- Home
- Entertainment
- Kalyan Padala: చిరంజీవిపై నోరుజారిన కళ్యాణ్ పడాల.. లైవ్లోనే బిగ్ బాస్ విన్నర్కు మెగా ఫ్యాన్స్ స్ట్రాంగ్ వార్నింగ్
Kalyan Padala: చిరంజీవిపై నోరుజారిన కళ్యాణ్ పడాల.. లైవ్లోనే బిగ్ బాస్ విన్నర్కు మెగా ఫ్యాన్స్ స్ట్రాంగ్ వార్నింగ్
Kalyan Padala: బిగ్ బాస్ తెలుగు సీజన్ 9 విన్నర్ కళ్యాణ్ పడాలకు మెగాస్టార్ చిరంజీవి అభిమానులు లైవ్లోనే స్ట్రాంగ్ వార్నింగ్ ఇచ్చారు. అసలు కారణం ఏంటి? కళ్యాణ్ ఏం చేశాడు? అభిమానులు ఎందుకు మండిపడ్డారో ఇప్పుడు చూద్దాం.
ఘనంగా చిరంజీవి బర్త్డే వేడుకలు
మెగాస్టార్ చిరంజీవి పుట్టినరోజు సందర్భంగా అభిమానులు వేడుకలను అత్యంత ఘనంగా నిర్వహించారు. టాలీవుడ్ వర్గాలతో పాటు మెగా అభిమానుల్లో పండుగ వాతావరణం నెలకొంది. అయితే, తాజాగా నిర్వహించిన ఈ బర్త్డే వేదికపై ఒక ఆసక్తికర సంఘటన చోటుచేసుకుంది. అభిమానుల మధ్య జరిగిన ఒక చిన్న రచ్చకు సంబంధించిన వీడియో ప్రస్తుతం సోషల్ మీడియాలో తీవ్రంగా వైరల్ అవుతోంది. ఈ వేడుకల్లో బిగ్ బాస్ 9 విన్నర్ కళ్యాణ్ పడాలకు మెగా అభిమానులు వార్నింగ్ ఇవ్వాల్సి వచ్చింది.
చిరంజీవిపై నోరుజారిన కళ్యాణ్ పడాల
మెగాస్టార్ చిరంజీవి పుట్టినరోజు వేడుకలకు బిగ్ బాస్ విన్నర్ కళ్యాణ్ పడాల హాజరయ్యాడు. మైక్ ముందుకు వచ్చి మాట్లాడే క్రమంలో చిరంజీవి గురించి గొప్పగా చెబుతూనే, మధ్యలో 'అతను' అని సంబోధించాడు. "అతన్ని ఆదర్శంగా తీసుకోవాలి, అతను చాలా గొప్పవాడు" అంటూ 'అతను' అనే పదాన్ని పదే పదే వాడాడు. దీంతో అక్కడున్న మెగా అభిమానులకు తీవ్ర ఆగ్రహం వచ్చింది. వెంటనే కింద నుంచి గట్టిగా అరుస్తూ, "'అతను' కాదు.. మర్యాదగా మాట్లాడు!" అని వార్నింగ్ ఇచ్చారు. దీంతో వెంటనే కళ్యాణ్ పడాల స్పందిస్తూ.. "క్షమించండి బ్రో, నాకు తెలియదు" అని సారీ చెప్పాడు. ఒక్కసారిగా అక్కడ వాతావరణం మారడంతో కళ్యాణ్ కాస్త కంగారుపడ్డాడు.
సోషల్ మీడియాలో విరుచుకుపడుతున్న నెటిజన్లు
కళ్యాణ్ పడాల మాట తీరు కాస్త భిన్నంగా ఉంటుంది. ఎవరి గురించి చెప్పినా సాధారణంగా 'అతను' అనే సంబోధిస్తుంటాడు, అది ఆయనకు అలవాటు. అయితే చిరంజీవి విషయంలో కూడా అలాగే మాట్లాడేసరికి సోషల్ మీడియాలో మెగా ఫ్యాన్స్ కళ్యాణ్పై తీవ్ర స్థాయిలో విరుచుకుపడుతున్నారు. కానీ, బిగ్ బాస్ సీజన్ 9 నుంచి కళ్యాణ్ను ఫాలో అవుతున్న వారు మాత్రం.. ఆయన ఎలాంటి తప్పుడు ఉద్దేశంతో అలా మాట్లాడలేదని సపోర్ట్ చేస్తున్నారు. అంతేకాదు, అదే ప్రసంగంలో రామ్ చరణ్ గురించి మాట్లాడుతూ 'గారు' అనబోయి 'గాడు' అని తడబడ్డాడు. అంత పెద్ద ఈవెంట్లో మొదటిసారి మాట్లాడేసరికి కళ్యాణ్ కంగారులో తడబడ్డాడని నెటిజన్లు కామెంట్స్ చేస్తున్నారు.
యాక్టివ్ అవుతున్న బిగ్ బాస్ విన్నర్
బిగ్ బాస్ 9 విన్నర్ అయిన తర్వాత కళ్యాణ్ పడాల చాలా కాలం మీడియాకు దూరంగా ఉన్నాడు. ఇప్పుడిప్పుడే బయటకు వస్తూ ఇంటర్వ్యూలు ఇవ్వడం, టీవీ షోలలో సందడి చేయడం చేస్తున్నాడు. ఇటీవల 'అగ్నిపరీక్ష 2'లో కూడా గెస్ట్ గా కనిపించాడు. అంతేకాకుండా తన లుక్ను కూడా కంప్లీట్గా మార్చేశాడు. త్వరలోనే ఆయన హీరోగా ఎంట్రీ ఇచ్చే అవకాశం ఉన్నట్లు తెలుస్తోంది.
