మాట మాత్రం క్లియర్ గా చెప్పా. మా నాన్న ఒప్పుకుంటేనే పెళ్లి.. ఆయన్ని బాధపెట్టి నిన్ను పెళ్లి చేసుకోలేను.. కానీ నిన్ను ప్రేమించినట్లు ఇంకెవరిని ప్రేమించలేను అని మంచు విష్ణు చెప్పాడట. దానికి విరోనికా కూడా ఒకే చెప్పింది. నేను ఇంట్లో చెప్పడానికంటే ముందు ఓ ఆంగ్ల పత్రికలో మా ప్రేమ గురించి న్యూస్ వచ్చింది. అది నాన్నకి తెలిసింది. మా అక్క బావకి కూడా నా ప్రేమ గురించి తెలుసు. 

నాన్న గట్టిగా అరిచేశారు. నాతో ఒక్క మాట కూడా చెప్పకుండా మీరే అన్ని నిర్ణయాలు తీసుకుంటున్నారు అని కేకలు పెట్టారు. ఇది జరగదు, దీని గురించి ఇక్కడితో మరచిపోండి అని నాన్న వార్నింగ్ ఇచ్చారు. ఏఈ విషయం మా ఫ్యామిలీ ఫ్రెండ్స్ కి, శ్రేయోభిలాషులకు తెలిసిపోయింది. ఈ విషయం గురించి ధైర్యం చేసి ముందుగా నాన్నతో మాట్లాడిన వ్యక్తి బ్రహ్మానందం అంకుల్. ఆయన ఒకరోజు చెప్పకుండా ఇంటికి వచ్చారు. ఆ టైంలో నేను షూటింగ్ లో ఉన్నా. 

ఇంట్లోవాళ్ళు ఫోన్ చేసి.. బ్రహ్మానందం అంకుల్ వచ్చారు.. నీ గురించి విరోనికా గురించి నాన్నతో మాట్లాడుతున్నారు అని చెప్పారు. నాకు చాలా భయం వేసింది. దాదాపు అరగంట పాటు బ్రహ్మానందం అంకుల్ నాన్నకి క్లాస్ పీకారు. నువ్వు కొట్టినా పర్వాలేదు నేను చెప్పాలనుకున్నది చెప్పా అని బ్రహ్మానందం అంకుల్ వెళ్లిపోయారు. ఆ తర్వాత చాలా మంది సన్నిహితులు మంచు విష్ణు, విరోనికా పెళ్లి గురించి మోహన్ బాబుతో మాట్లాడారట. మొత్తంగా మంచు విష్ణు తాను ప్రేమించిన అమ్మాయినే పెళ్లి చేసుకున్నారు. ప్రస్తుతం మంచు విష్ణు, విరోనికా దంపతులకు నలుగురు పిల్లలు సంతానం.