మహేష్ ఫ్యాన్స్ కి టార్గెట్ గా మారిన గురూజీ.. చివరికి ఎస్ కె ఎన్ ని కూడా వాడేశారు, అలా కాకుంటే చాలు అంటూ..
సూపర్ స్టార్ మహేష్ బాబు నటించిన లేటెస్ట్ మూవీ గుంటూరు కారం. మాటల మాంత్రికుడు త్రివిక్రమ్ శ్రీనివాస్ కాంబినేషన్ లో మహేష్ నటించిన హ్యాట్రిక్ మూవీ ఇది.
సూపర్ స్టార్ మహేష్ బాబు నటించిన లేటెస్ట్ మూవీ గుంటూరు కారం. మాటల మాంత్రికుడు త్రివిక్రమ్ శ్రీనివాస్ కాంబినేషన్ లో మహేష్ నటించిన హ్యాట్రిక్ మూవీ ఇది. మహేష్ కెరీర్ లో గుంటూరు కారం స్పెషల్ మూవీగా నిలిచిపోవాలని ఫ్యాన్స్ అంతా కోరుకున్నారు. ఎందుకంటే సూపర్ స్టార్ కృష్ణ లేకుండా మహేష్ నుంచి వస్తున్న చిత్రం ఇది. మహేష్ కూడా ప్రీ రిలీజ్ ఈవెంట్ లో ఎమోషనల్ అయ్యారు.
![article_image2](https://static-ai.asianetnews.com/images/01hkvg396mx1pejnx6x7azgf23/gu-jpg_300x171xt.jpg)
కానీ థియేటర్స్ నుంచి, క్రిటిక్స్ నుంచి వస్తున్న రెస్పాన్స్ చూస్తుంటే గుంటూరు కారం మూవీ ఫ్యాన్స్ కి తీవ్ర నిరాశ మిగిల్చే చిత్రం అవుతోందని అంటున్నారు. గుంటూరు కారం చిత్రంలో పూర్తిగా త్రివిక్రమ్ మార్క్ మిస్ అయింది అని అంటున్నారు. ఏమాత్రం ఆకట్టుకునే కథ లేకుండా చిరాకు పుట్టించే కమర్షియల్ ఎలిమెంట్స్ ని జోడించారు.
కమర్షియల్ ఎలిమెంట్స్ కూడా ఆశించిన స్థాయిలో వర్కౌట్ కాలేదు. ఎమోషన్ ఏమాత్రం పండలేదు. కొన్ని సన్నివేశాలు ఎబ్బెట్టుగా అనిపించినట్లు తెలుస్తోంది. ఈ దీనితో మహేష్ బాబే సినిమా మొత్తాన్ని తన భుజాలపై మోయాల్సి వచ్చింది. త్రివిక్రమ్ లాంటి డైరెక్టర్ కూడా సోషల్ మీడియాలో పాపులర్ అయిన మీమ్స్ ని, డైలాగులని వాడుకోవడం ఏంటి అని మహేష్ ఫ్యాన్స్ దారుణంగా ట్రోల్ చేస్తున్నారు.
ప్రముఖ నిర్మాత ఎస్ కె ఎన్.. బేబీ ప్రీ రిలీజ్ ఈవెంట్ లో తొడకొట్టి కల్ట్ బొమ్మ తీసాం అని చెప్పే వీడియో కూడా త్రివిక్రమ్ వాడేశాడట. మహేష్ బాబు సినిమాకి.. త్రివిక్రమ్ లాంటి రచయిత సోషల్ మీడియా కంటెంట్ ని ఉపయోగించుకోవడం కంటే దారుణమైన విషయం లేదని దుమ్మెత్తిపోస్తున్నారు.
కుర్చీ మడత పెట్టి అనే సాంగ్ కూడా సోషల్ మీడియా నుంచి వచ్చిందే. కాకపోతే శ్రీలీలా డ్యాన్స్ అదరగొట్టడంతో కాస్త కమర్షియల్ గా వర్కౌట్ అయినట్లు చెబుతున్నారు. తండ్రి, కొడుకు, కూతురు సెంటిమెంట్ లేకుండా త్రివిక్రమ్ సినిమాలు ఉండవు. అయితే అవన్నీ ఎలాగోలా వర్కౌట్ అవుతూ వచ్చాయి. కానీ గుంటూరు కారం పూర్తిగా బెడిసికొట్టింది అని అంటున్నారు.
మహేష్ అభిమానులకు త్రివిక్రమ్ ట్రోలింగ్ టార్గెట్ గా మారిపోయారు. గుంటూరు కారం చిత్రం మరీ అజ్ఞాతవాసి తరహాలో కాకుంటే చాలు అని కోరుకుంటున్నారు.