రజనీ `కూలీ`, `లియో 2` సినిమాల గురించి అదిరిపోయే అప్‌ డేట్స్ ఇచ్చిన లోకేష్‌ కనగరాజ్‌, ఫ్యాన్స్ కి ఇక పండగే

తమిళ దర్శకుడు లోకేష్‌ కనగరాజ్‌ తన నెక్ట్స్ సినిమాలకు సంబంధించి అదిరిపోయే అప్‌ డేట్స్ ఇచ్చాడు. రజనీతో చేస్తున్న `కూలీ`తోపాటు `లియో 2`పై ఆయన స్పందించారు. 

తమిళ సినిమాలో అత్యంత క్రేజీ దర్శకుడిగా మారిపోయారు దర్శకుడిగా లోకేష్ కనకరాజ్. తన సినిమాటిక్ యూనివర్స్ ద్వారా కొత్త తరహా సినిమా అనుభవాన్ని ఆడియెన్స్ కి అందిస్తున్నారు. "ఖైదీ", "విక్రమ్", "లియో" సినిమాలను తన యూనివర్స్‌లోకి ఇప్పటికే చేర్చిన లోకేష్, త్వరలో రాఘవ లారెన్స్ నటించనున్న "బెంజ్" సినిమా ద్వారా ఆయనను కూడా తన యూనివర్స్‌లోకి తీసుకురానున్నారు. త్వరలోనే ఆ సినిమా గురించి అధికారిక ప్రకటన రానుంది. అంతేకాకుండా తన LCU షార్ట్ ఫిల్మ్‌ను కూడా త్వరలో విడుదల చేయనున్నారు లోకేష్‌. 

సూపర్ స్టార్ రజనీకాంత్ తో `కూలీ` సినిమాను లోకేష్ దర్శకత్వం వహిస్తున్నారు. రెండు నెలల క్రితం సినిమా షూటింగ్ ప్రారంభమైంది. రజనీకాంత్ కు జరిగిన ఆపరేషన్ కారణంగా కొంతకాలం విరామం తర్వాత, ప్రస్తుతం `కూలీ` సినిమా రెండో షెడ్యూల్ షూటింగ్ జరుగుతోంది. ఈ మూవీకి అప్‌ డేట్స్ ఇచ్చాడు లోకేష్‌. `ఇంకా రెండు షెడ్యూల్స్ మిగిలి ఉన్నాయి. 2025 ప్రారంభంలో సినిమా విడుదల అవుతుంద`ని  తెలిపారు లోకేష్‌. 

లియో 2

2023 లో విజయ్ నటించిన "లియో" సినిమా ప్రపంచవ్యాప్తంగా 450 కోట్లకు పైగా వసూలు చేసింది. `లియో 2` రావడం కష్టమే. విజయ్ ప్రస్తుతం రాజకీయాల్లో బిజీగా ఉన్నారు. అయితే, విజయ్ ఓకే అంటే `లియో 2` కథ సిద్ధంగా ఉందని, సినిమా తీయడానికి తాను సిద్ధంగా ఉన్నానని లోకేష్ చెప్పారు.

దర్శకుడు లోకేష్

ఈ దీపావళికి నెల్సన్ దిలీప్ కుమార్ నిర్మాణంలో విడుదలైన కవిన్ "బ్లడీ బెకర్" సినిమాను చూసిన లోకేష్, మీడియాతో మాట్లాడుతూ, ఈ రెండు ముఖ్యమైన విషయాలు చెప్పారు. నిర్మాతగా మారిన నెల్సన్ కు శుభాకాంక్షలు తెలిపారు. ఇంగ్లీష్ సినిమాల్లో మాత్రమే చూసిన కథాంశాన్ని ఇప్పుడు తెలుగు సినిమాల్లో చూడటం ఆనందంగా ఉందని, కవిన్ కు కూడా శుభాకాంక్షలు తెలిపారు లోకేస్‌ కనగరాజ్‌.