జూ ఎన్టీఆర్‌కి ఇష్టమైన ఫుడ్‌ ఏంటో తెలుసా?.. నాటు కోడి మొత్తాన్ని అలా.. వామ్మో ఇది ఊరమాస్‌ టేస్ట్!

ఎన్టీఆర్‌ బర్త్ డే సందర్భంగా ఆయన పర్సనల్‌ విషయాలు వైరల్‌ అవుతున్నాయి. ముఖ్యంగా ఆయన ఫేవరేట్‌ ఫుడ్‌ కి సంబంధించి ఆయన చెప్పిన వీడియో వైరల్ అవుతుంది.  

సెలబ్రిటీలకు సంబంధించిన ప్రతి విషయం అభిమానులకు వండర్‌గానే ఉంటుంది. వారికి ఏది ఇష్టం అనేదానిపై ఎక్కువగా ఫోకస్‌ పెడుతుంటారు వాటి గురించి తెలుసుకోవాలనుకుంటారు. అయితే ఇటీవల ఫుడ్‌ టేస్ట్ లకు సంబంధించిన విషయాలు బాగా చర్చనీయాంశం అవుతున్నాయి. మరి నేడు(మే 20) బర్త్ డే సెలబ్రేట్‌ చేసుకుంటున్న ఎన్టీఆర్‌కి ఇష్టమైన ఫుడ్‌ ఏంటో తెలుసా?

జూ ఎన్టీఆర్‌ ఓ పాత చిట్‌చాట్‌లో ఈ విషయాన్ని వెల్లడించారు. తనకు ఇష్టమైన ఫుడ్‌ ఏంటో బయటపెట్టాడు. అయితే జస్ట్ ఇది ఇష్టమని చెప్పడం వేరు, అది ఎలా తీయరు చేయాలో కూడా చెప్పి, ఎలా తినాలో కూడా చెప్పడం విశేషం. అందుకే ఎన్టీఆర్‌ ఫేవరేట్‌ ఫుడ్‌ ఇప్పుడు వైరల్‌ అవుతుంది. చాలా కాలంగా ఇది నెట్టింట చక్కర్లు కొడుతుంది. బర్త్ డే సందర్భంగా ఆయన వీడియో క్లిప్‌ యూట్యూట్‌లో ట్రెండ్‌ అవుతుండటం విశేషం. 

మరి ఇంతకి ఇందులో తారక్‌ ఏం చెప్పాడంటే.. తనకు నాటుకోడి అంటే ఇష్టమని చెప్పాడు. అయితే చికెన్‌ కర్రీలా తినడం కాదు, ఏకంగా కోడి మొత్తాన్ని తినడం ఇష్టమట. నాటుకోడిని క్లీన్‌ చేసి,ఆ కోడి మొత్తాన్ని కాల్చి, దానికి చుట్టూ కారం, అల్లం వెల్లుల్లి ముద్దని దట్టించి, కాసేపు అలా ఉంచి, దానికి కాస్త నెయ్యి, పెరుగు, పసుపు పట్టించి కాసేపు పక్కనపెట్టి. 

మరోవైపు అదే చికెన్‌ని కీమాలా చేసి ఫ్రై చేసి దాన్ని నాటు కోడి పొట్ట మధ్యలో కూరి, దాన్ని అలా మంటల మీద రెండు గంటలు కాల్చి పక్కన పెట్టుకుని పెద్ద రోటీని తీసుకుని ఈ రెండింటి కాంబినేషన్‌లో నాటు కోడి తింటే ఉంటది చూడూ అది నాకు ఫేవరేట్‌ ఫుడ్‌` అని వెల్లడించారు ఎన్టీఆర్‌. మ్యూజిక్‌ డైరెక్టర్ కీరవాణి అడిగిన ప్రశ్నకి తారక్‌ ఇలా వివరించి మరీ చెప్పాడు. చెబుతూనే నోరూరించాడు. అంతేకాదు నాన్‌వెజ్‌ మానేసి కీరవాణి ఇది విన్నాక నాన్‌ వెజ్‌ తినాలనే కోరిక కలిగేలా చేశారు ఎన్టీఆర్‌. ప్రస్తుతం ఇది నెట్టింట చక్కర్లు కొడుతుంది. 

జూ ఎన్టీఆర్‌.. నందమూరి హరికృష్ణ, శాలిని లకు 1983 మే 20న జన్మించారు. 1991లో `బ్రహ్మర్షి విశ్వామిత్ర` చిత్రంతో బాలనటుడిగా కెరీర్‌ని ప్రారంభించారు. బాల రామాయణంలో రాముడిగా నటించి జాతీయ అవార్డుని అందుకున్నాడు. `స్టూడెంట్‌ నెం 1`తో వెండితెరకు హీరోగా పరిచయం అయిన ఎన్టీఆర్‌.. `ఆది`, `సింహాద్రి`, `యమదొంగ`, `అదుర్స్`, `టెంపర్‌`, `నాన్నకు ప్రేమతో`, `జనతా గ్యారేజ్‌`, `జై లవకుశ`, `అరవింద సమేత వీరరాఘవ`, `ఆర్‌ఆర్‌ఆర్‌` చిత్రాలతో మెప్పించారు.

Kajal Aggarwal

ఎన్టీఆర్‌ ప్రస్తుతం `దేవర` చిత్రంలో నటిస్తున్న విషయం తెలిసిందే. కొరటాల శివ దర్శకత్వంలో మూవీ తెరకెక్కుతుంది. భారీ బడ్జెట్‌తో నిర్మిస్తున్నారు. బర్త్ డే ట్రీట్‌గా ఆదివారం సాయంత్రం ఈ మూవీ నుంచి `ఫియర్` సాంగ్‌ని విడుదల చేశారు. ఈ పాట అభిమానుల్ని అలరిస్తుంది. జాన్వీ కపూర్‌ హీరోయిన్‌గా నటిస్తున్న ఈ మూవీ అక్టోబర్‌ 10న దసరా కానుకగా విడుదల కానుంది. మరోవైపు హిందీలోకి ఎంట్రీ ఇస్తూ `వార్‌ 2`లో నటిస్తున్నారు తారక్‌.