లావణ్య త్రిపాఠి రీఎంట్రీ కన్ఫమ్‌.. కమల్‌ హాసన్‌ టైటిల్‌తో సినిమా
వరుణ్‌ తేజ్‌ భార్య, హీరోయిన్ లావణ్య త్రిపాఠి మళ్లీ సినిమాలు చేయబోతుంది. తాజాగా తన పుట్టిన రోజు సందర్భంగా తన కొత్త సినిమాని ప్రకటించింది లావణ్య.
Followలావణ్య త్రిపాఠి ఒకప్పుడు హీరోయిన్‌గా సినిమాలు చేసి మెప్పించింది. తెలుగు ఆడియెన్స్ కి బాగా దగ్గరయ్యింది. ఈ క్రమంలో ఆమె వరుణ్‌ తేజ్‌ని పెళ్లి చేసుకున్న విషయం తెలిసిందే. గతేడాది వీరి వివాహం జరిగింది. అప్పట్నుంచి సినిమాలకు దూరంగా ఉంది లావణ్య త్రిపాఠి. వెండితెరపై కనిపించి ఆమె రెండేళ్లు అవుతుంది. ఈ క్రమంలో సినిమాలకు దూరం కాబోతుందనే కామెంట్స్ వచ్చాయి.
అయితే మధ్యలో ఓటీటీ ఫిల్మ్స్, వెబ్‌సిరీస్‌లో మెరిసింది. `పులిమేక`, `మిస్‌ పర్‌ఫెక్ట్` సిరీస్‌లో మెరిసింది. ఇక ఓటీటీకే పరిమితమనే వాదన కూడా వినిపించింది. దీనికితోడు మెగా ఫ్యామిలీ సినిమాలు చేయకూడదనే రిస్టిక్షన్‌ కూడా పెట్టినట్టు వార్తలు గుప్పుమన్నాయి.
ఈ క్రమంలో ఇటీవల వరుణ్‌ తేజ్‌ స్పందించాడు. ఒకప్పటిలా ఇప్పుడు లేదని, కాలం మారిందని, సినిమాలు చేయడానికి సమస్య లేదని తెలిపాడు. అన్నట్టుగానే ఇప్పుడు కొత్త సినిమాని ప్రకటించింది లావణ్య త్రిపాఠి. నేడు తన పుట్టిన రోజు సందర్భంగా ఈ మూవీని ప్రకటించడం విశేషం.
కమల్‌ హాసన్‌ మూవీ టైటిల్‌తో సినిమా చేయబోతున్నారు. `సతీ లీలావతి` పేరుతోఈ మూవీ తెరకెక్కబోతుంది. 1995లోనే కమల్‌.. `సతీ లీలావతి`తో సినిమా తీసి హిట్‌ కొట్టాడు కమల్‌. ఇప్పుడు లావణ్య త్రిపాఠి అదే టైటిల్‌తో మూవీ చేయడం విశేషం.
దుర్గాదేవి పిక్చర్స్, ట్రియో స్టూడియోస్‌ సంయుక్తంగా ఈ మూవీని నిర్మిస్తున్నాయి. తాతినేని సత్య దర్శకత్వ వహిస్తున్నారు. ఇందులో లావణ్య త్రిపాఠి ముఖ్య పాత్ర పోషిస్తుంది. లేడీ ఓరియెంటెడ్‌ కథతో ఈ చిత్రాన్ని తెరకెక్కిస్తున్నారు.
ఈ మూవీ గురించి టీమ్‌ చెబుతూ, `వైవిధ్య‌మైన పాత్రలతో క‌థానాయిక‌గా త‌న‌కంటూ ఓ ప్ర‌త్యేక‌మైన గుర్తింపు సంపాదించుకుంది హీరోయిన్ లావణ్య త్రిపాఠి. `సతీ లీలావతి` చిత్రంతో మ‌రోసారి డిఫ‌రెంట్ రోల్‌, ఎగ్జ‌యిటింగ్ క‌థాంశంతో మెప్పించ‌టానికి లావణ్య త్రిపాఠి సిద్ధ‌మ‌య్యారు. త్వ‌ర‌లోనే ఈ మూవీ షూటింగ్ ప్రారంభం కానుంది.
మరిన్ని వివరాలను త్వ‌ర‌లోనే తెలియజేస్తామ`ని నిర్మాతలు తెలిపారు. మిక్కీ జె.మేయ‌ర్ ఈ చిత్రానికి సంగీత సార‌థ్యం వహిస్తున్నారు. పెళ్లికి ముందు తనదైన నటనతో మెప్పించింది లావణ్య. మరి సెకండ్‌ ఇన్నింగ్స్ లో ఎలా ఆకట్టుకోబోతుందో చూడాలి.
read more: ఫ్యామిలీతో సహా చిరంజీవిని అల్లు అర్జున్ కలవడం వెనుక అసలు కారణం ఇదే, ఆ క్రెడిట్‌ మొత్తం ఆయనకేనా?
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
