- Home
- Entertainment
- `కింగ్డమ్` ఆర్టిస్టుల పారితోషికాలు.. విజయ్ దేవరకొండ, భాగ్యశ్రీ, సత్యదేవ్, అనిరుథ్ ఎంత తీసుకున్నారంటే?
`కింగ్డమ్` ఆర్టిస్టుల పారితోషికాలు.. విజయ్ దేవరకొండ, భాగ్యశ్రీ, సత్యదేవ్, అనిరుథ్ ఎంత తీసుకున్నారంటే?
`కింగ్డమ్` మూవీ మరో రెండు రోజుల్లో ఆడియెన్స్ ముందుకు రాబోతుంది. ఈ చిత్రంలోని ఆర్టిస్ట్ లు, టెక్నిషియన్ల పారితోషికాలు వివరాలు తెలుసుకుందాం.
జులై 31న విడుదల కాబోతున్న విజయ్ దేవరకొండ `కింగ్డమ్`
విజయ్ దేవరకొండ ప్రస్తుతం `కింగ్డమ్` మూవీతో రాబోతున్నారు. గౌతమ్ తిన్ననూరి దర్శకత్వంలో రూపొందిన ఈ మూవీని నాగవంశీ నిర్మించారు. ఇందులో భాగ్య శ్రీ బోర్సే హీరోయిన్గా నటించింది.
సత్యదేవ్ కీలక పాత్ర పోషించారు. సితార ఎంటర్టైన్మెంట్స్, ఫార్చ్యూర్ ఫోర్ సినిమాస్ పతాకాలపై తెరకెక్కిన `కింగ్డమ్` మూవీ ఈ నెల 31న ఆడియెన్స్ ముందుకు రాబోతుంది.
KNOW
`కింగ్డమ్`పై భారీ హైప్
సినిమాపై విపరీతమైన బజ్ నెలకొంది. విడుదలైన ట్రైలర్ భారీ హైప్ తీసుకొచ్చింది. కేవలం కంటెంట్తోనే సినిమాపై హైప్ తీసుకురావడం విశేషం. ఈ చిత్రం అడ్వాన్స్ బుకింగ్స్ లో దుమ్ములేపుతుంది.
బుక్ మై షోలో ఇప్పటి వరకు లక్ష టికెట్స్ సేల్ అయ్యాయి. దీంతోపాటు ఓవర్సీస్లోనూ భారీగా టికెట్లు అమ్ముడు పోతున్నాయి. అడ్వాన్స్ బుకింగ్స్ లోనే ఈ మూవీ బయ్యర్లకి మతిపోయేలా చేస్తోంది.
`కింగ్డమ్` కథేంటంటే
`కింగ్డమ్` మూవీ కంటెంట్ అందరిని ఆకర్షిస్తుంది. ఏదో ఉండబోతుందనే విషయాన్ని చాటి చెబుతుంది. విడుదలైన ట్రైలర్లో విజయ్ దేవరకొండ పాత్రలోని షేడ్స్ మతిపోగొడుతుంది.
ఆయన రెండు మూడు గెటప్స్ లో కనిపించారు. ఒక పోలీస్గా, ఒక స్పైగా, గ్యాంగ్కి నాయకుడిగా కనిపిస్తున్నారు. అదే సమయంలో ఓ రాజ్యానికి ఎంపరర్గానూ కనిపిస్తారని తెలుస్తోంది.
మరోవైపు సత్యదేవ్, విజయ్ అన్నాతమ్ముళ్లుగా కనిపిస్తున్నారు. వీరిద్దరి మధ్య బాండింగ్ బలంగా ఉంటుందని, అదే సమయంలో ఈ ఇద్దరు ప్రత్యర్థులుగా మారతారని ట్రైలర్ చూస్తుంటే అర్థమవుతుంది. ఇవన్నీ సినిమాపై హైప్ని పెంచుతున్నాయి.
విజయ్ దేవరకొండ పారితోషికం
ఇదిలా ఉంటే ఈ మూవీలో నటించిన ఆర్టిస్ట్ లు, టెక్నీషియన్ల పారితోషికం వివరాలు నెట్టింట చక్కర్లు కొడుతున్నాయి. ఎవరెవరు ఎంత తీసుకున్నారనేది ఆసక్తికరంగా మారింది.
అందులో భాగంగా విజయ్ దేవరకొండ తన కెరీర్లోనే హైయ్యెస్ట్ రెమ్యూనరేషన్ తీసుకున్నారట. ఈ చిత్రానికి ఆయన ముప్పై కోట్లు అందుకుంటున్నట్టు సమాచారం. అయితే ఇందులో కొంత లాభాల్లో షేర్ రూపంలో రాబోతుందని సమాచారం.
`కింగ్డమ్` కాస్ట్ అండ్ క్రూ పారితోషికాలు
ఆయనతోపాటు దర్శకుడు గౌతమ్ తిన్ననూరి ఏడు కోట్లు, సత్య దేవ్కి మూడు కోట్లు, అనిరుధ్ రవిచందర్కి పది కోట్లు, హీరోయిన్ భాగ్య శ్రీ బోర్సే కి యాభై లక్షలు, ఇతర కాస్టింగ్కి రెండు కోట్లు, టెక్నీషియన్లకి ఏడున్నర కోట్ల వరకు అయినట్టు తెలుస్తోంది.
ఈ లెక్కన ఈ మూవీకి ఆరవై కోట్ల వరకు పారితోషికాలే అయినట్టు సమాచారం. ఇక ఈ మూవీకి రూ.130కోట్ల బడ్జెట్ అయ్యిందని టాక్. ఇందులో నిజమెంతా అనేది తెలియాల్సి ఉంది.