కాజల్‌ కొడుకు నీల్‌ కిచ్లు ఎంత క్యూట్‌గా ఉన్నాడో.. ఇన్నాళ్లకి ఇంకాస్తూ చూపిస్తూ ఆడిస్తున్న అందాల చందమామ..

స్టార్‌ హీరోయిన్‌ కాజల్‌ ఇప్పుడు ట్రెండింగ్‌లో ఉంది. సోషల్‌ మీడియాలో ఆమె హల్‌చల్‌ చేస్తుంది. కారణం తన కుమారుడు నీల్‌ కిచ్లుతో దిగిన ఫోటోని పంచుకోవడమే. ఇప్పటి వరకు కుమారుడుని స్టయిట్‌గా చూపించలేదు కాజల్‌. సైడ్‌ గానూ చూపిస్తూ వస్తుంది. చూపించి చూపించకుండా దోబూచులాడుతుంది. 
 

ఉన్నంతలో ఇప్పుడు ఇంకాస్త బెటర్‌గా ఆమె తన కుమారుడిని చూపించే ప్రయత్నం చేసింది. చేతుల్లో ఆడుకుంటూ కనిపించింది కాజల్‌. పైకి ఎగిరేస్తూ ముద్దుల చిన్నారి నవ్వులను ఎంజాయ్‌ చేస్తూ ఆ మాతృత్వపు మధుర క్షణాలను ఆస్వాధిస్తుంది. చిన్నారి ప్రతి మూవ్‌మెంట్‌ని కళ్లల్లో నింపుకుంటూ ఎంజాయ్‌ చేస్తుందీ అందాల చందమామ. 

కాజల్‌ ఈ సందర్భంగా తన కుమారుడు నీల్‌ కిచ్లుపై ఓ ఎమోషనల్‌ పోస్ట్ పెట్టింది. ఈ ఫోటోలను అభిమానులతో షేర్‌ చేస్తూ, తన ఆనందాన్ని వ్యక్తం చేసింది. కుమారుడికి తొమ్మిది నెలలు నిండిన నేపథ్యంలో ఇకపై ఆ చిన్నారి చేసే పనులను, దేవుడు అతనితో చేయించే పనులను చూస్తూ ఆస్వాదించేందుకు రెడీగా ఉన్నట్టు చెప్పింది కాజల్‌.
 

అంతేకాదు ఇప్పటి వరకు గత తొమ్మిది నెలలు, అలాగే రాబోయే రోజులకు సంబంధించి ఎంతో కృతజ్ఞతతో ఉన్నట్టు చెప్పింది కాజల్‌. ఏడాదిలో మూడవవంతు పూర్తి చేసుకున్నందుకు చాలా సంతోషంగా ఉందని, అందుకు పుట్టిన రోజు శుభాకాంక్షలు తెలిపింది. ప్రస్తుతం ఈ ఫోటోలు సామాజిక మాధ్యమాల్లో వైరల్‌ అవుతూ, ట్రెండ్‌ అవుతున్నాయి. కాజల్ అభిమానులను ఆద్యంతం అలరిస్తున్నాయి. కొడుకుతో కాజల్‌ అడోరబుల్‌ పిక్స్ ఎంతో క్యూట్‌గా ఉండి కట్టిపడేస్తున్నాయి. దీనిపై నెటిజన్లు స్పందిస్తున్నారు. గ్రేట్‌ యాక్టర్‌, గ్రేట్‌ మదర్‌ అంటూ ప్రశంసిస్తున్నారు. 
 

కాజల్‌ గతేడాది ఏప్రిల్‌లో కుమారుడు నీల్‌కిచ్లుకి జన్మనిచ్చిన విషయం తెలిసిందే. 2020లో ఆమె ముంబయికి చెందిన వ్యాపార వేత్తని పెళ్లి చేసుకుంది. అక్టోబర్ 30న వీరి వివాహం జరిగింది. అదే నెల ప్రారంభంలో తన ప్రేమ, పెళ్లి విషయాన్ని ప్రకటించింది కాజల్‌. ఊహించని విధంగా తన మ్యారేజ్‌ని ప్రకటించి అభిమానుల గుండెల్లో బాంబ్‌ వేసింది. దీంతో లక్షలాది మంది ఫ్యాన్స్ షాక్ అయ్యారు. నెమ్మదిగా తేరుకుని చేసేదేం లేక అభినందనలు తెలిపారు. 
 

కాజల్‌(Kajal) దాదాపు దశాబ్దన్నర పాటు సినిమా ఇండస్ట్రీలో ఉంది. కానీ ఏ రోజు ఆమె లవ్ ఎఫైర్‌ వార్తలను ఫేర్‌ చేయలేదు. ఎలాంటి రూమర్స్ కూడా లేవు. కానీ 2012 నుంచే గౌతమ్‌ కిచ్లుతో ప్రేమ వ్యవహారం నడిపిస్తుంది కాజల్‌. అప్పట్నుంచి తమ లవ్‌ స్టోరీ ప్రారంభమైందని అప్పట్లో ఓ చిట్‌చాట్‌లో పేర్కొంది. అయినా ఎక్కడా లీక్‌ కానివ్వలేదు. అది తన ప్రత్యేకతని చాటుకుంటుందని చెప్పొచ్చు. 

ఇక నటిగా తెలుగు ఆడియెన్స్ గుండెల్లో నిలిచిపోయింది కాజల్‌. స్టార్‌ హీరోయిన్‌గా రాణించింది. చిరంజీవితోపాటు యంగ్‌ హీరోలందరితోనూ కలిసి నటించింది. పవన్‌, మహేష్‌, ప్రభాస్, ఎన్టీఆర్, బన్నీ, రామ్‌చరణ్‌, గోపీచంద్‌ వంటి వారితో జోడీ కట్టి వాహ్‌ అనిపించింది. తిరుగులేని స్టార్‌ హీరోయిన్‌గా పేరుతెచ్చుకుంది. 

ప్రస్తుతం ఈ బ్యూటీ పెళ్లి, ప్రెగ్నెంట్‌ కారణంగా సినిమాలకు గ్యాప్‌ ఇచ్చిన విషయం తెలిసిందే. `ఆచార్య`లో నటించినా, చివర్లో ఆమె పాత్రని లేపేశారు. ఆ తర్వాత సినిమానే పెద్ద డిజాస్టర్‌ అయ్యింది. చివరగా ఆమె తమిళ మూవీ `హే సినామిక`లో నటించినా, అదిపెద్దగా మెప్పించలేదు. ప్రస్తుతం `ఇండియన్‌ 2`లో నటించాల్సి ఉంది. మరోవైపు రీఎంట్రీకి కాజల్‌ ప్రయత్నిస్తున్నట్టు తెలుస్తుంది. ఆమె కమ్‌ బ్యాక్‌ కావాలని హాట్‌ ఫోటో షూట్లు చేస్తుంది. కానీ మేకర్స్ పట్టించుకోవడం లేదు. మున్ముందైనా ఈ బ్యూటీకి మంచి ఆఫర్లు వస్తాయేమో చూడాలి.