Brahmamudi: అపర్ణ ముందు హై డ్రామా క్రియేట్ చేసిన స్వప్న.. రాజ్ ఇచ్చిన ఆఫర్ ను రిజెక్ట్ చేసిన కావ్య?

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ ప్రేక్షకుల హృదయాలను గెలుచుకొని టాప్ సీరియల్స్ సరసన స్థానం సంపాదించుకుంటుంది. తను ప్రమాదం నుంచి తప్పించుకోవడం కోసం చెల్లెల్ని ప్రమాదంలోకి నెట్టేసిన ఒక అక్క కథ ఈ సీరియల్. ఇక ఈరోజు ఆగస్టు 4 ఎపిసోడ్ లో ఏం జరిగిందో చూద్దాం. 

 ఎపిసోడ్ ప్రారంభంలో నీకు టాబ్లెట్స్ కావాలంటే మీ ఆయనతో తెప్పించుకోవచ్చు కదా నాకు ఇలాంటి పనులు చెప్పకు మా అత్త నన్ను అనుమానిస్తుంది అని కావ్యకి చెప్తుంది స్వప్న. ఏం జరుగుతుందో అర్థం కాక అయోమయంలో పడుతుంది కావ్య. ఈ టాబ్లెట్స్ నీకోసమే తెప్పించావా అని అడుగుతుంది రుద్రాణి. నిజం చెప్పేద్దామనుకుంటుంది కావ్య కానీ స్వప్న రిక్వెస్ట్ చేయడంతో అవును నా కోసమే అంటుంది కావ్య.

 ఏమి చేయలేక కోపంతో అక్కడినుంచి వెళ్ళిపోతారు రాహుల్, రుద్రాణి. అప్పుడు స్వప్నని కోపంగా రూమ్ లోకి తీసుకువెళ్లి నువ్వు ఇప్పుడు ఎంత పెద్ద ప్రమాదం నుంచి బయట పడ్డావో తెలుసా.. మర్యాదగా నిజం చెప్పే లేదంటే మోసం చేసాం అనుకుంటారు నీతో పాటు నన్ను అమ్మ వాళ్ళని కూడా కలిపి అపార్థం చేసుకుంటారు. నిజం చెప్తే కనీసం సానుభూతి అయినా మిగులుతుంది అంటుంది కావ్య. అలా చేస్తే నన్ను ఇంట్లో ఉండనివ్వరు అంటుంది స్వప్న.

నువ్వు దొరికిపోయినప్పుడు కూడా ఇంట్లో నిన్ను ఎవరూ ఉండనివ్వరు. నువ్వు బాగోవాలని నీకోసం అమ్మ ఇల్లు తాకట్టు పెట్టింది. ఇప్పుడు దాన్ని విడిపించడానికి నానా కష్టాలు పడుతుంది. నా భర్త మంచివాడు కాబట్టి డబ్బులు సర్దాడు ఇప్పుడు నేను అవి ఇవ్వటానికే అమ్మ వాళ్ళ దగ్గరికి వెళుతున్నాను నేను వచ్చేసరికి నువ్వు ఇంట్లో నిజం చెప్పు లేదంటే నేను నిజం చెప్పాల్సి వస్తుంది అని స్వప్న కి వార్నింగ్ ఇచ్చి అక్కడ నుంచి వెళ్ళిపోతుంది కావ్య.

మరోవైపు ఇల్లు కొనడానికి సేటు తో సహా వస్తాడు సీతారాం. మీ ఇద్దరూ తోడు దొంగలు లాగా  ఉన్నారు కలిసి ఇంటిని కాజేయ్యాలని చేయాలని ప్లాన్ చేశారు అంటుంది అప్పు. అలా మాట్లాడకు అని అప్పుని మందలించి కన్నీరు పెట్టుకుంటూ అగ్రిమెంట్ పేపర్ల మీద సంతకం పెట్టటానికి ప్రిపేర్ అవుతాడు కృష్ణమూర్తి. అప్పుడే కావ్య వచ్చి తండ్రిని మందలిస్తుంది. ఇంత పెద్ద నిర్ణయం తీసుకున్నప్పుడు కనీసం నాకు చెప్పాలనిపించలేదా అని కోప్పడి సేటుకి 50,000 ఇచ్చేసి గడువులోగా 10 లక్షలు కూడా కడతాను అని చెప్పి పంపించేస్తుంది.

అంత డబ్బు ఎలా కడతావు అని అడుగుతాడు కృష్ణమూర్తి. డిజైనర్ గా పని చేస్తున్నట్లు.. ఇప్పుడు ఈ డబ్బు కూడా నేను వేసిన డిజైన్లకు నా భర్త ఇచ్చిన పారితోషకం అని చెప్తుంది కావ్య. ఇంతమంది ఇబ్బంది పడటానికి నేనే కారణం అని పశ్చాతాపబడుతుంది కనకం. మరోవైపు నిజం చెప్పటం ఎలా చెప్తే ఇంట్లో ఉండనివ్వరు చెప్పకపోతే కావ్య నిజం చెప్పేసేలాగా ఉంది అని ఆలోచనలో పడుతుంది స్వప్న. అప్పుడు పుట్టింటికి డబ్బు తీసుకెళ్తున్నాను అని కావ్య చెప్పిన విషయం గుర్తుకొస్తుంది.

అది నన్ను ఇరికించేలోపు నేనే దాన్ని ఇంట్లో వాళ్ళందరూ ముందు ఇరికించేస్తాను అనుకుంటుంది. ఇంతలో అటువైపుగా వస్తున్న అపర్ణని చూసి ఈవిడైతేనే దానికి కరెక్ట్ మొగుడు అనుకుంటూ అపర్ణ వినేటట్టుగా ఫోన్ మాట్లాడుతున్నట్టుగా యాక్ట్ చేస్తుంది స్వప్న. మీరు అప్పులు చేసి మమ్మల్ని అప్పులు తీర్చమంటే ఎలా మా ఇంట్లో తెలిస్తే ఊరుకోరు అయినా ఆ స్వప్న రాజకీయ మాయమాటలు చెప్పి 50,000 తీసుకొని మీ ఇంటికే వచ్చిందట కదా..

తన అత్తగారు బంగారం. అలాంటి అత్తగారిని ఎలాగా మోసం చేయాలనిపిస్తుంది. రేపు ఈ విషయం ఇంట్లో తెలిస్తే తప్పు చేసినందుకు దాన్ని కాదు తెలిసిన మందలించలేదని నన్ను అంటారు అంటూ డ్రామా క్రియేట్ చేస్తుంది స్వప్న. ఫోన్ పెట్టేసిన తర్వాత అపర్ణాన్ని చూసి షాక్ అయిన దానిలాగా యాక్ట్ చేస్తుంది. అపర్ణ అంతా విన్నాదని తెలుసు కానీ ఏమీ తెలియనట్లు అమ్మ టాబ్లెట్లు వేసుకోవడం లేదంటే అందుకే కేకలు వేస్తున్నాను అంటూ అక్కడ నుంచి వెళ్ళిపోతుంది.

కోపంగా ఉన్న అపర్ణని చూసి ఇప్పుడు నా జీవితం సంగతి కాదు నీ జీవితం నిప్పులో పడేలాగా ఉంది అని కసిగా ఆనందపడుతుంది స్వప్న. తరువాయి భాగంలో పుట్టింటికి డబ్బు చేరవేస్తున్నావు అంటూ కోడలు మీద నిందలు వేస్తుంది అపర్ణ. మరోవైపు కావ్యని  డిజైనర్ గా జాబ్  ఆఫర్ చేస్తాడు రాజ్. కానీ ఆ ఆఫర్ ని రిజెక్ట్ చేస్తుంది కావ్య.