ఆస్కార్ బరిలో జూనియర్ ఎన్టీఆర్.. తారక్ అభిమానులకు ఇది కాలర్ ఎగిరేసే సమయమే.!
యంగ్ టైగర్ ఎన్టీఆర్ (NTR) తన అభిమానులకు ప్రౌండ్ మూమెంట్ ను అందించారు. రీసెంట్ గా బ్లాక్ బాస్టర్ ఫిల్మ్ ‘ఆర్ఆర్ఆర్’తో అద్భుతమైన పెర్ఫామెన్స్ ఇచ్చి ప్రపంచ వ్యాప్తంగా ప్రశంసలు అందుకున్నారు. తాజాగా ఆస్కార్ బరిలో నిలిచారు.
దర్శకధీరుడు ఎస్ఎస్ రాజమౌళి (SS Rajamouli) దర్వకత్వం వహించిన బ్లాక్ బాస్టర్ ఫిల్మ్ ‘ఆర్ఆర్ఆర్’. ఈ చిత్రంలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ (Ram Charan) కలిసి నటించారు. ఉద్యమ వీరులు అల్లూరి సీతారామరాజుగా రామ్ చరణ్, గొండు బెబ్బులి కొమురం భీం పాత్రలో తారక్ నటించారు. మార్చి 25న రిలీజ్ అయిన ఈ చిత్రానికి వరల్డ్ వైడ్ అదిరిపోయే రెస్సాన్స్ దక్కుతోంది.
ముఖ్యంగా ఈ చిత్రంలోని ఎన్టీఆర్ పెర్ఫామెన్స్ కు ప్రపంచ వ్యాప్తంగా ప్రశంసల వర్షం కురుస్తోంది. ఇప్పటికే RRR రిలీజ్ కు ముందు రాజమౌళి చెప్పినట్టుగా.. ప్రపంచం మొత్తం తారక్ వైపు చూస్తోంది. కొమురం భీం పాత్రలో వరల్డ్ వైడ్ ఆడియెన్స్ మనస్సును దోచుకున్నాడు. అదీగాకా చిత్రంలోని ఎన్టీఆర్ ఇంటర్వెల్ సీన్ నెవర్ బిఫోర్ గా ఉండటం.. ఆ షాట్ పైనే హాలీవుడ్ డైరెక్టర్స్ కూడా స్పందించడం విశేషం.
దీంతో తారక్ ఒక్కసారిగా ‘గ్లోబల్ స్టార్’గా ఎదిగిపోయాడు. ‘ఆర్ఆర్ఆర్’ తర్వాత ఎవరూ ఊహించని స్థాయిలో ఫాలోయింగ్ ను పెంచుకున్నాడు. అయితే తాజా సమాచారం ప్రకారం.. తారక్ తన అభిమానులకు ఒక ప్రౌండ్ మూమెంట్ ను అందించారు. తెలుగు ఇండస్ట్రీలోనూ తారక్ అరుదైన రికార్డును క్రియేట్ చేశారు.
ఎన్టీఆర్ పెర్ఫామెన్స్ కు గ్లోబల్ రెస్పాన్స్ అదిరిపోవడమే కాకుండా.. ‘ఆస్కార్’ (Oscar 2023) బరిలోనూ ఎన్టీఆర్ పేరు ఉన్నట్టు తెలుస్తోంది. ప్రముఖ హాలీవుడ్ ‘వెరైటీ’పబ్లికేషన్ విడుదల చేసిన ‘ఆస్కార్స్ 2023’ ప్రిడిక్షన్ లిస్ట్ లో ‘ఎన్టీఆర్’ పేరు ఉంది. ‘ఆర్ఆర్ఆర్’లోని తారక్ అద్భుతమైన నటనకు గాను ఆస్కార్ బరిలో నిలిచినట్టు వెల్లడించారు.
వెరైటీ మ్యాగజైన్ విడుదల చేసిన ఈ ప్రిడిక్షన్ లిస్ట్ లో ప్రైడ్ ఆఫ్ ఇండియన్ సినిమాగా ‘ఎన్టీఆర్’ నిలిచారు. ఆసియా నుంచి నందమూరి తారక రామరావు పేరు మాత్రమే ఈ బరిలో ఉన్నట్టు సమాచారం. దీంతో అభిమానులు ఫుల్ ఖుషీ అవుతున్నారు. తారక్ అభిమానులుగా ఉన్నందుకు సంతోషం వ్యక్తం చేస్తున్నారు.
‘ఆర్ఆర్ఆర్’తో సెన్సేషన్ క్రియేట్ చేసిన ఎన్టీఆర్.. ప్రస్తుతం తన తదుపరి చిత్రాలపై ఫోకస్ పెట్టారు. టాలీవుడ్ స్టార్ డైరెక్టర్ కొరటాల శివ దర్శకత్వంలో ‘ఎన్టీఆర్ 30’, సెన్సేషనల్ డైరెక్టర్ ప్రశాంత్ నీల్ దర్శకత్వంలో ‘ఎన్టీఆర్ 31’ చిత్రాల్లో నటిస్తున్నారు. ప్రస్తుతం ఈ చిత్రాల షూటింగ్ శరవేగంగా కొనసాగుతున్నాయి.