Janaki kalaganaledu: జానకి మీద అనుమానంతో మల్లిక... జ్ఞానాంబ ఇంటి వరకు వచ్చిన జస్సీ తల్లిదండ్రులు!

Janaki Kalaganaledu: బుల్లితెరపై ప్రసారమవుతున్న జానకి కలగనలేదు సీరియల్ తెలుగు ప్రేక్షకుల్ని బాగా ఆకట్టుకుంటుంది. ఐపీఎస్ కలను నిజం చేసుకునేందుకు అత్తవారింట్లో జానకి పడే కష్టాలే ఈ సీరియల్ కాన్సెప్ట్. నిత్యం ట్విస్టులతో కొనసాగుతున్న ఈ సీరియల్ ఈ రోజు సెప్టెంబర్ 6వ తేదీ ఎపిసోడ్‌లో ఏం జరిగిందో తెలుసుకుందాం... 

ఈరోజు ఎపిసోడ్ ప్రారంభంలోనే...చికిత మల్లికతో ,కడుపుతో ఉన్న వాళ్ళకి ఎక్కువ తినబుద్ది వేయదట కానీ, మీరు కుంభాలు కుంభాలుగా లాగించేస్తున్నారు అని అంటుంది.ఇంతలో జానకి అక్కడికి వచ్చి అఖిల్ ఎక్కడ అని అడుగుతుంది. అఖిల్ బాబు వాళ్ళ గదిలో ఉన్నారు అని చెప్పగా అక్కడికి వెళ్తుంది జానకి.నీ నిర్ణయం ఏంటి అఖిల్ అని అనగా అంతలో జ్ఞానాంబ, ఇంట్లో వాళ్ళందరినీ హాల్లోకి పిలుస్తుంది, అందరూ హాల్లోకి వస్తారు.

 అప్పుడు జ్ఞానాంబ  అందరికీ వినాయక చవితి సందర్భంగా బట్టలు ఇస్తుంది. ఈ సంవత్సరం వినాయక చవితి రోజు మల్లికా కడుపుతో ఉన్నది కనుక ఇలాగ పండగ చేసుకుంటున్నాము, వచ్చే సంవత్సరం మన ఇంట్లో చిన్న పాప బాబు పుడతాడు .అప్పుడు ఇంకా ఘనంగా చేసుకోవాలి అని అంటుంది.ఇంతలో జానకికి జెస్సి దగ్గర నుంచి ఫోన్ వస్తుంది, జానకి కంగారుగా వెనక్కి వెళ్లి మాట్లాడుతుంది. మల్లికకి జానకి ,అఖిల్ మీద అనుమానం వస్తుంది. జానకి ఏం మాట్లాడుతుందని వెనుక నుంచి వినడానికి చూడగా తనకి ఏ మాటలు వినిపించవు.

జెస్సి జానకి కి ఫోన్ చేసి, ఇలాగ అమ్మానాన్నలకు విషయం తెలిసిపోయిందక్క, వాళ్ళు వెంటనే అక్కడికి బయలుదేరారు ఏం జరుగుతుందో తెలియట్లేదు అని అనగా జానకి ఫోన్ పెట్టేస్తుంది.వాళ్ళని ఎలాగైనా ఆపాలి అని అనుకుంటుంది. ఆపడానికి ఆలోచిస్తూ ఉండగా రామ అక్కడికి వచ్చి జానకి గారు మీతో ఒక విషయం మాట్లాడాలి. ఇందాక నేను ఒక బేరం కుదిరిందని అక్కడికి వెళ్తున్నప్పుడు పక్కన పోలీసు కనిపించారు. ఆయన మాటని అక్కడ చుట్టుపక్కన వాళ్ళందరూ వింటున్నారు,తను ఏం చెప్తే అదే చేస్తున్నారు.

అందరూ చాలా గౌరవం ఇస్తున్నారు,నాకు ఆ ప్లేస్ లో మీరే కనిపించారు అని అంటాడు,కానీ జానకి మాత్రం ఒక వైపు టెన్షన్ తో ఉంటూ,మరో వైపు నేను ఎంత పెద్ద పోలీస్ అయినా నేను రామ గారు భార్యని అని చెప్తుంది. ఇంతలో జెస్సి వాళ్ళ తల్లిదండ్రులు ఇంటికి వచ్చేస్తారు. అప్పుడు జానకి బయటకు వెళ్లి దయచేసి ఆగండి నేను ఇంటి పెద్ద కోడలిని నా పేరు జానకి అని అంటుంది. వాళ్లు రావడం మల్లిక చూస్తుంది. అంటే జానకి ఇప్పటివరకు ఫోన్లో మాట్లాడింది వీళ్ళతోనైనా అసలు ఏమవుతుంది అని అనుకుంటుంది మల్లిక. 

అప్పుడు వాళ్ళు, మేము ఈరోజు మీ అత్తగారితో తేల్చుకోవాలి, మా కూతురు పరువు ఏమవ్వాలి,మా ఇంటి పరువు ఏమి అవ్వాలి, అసలు ఇంత పెద్ద నిర్లక్ష్యం ఎలా చేయగలరు అని అడగగా, నాకు కొంచెం సమయం ఇవ్వండి నేను ఇంట్లో వాళ్ళతో మాట్లాడి ఎలాగైనా ఒప్పించడానికి ప్రయత్నిస్తాను,మీ కూతురు జీవితం నాశనం అవ్వకుండా ఉండాలంటే ఇదొకటే మార్గం ఉన్నది అని వాళ్ళని తిరిగి పంపించేస్తుంది.అంతలో అఖిల్ ఇంట్లోకి వస్తాడు. జానకి అప్పుడు అఖిల్ దగ్గరికి వెళ్లి అఖిల్ ని నిలదీస్తుంది.

 కానీ మల్లికా ఇది కూడా వినడానికి  ప్రయత్నించిన ఏది వినపడదు. జానకి అఖిల్ తో,నీకు ఇచ్చిన సమయం పూర్తయింది.నువ్వు నీ అంతట నిర్ణయం చెప్తావ్ అనుకున్నాను చెప్పకపోగా తప్పించుకుని తిరుగుతున్నావు ఇప్పుడే అత్తయ్య గారికి, మీ అన్నగారికి నిజం చెప్తాను అని వెళ్తుండగా వద్దు వదిన, నేను ఒప్పుకుంటున్నాను నేను తప్పు చేశాను. ఒకేసారి జెస్సీ ప్రెగ్నెంట్ అని తెలియగానే భయపడి అబార్షన్ అన్నాను కానీ జెస్సీ అంటే ఇష్టం లేక కాదు అని అంటాడు. అప్పుడు జానకి అయితే అత్తయ్య గారి దగ్గరికి వెళ్లి మాట్లాడి మీకు ఎలాగైనా పెళ్లి జరిపించాలి.

 అది అయితే కచ్చితంగా జరగాలి. ఇప్పుడే వెళ్దాము అని అనగా వద్దు వదిన, అమ్మకు తెలిస్తే నా తోలు తీస్తుంది, జీవితంలో నన్ను క్షమించదు అని అంటాడు. ఏంటి అంత ఎమోషనల్ అవుతున్నాడు? ఏం జరుగుతుందా అని మల్లికా పక్క నుంచి వినడానికి ప్రయత్నిస్తుంది.ఇంతటితో ఎపిసోడ్ ముగుస్తుంది.తరువాయి భాగం లో  ఏం జరిగిందో తెలియాలంటే రేపటి వరకు ఎదురు చూడాల్సిందే!