వయసులో పదేళ్లు చిన్నవాడితో కృతి సనన్ ఎఫైర్.. ఆ అబ్బాయి ఎంఎస్ ధోని బంధువే ?

స్టార్ బ్యూటీ కృతి సనన్ గురించి పరిచయం అవసరం లేదు. బాలీవుడ్ లో కృతి సనన్ వరుస చిత్రాలతో దూసుకుపోతోంది. కృతి సనన్ హీరోయిన్ గా టాలీవుడ్ లో ఎంట్రీ ఇచ్చింది. అయితే టాలీవుడ్ ఆమెకి ఏమాత్రం కలసి రాలేదు. 1 నేనొక్కడినే, దోచేయ్ లాంటి చిత్రాలు డిజాస్టర్స్ గా నిలిచాయి. 

ఎన్నో ఆశలు పెట్టుకున్న ప్రభాస్ పాన్ ఇండియా చిత్రం ఆదిపురుష్ కూడా నిరాశ పరిచింది. అయితే బాలీవుడ్ లో మాత్రం కృతి సనన్ కి వరుస ఆఫర్స్ వస్తున్నాయి. ప్రస్తుతం కృతి సనన్.. కరీనా కపూర్, టబు కలసి నటించిన క్రూ చిత్రం మార్చి 29న రిలీజ్ కి రెడీ అవుతోంది. 

ఇంతలో కృతి సనన్ పర్సనల్ లైఫ్ కి సంబంధించిన న్యూస్ నెట్టింట వైరల్ గా మారింది. కృతి సనన్ తనకన్నా పదేళ్ళు చిన్నవాడైన కుర్రాడితో ప్రేమలో ఉన్నట్లు బాలీవుడ్ లో వార్తలు వస్తున్నాయి. కృతి సనన్ రీసెంట్ గా వీకెండ్ హాలిడే కోసం లండన్ వెళ్ళింది. అక్కడ ఒక అబ్బాయితో ఆమె చెట్టాపట్టాలేసుకుని తిరగడం కెమెరాలకు చిక్కింది. అయితే ఆ ఫోటో వెనుక వైపు నుంచి ఉంది. 

బిటౌన్ లో వినిపిస్తున్న రూమర్స్ ప్రకారం ఆ అబ్బాయితో కృతి సనన్ డేటింగ్ చేస్తున్నట్లు ప్రచారం జరుగుతోంది. ఆ అబ్బాయి పేరు కబీర్ బహియా. వయసు 23 ఏళ్ళు. కృతి సనన్ వయసు 33 ఏళ్ళు. బాలీవుడ్ లో తమకంటే చిన్న వయసు ఉన్న కుర్రాళ్లతో డేటింగ్ చేసే ట్రెండ్ చాలా కాలంగా సాగుతోంది. ప్రియాంక చోప్రా తనకంటే పదేళ్లు వయసున్న నిక్ జోనస్ ని పెళ్లి చేసుకుంది. 

మలైకా అరోరా కూడా మొన్నటి వరకు అర్జున్ కపూర్ తో రిలేషన్ లో ఉంది. ఇప్పుడు కృతి సనన్ పేరు వైరల్ గా మారింది. కృతి సనన్ ప్రేమలో ఉన్నట్లు రూమర్స్ వస్తున్న కబీర్ బహియా బ్యాగ్రౌండ్ గురించి కూడా రూమర్స్ వస్తున్నాయి. కబీర్ తండ్రి బ్రిటన్ లో ప్రముఖ వ్యాపారవేత్తగా రాణిస్తున్నారు అట. అతడి ఫ్యామిలీ అక్కడే సెటిల్ అయ్యారు. 

కబీర్ బహియా.. టీమిండియా క్రికెట్ లెజెండ్, మాజీ కెప్టెన్ మహేంద్ర సింగ్ ధోనికి బంధువు అవుతాడని టాక్. ధోని సతీమణి సాక్షి తరుపున వాళ్ళట. సో ఆ విధంగా కృతి సనన్ లవ్ లైఫ్ గురించి బాలీవుడ్ మొత్తం కోడై కూస్తోంది. అయితే ఇందులో ఎంతవరకు వాస్తవం ఉంది అనేది తెలియాలంటే కృతి సనన్ స్పందించాల్సిందే.