- Home
- Entertainment
- రవితేజ గోడలు దూకిన రోజులు బయటపెట్టిన కృష్ణభగవాన్.. అద్దె ఇంట్లో రోజూ రాత్రిళ్లు అదే పని.. అరుదైన విషయాలు
రవితేజ గోడలు దూకిన రోజులు బయటపెట్టిన కృష్ణభగవాన్.. అద్దె ఇంట్లో రోజూ రాత్రిళ్లు అదే పని.. అరుదైన విషయాలు
రవితేజ సోలోగా వచ్చి హీరోగా ఎదిగాడు. స్టార్ హీరోగా రాణిస్తున్నాడు. కానీ బ్యాచ్లర్గా ఉన్నప్పుడు అద్దె ఇంట్లో ఉన్నప్పుడు గోడలు దూకిన విషయాలను బయటపెట్టాడు కృష్ణభగవాన్.
మాస్ మహారాజా రవితేజ ఎలాంటి బ్యాక్ గ్రౌండ్ లేకుండా సినిమాల్లోకి వచ్చాడు. అసిస్టెంట్ డైరెక్టర్ నుంచి, చిన్న ఆర్టిస్టుగా, అసిస్టెంట్గా చేసుకుంటూ నెమ్మదిగా ఒక్కో మెట్టు ఎక్కుతూ వచ్చాడు. అనేక స్ట్రగుల్స్ ఫేస్ చేసి హీరోగా ఎదిగా, స్టార్ హీరోగా నిలబడ్డాడు. జయాపజయాలతో సంబంధం లేకుండా ఆడియెన్స్ ని అలరిస్తున్నాడు.
అయితే స్ట్రగులింగ్ డేస్లోని రవితేజ చేసిన కొంటె పనులను బయటపెట్టారు కృష్ణభగవాన్. బ్యాచ్లర్గా ఉన్నప్పుడు కొందరు ఫ్రెండ్స్ తో కలిసి ఒకే రూమ్లో ఉండేవారట. అలా రవితేజ, దర్శకుడు వైవీఎస్ చౌదరి, కృష్ణభగవాన్ ఇలా అంతా కలిసి ఉండేవారట. అద్దెకి ఉండే ఇంటి వద్ద వీళ్లు చేసిన పని, వీళ్లకి ఎదురైన సంఘటనలను బయటపెట్టాడు కృష్ణభగవాన్.
వీళ్లంతా అద్దెకి ఉన్న ఉంట్లో పెద్ద పెద్ద కుక్కలు ఉండేవట. వాళ్లు మా రూమ్లను చూసి ట్రైనింగ్ ఇచ్చేవారట. సినిమా వాళ్లం కాదా, గోడలు దూకి వచ్చేవాళ్లమని తెలిపారు. రాత్రిళ్లు ఇంటికి వచ్చేటప్పుడు అవి మీదకి ఎగబడేవట. వాటిని చూస్తే భయమేసేదట. దీంతో చేసేదేం లేక రాత్రిళ్లు గోడలు దూకి ఇంట్లోకి వచ్చేవారట. అలా తాను, రవితేజ, వైవీఎస్ చౌదరి అలా అందరం గోడలు దూకి రావాల్సిన పరిస్థితి ఉండేదని తెలిపారు కృష్ణభగవాన్.
బాత్ రూమ్ బయట దూరంగా ఉండేదని, ఓ రోజు తాను బాత్ రూమ్ వెళ్లి బకెట్ పట్టుకుని వస్తుంటే చిన్న కుక్క చూసి పెద్ద కుక్కకి అరుస్తూ చెప్పిందట. బయటకు వచ్చాడని, దీంతో ఆ పెద్ద కుక్క ఎదురుగా నిలబడి తననే చూస్తుందట. ఆ సమయంలో తన పరిస్థితి ఎలా ఉందో వివరించాడు కృష్ణభగవాన్. దీంతో షోలో నవ్వులు విరిసాయి.
`జబర్దస్త్` లేటెస్ట్ ప్రోమోలో కృష్ణభగవాన్ ఈ విషయాలను బయటపెట్టాడు. రవితేజ ఎదుర్కొన్న పరిస్థితులను పరోక్షంగా వెల్లడించాడు కృష్ణభగవాన్. రాకెట్ రాఘవ డాగ్ స్కిట్ చేసిన సమయంలో కృష్ణభగవాన్ ఈ విషయాన్ని వెల్లడించారు. లేటెస్ట్ గా విడుదలైన ఈ `జబర్దస్త్` ప్రోమో వైరల్ అవుతుంది. పూర్తి ఎపిసోడ్ గురువారం ఈటీవీలో ప్రసారం కానున్న విషయం తెలిసిందే.
రవితేజ.. `సింధూరం` సినిమాతో నటుడిగా గుర్తింపు తెచ్చుకున్నాడు. `అల్లరి ప్రియుడు`, `నిన్నే పెళ్లాడతా`, `మనసిచ్చి చూడు`, `సీతారామరాజు`, `ప్రేమకు వేళాయరా` వంటి చిత్రాల్లో కీలక పాత్రల్లో నటించి మెప్పించాడు. 1999లో `నీకోసం` చిత్రంతో హీరోగా మారారు. ఈ మూవీతో శ్రీనువైట్ల దర్శకుడిగా మారాడు. ఈ సినిమా హిట్ కావడంతో ఇక రవితేజ, దర్శకుడు శ్రీనువైట్ల వెనక్కి తిరిగి చూసుకోవాల్సిన అవసరం రాలేదు. ఇటీవల `ఈగల్`తో ఆకట్టుకున్న రవితేజ ఇప్పుడు `మిస్టర్ బచ్చన్`లో నటిస్తున్నారు.