ఆ సాంగ్ కి చిరంజీవి, బాలయ్య కలసి డ్యాన్స్ చేస్తే చూడాలని ఉంది..జూ.ఎన్టీఆర్ కామెంట్స్ తో మోత మోగిపోయిందిగా

ఆర్ఆర్ఆర్ చిత్రం విడుదలై మూడేళ్లు గడుస్తున్నా ఇప్పటికీ  ఈ మూవీ ప్రపంచ వేదికలపై అనేక ఘనతలు సాధిస్తోంది. ఏ ఇతర భారతీయ చిత్రానికి దక్కని గౌరవం ప్రపంచ వేదికలపై ఆర్ఆర్ చిత్రానికి దక్కుతోంది.

Jr NTR

ఆర్ఆర్ఆర్ చిత్రం విడుదలై మూడేళ్లు గడుస్తున్నా ఇప్పటికీ  ఈ మూవీ ప్రపంచ వేదికలపై అనేక ఘనతలు సాధిస్తోంది. ఏ ఇతర భారతీయ చిత్రానికి దక్కని గౌరవం ప్రపంచ వేదికలపై ఆర్ఆర్ చిత్రానికి దక్కుతోంది. తాజాగా లండన్ లోని అత్యంత ప్రతిష్టాత్మకమైన రాయల్ ఆల్బర్ట్ హాల్ లో ఆర్ఆర్ఆర్ చిత్ర లైవ్ కాన్సర్ట్ కార్యక్రమం ఘనంగా జరిగింది.

RRR Movie

ఈ కార్యక్రమానికి రాజమౌళి, రాంచరణ్, జూనియర్ ఎన్టీఆర్, కీరవాణి ఇతర చిత్ర యూనిట్ హాజరై రాయల్ ఆల్బర్ట్ హాల్ లో సందడి చేశారు. రాజమౌళి, జూనియర్ ఎన్టీఆర్, రాంచరణ్ మరోసారి ఒకే వేదికపై కనిపించడంతో ఫ్యాన్స్ సంతోషానికి అవధులు లేకుండా పోయింది. చరణ్, ఎన్టీఆర్ మధ్య బాండింగ్ కనుల పండుగగా నిలిచింది.

వీళ్లంతా వేదికపై ఆర్ఆర్ఆర్ చిత్ర విశేషాలను మరోసారి గుర్తు చేసుకున్నారు. జూనియర్ ఎన్టీఆర్ మాట్లాడుతూ నాటు నాటు సాంగ్ గురించి ఆసక్తికర వ్యాఖ్యలు చేశారు. నాటి నాటు సాంగ్ కోసం నేను రామ్ చరణ్ చాలా కష్టపడ్డాం. మా డైరెక్టర్ రాజమౌళి అయితే టార్చర్ పెట్టారు. కానీ అదే సాంగ్ కి ఆస్కార్ గెలిచినప్పుడు మేం పడ్డ కష్టం మొత్తం ఒక్క క్షణంలో మర్చిపోయాం అని జూనియర్ ఎన్టీఆర్ అన్నారు.

నాటు నాటు సాంగ్ గురించి ఎన్టీఆర్ మరికొన్ని ఆసక్తికర వ్యాఖ్యలు కూడా చేశారు. రాంచరణ్ లాంటి బెస్ట్ డాన్సర్ తో ఆ సాంగ్ కి డాన్స్ చేయడం గొప్ప అనుభూతి. రాంచరణ్ తండ్రి చిరంజీవి గారు అద్భుతమైన డాన్సర్. అదేవిధంగా మా బాబాయ్ బాలయ్య కూడా డాన్సులు చాలా బాగా చేస్తారు. వీళ్ళిద్దరూ కలిసి నాటు నాటు సాంగ్ కి డ్యాన్స్ చేస్తే ఎలా ఉంటుందో చూడాలని ఉంది అంటూ ఎన్టీఆర్ కామెంట్ చేశారు.

naatu naatu song

ఎన్టీఆర్.. బాలయ్య, చిరంజీవి పేరు ఎత్తగానే రాయల్ ఆల్బర్ట్ హాల్ ఫ్యాన్స్ కేరింతలతో మారు మోగిపోయింది. మరి జూనియర్ ఎన్టీఆర్ కోరిక నెరవేరుతుందో లేదో చూడాలి. ప్రేమ్ రక్షిత్ మాస్టర్ కొరియోగ్రఫీ అందించిన నాటు నాటు సాంగ్ లో చరణ్, ఎన్టీఆర్ పర్ఫెక్ట్  సింక్ తో డాన్స్ చేశారు.