Kiran Abbavaram K-Ramp:కిరణ్‌ అబ్బవరం `క` సెంటిమెంట్‌, కొత్త సినిమా విషయంలోనూ సేమ్‌

Kiran Abbavaram K Ramp: కిరణ్‌ అబ్బవరం చివరగా `క` సినిమాతో హిట్‌ కొట్టాడు. ఇప్పుడు అదే సెంటిమెంట్‌ని తన నెక్ట్స్ సినిమా విషయంలో ఫాలో అవుతున్నాడు. ఈ మూవీ టైటిల్ క్రేజీగా ఉంది.  

kiran abbavaram k ramp opening

Kiran Abbavaram Movie Title K-Ramp:యంగ్‌ హీరో కిరణ్‌ అబ్బవరం గతేడాది `క` సినిమాతో పెద్ద హిట్‌ అందుకున్నారు. చాలా రోజుల తర్వాత కిరణ్‌కి ప్రాపర్‌ హిట్‌ పడింది. ఓ రకంగా ఆయన కెరీర్‌కి పెద్ద బూస్ట్ ఇచ్చింది.

ఈ సినిమాతో మళ్లీ సక్సెస్‌ ట్రాక్‌ ఎక్కాడు కిరణ్‌. అందులో భాగంగా ఆయన వరుసగా చాలా సెలక్టీవ్‌గా సినిమాలు చేస్తున్నారు. ఆచితూచి అడుగులు వేస్తున్నారు. ప్రస్తుతం `దిల్‌రూబా` చేస్తున్న ఆయన ఇప్పుడు కొత్త సినిమాని ప్రారంభించారు. సోమవారం తన కొత్త సినిమాని స్టార్ట్ చేశారు. 

kiran abbavaram

`క` పేరుతో నటించిన చివరి సినిమా పెద్ద హిట్‌ అయ్యింది. ఇప్పుడు అదే సెంటిమెంట్‌ని ఫాలో అవుతున్నాడు. తన నెక్ట్స్ మూవీకి కూడా `క` వచ్చేలా టైటిల్‌ పెట్టారు. `కే-ర్యాంప్‌` పేరుతో టైటిల్‌ని పెట్టారు. దీన్ని విభిన్నంగా ప్రకటించారు.

ఓ వీడియో ద్వారా తనపై తానే సెటైర్లు వేసుకుంటూ ఈ మూవీ టైటిల్‌ని ప్రకటించడం విశేషం. హడావుడి చేసి, సింపుల్‌గా అనౌన్స్ చేశారు. ఇది ఆద్యంతం ఆకట్టుకుంటుంది. కిరణ్‌ అబ్బవరం నటిస్తున్న 11వ మూవీ ఇది కావడం విశేషం. 

‘సామజవరగమన’, ‘ఊరుపేరు భైరవకోన’ వంటి బ్లాక్ బస్టర్‌ల తరువాత హాస్య మూవీస్ బ్యానర్‌లో ప్రొడక్షన్ నంబర్ 7గా సక్సెస్ ఫుల్ ప్రొడ్యూసర్ రాజేష్ దండ నిర్మిస్తున్న కొత్త ప్రాజెక్ట్‌కి ‘K-ర్యాంప్’ అనే టైటిల్ ఫిక్స్ చేశారు. ఈ ‘K-ర్యాంప్’ సినిమాకు కొత్త డైరెక్టర్ జైన్స్ నాని దర్శకత్వం వహిస్తున్నారు. సోమవారం జరిగిన ఈ సినిమాకు పూజా కార్యక్రమానికి దిల్ రాజు ముఖ్య అతిథిగా విచ్చేసి క్లాప్ కొట్టారు.

నిర్మాత అనిల్ సుంకర కెమెరా స్విచ్ఛాన్ చేశారు. డైరెక్టర్స్ విజయ్ కనకమేడల, రామ్ అబ్బరాజు, యదు వంశీ, రైటర్ ప్రసన్న స్క్రిప్ట్ అందజేశారు. యోగి ఫస్ట్ షాట్ డైరెక్షన్ చేశారు. ఈ కార్యక్రమంలో నిర్మాతలు ధీరజ్ మొగిలినేని, వంశీ నందిపాటి, సీనియర్ నరేష్ పాల్గొన్నారు.

తాజాగా రిలీజ్ చేసిన టైటిల్ పోస్టర్ చూస్తుంటే నిజంగానే ర్యాంప్ ఆడించేలా ఉన్నారు. యాక్షన్ సీక్వెన్స్‌కు సంబంధించిన స్టిల్‌లా కనిపిస్తోంది. కిరణ్ అబ్బవరంను పూర్తిగా చూపించలేదు గానీ.. చుట్టూ ఆ మందిని చూస్తుంటే భారీ యాక్షన్ సీక్వెన్స్‌ను ప్లాన్ చేసినట్టుగానే ఉన్నారు. టైటిల్ లోగోలో ఉన్న ఆ బొమ్మ, ఆ మందు సీసా, ఆ ఫుట్ బాల్‌ను చూస్తుంటే అందరిలోనూ ఆసక్తిరేకెత్తించేలా ఉన్నాయి. కథ ఏమై ఉంటుందా? అనే చర్చలు లేవనెత్తేలా ఈ టైటిల్ పోస్టర్‌ ఉంది.

ఈ  "k-ర్యాంప్"లో కిరణ్ అబ్బవరం సరసన యుక్తి తరేజా హీరోయిన్‌గా నటిస్తోంది . ఈ మూవీకి చేతన్ భరద్వాజ్ సంగీతాన్ని అందిస్తున్నారు. ఈ సినిమాకి సతీష్ రెడ్డి మాసం కెమెరామెన్‌గా, చోటా కె. ప్రసాద్ ఎడిటర్‌గా, ఆర్ట్ డైరెక్టర్ గా సుధీర్ మాచర్ల, పృథ్వీ యాక్షన్ కొరియోగ్రాఫర్ గా వ్యవహరిస్తున్నారు.