- Home
- Entertainment
- Jr NTR: ఎన్టీఆర్ కి పొగరు ఎక్కువేమో అనుకున్న నటుడు, తారక్ తో ఒక్క సినిమా చేశాక అతను ఏమన్నాడంటే?
Jr NTR: ఎన్టీఆర్ కి పొగరు ఎక్కువేమో అనుకున్న నటుడు, తారక్ తో ఒక్క సినిమా చేశాక అతను ఏమన్నాడంటే?
ఎన్టీఆర్ యాటీట్యూడ్ చూసి చాలామంది ఆయనకు పొగరెక్కువేమో అనుకుంటారు. నందమూరి వారసుడిగా ఇండస్ట్రీకి రావడంతో గర్వం చూపిస్తారేమో అని ఫీల్ అవుతుంటారు. అసలు ఎన్టీఆర్ తోటి నటీనటులతో ఎలా ఉంటారు? ఈ విషయంలో సీనియర్ హీరో ఒకరు ఏం చెప్పారంటే?
జూనియర్ ఎన్టీఆర్ ను చూసి ఏమంటారంటే?
నందమూరి వారసుడిగా ఫిల్మ్ ఇండస్ట్రీలోకి వచ్చి.. స్టార్ హీరోగా ఎదిగిన యంగ్ టైగర్ ఎన్టీఆర్ కు పొగరు ఎక్కువగా ఉంటుందా? ప్రతీ ఒక్కళ్ల దగ్గర ఆయన యాటీట్యూడ్ చూపిస్తారా? ఫస్ట్ టైమ్ తారక్ ను చూసిన వారు ఏమనుకుంటారు? ఆయనతో మాట్లాడిన తరువాత వారి అభిప్రాయం ఏముంటుంది? ఈ విషయంలో చాలామంది స్టార్స్ కన్ ఫ్యూజ్ అయ్యారు.
ముఖ్యంగా రాజమౌళి లాంటి స్టార్ డైరెక్టర్ కూడా ఎన్టీఆర్ తో ఫస్ట్ సీనిమా చేసేప్పుడు...వీడెక్కడ దొరికాడురా ఖర్మ అని అనుకున్నారట. ''స్టూడెంట్ నెం.1 సినిమా సమయంలో కలిసినప్పుడు చాలా మొండిగా, పొగరుగా ఉంటాడేమో అనిపించిందని, కానీ ఆయనలో మంచి స్నేహితుడు, అద్భుతమైన నటుడు ఉన్నాడని'' దర్శకుడు రాజమౌళి పలు ఇంటర్వ్యూలలో చెప్పారు. ఈ విషయంలో దివంగత సీనియర్ నటుడు శ్రీహరి కూడా గతంలో సంచలన కామెంట్స్ చేశారు.
ఎన్టీఆర్ పై శ్రీహరి కామెంట్స్..
దివంగత నటుడు, రియల్ స్టార్ శ్రీహరితో జూనియర్ ఎన్టీఆర్ ఒకే ఒక్క సినిమాలో నటించారు. ఆసినిమా మరేదో కాదు బృందావనం. ఈ సినిమా చేయాలి అనుకున్నప్పుడు ఎన్టీఆర్ తో శ్రీహరికి పెద్దగా పరిచయం లేదట. జూనియర్ ఎన్టీఆర్ కు పొగరు ఉంటుందేమో.. సరిగ్గా మాట్లాడుతాడో లేదో అని అనుమానం వచ్చిందట. కానీ షూటింగ్ స్టార్ట్ అయినతరువాత తారక్ గురించి తాను అనుకున్నది అంతా తప్పని అర్ధం అయ్యిందట. తారక్ ఎంతలా క్లోజ్ అయ్యాడంటే.. '' నేను ఎన్టీఆర్ ను ఎప్పుడు నాన్నా అనే పిలుస్తాను.. '' అని బృందావనం సినిమా ఈవెంట్ లో శ్రీహరి స్వయంగా వెల్లడించారు.
తారక్ తోటి నటీనటులతో ఎలా ఉంటాడు..
తాత ముఖ్యమంత్రిగా చేశాడు, పెద్ద హీరో కూడా.. తండ్రి, బాబాయ్ కూడా హీరోనే.. అతి పెద్ద సినీ, రాజకీయ కుటుంబం నుంచి వచ్చినా.. ఎన్టీఆర్ మాత్రం ఎవరితోనైనా చాలా వినయంగా ఉంటాడు. తోటి నటీనటులు ఎంత చిన్నవారైనా.. వారికి గౌరవం ఇస్తాడు. తనకు సింక్ అయితే ఫ్రెడ్షిప్ చేయడానికి ఏమాత్రం ఆలోచించడు ఎన్టీఆర్. శ్రీహరి విషయమే చూసుకుంటే.. ఆయనతో చేసిన ఒక్క సినిమాతో బాగా క్లోజ్ అయ్యాడు. శ్రీహరిని సొంత ఇంటి మనిషిలా ఫీల్ అయ్యేవాడు తారక్. శ్రీహరి మాత్రమే కాదు.. తనకంటే వయసులో పదేళ్లు పెద్దవాడైన రాజమౌళి, రాజీవ్ కనకాల లాంటి స్టార్స్ తో ఎన్టీఆర్ స్నేహం గురించి ప్రత్యేకంగా చెప్పనక్కర్లేదు.
చిన్నవయసులోనే తిరిగిరాని లోకాలకు..
విలన్ గా కెరీర్ స్టార్ట్ చేసి.. హీరోగా బ్లాక్ బస్టర్ సక్సెస్ లు చూసిన శ్రీహరి.. ఆతరువాత కాలంలో క్యారెక్టర్ ఆర్టిస్ట్ గా అద్భుతమైన పాత్రలు చేశాడు. ముఖ్యంగా మగధీర సినిమాలో సాల్మోన్ రాజు లాంటి పాత్రలు ఆయనకుమంచి పేరును తెచ్చిపెట్టాయి. అనారోగ్య కారణంగా 49 ఏళ్లవయసులోనే శ్రీహరి కన్నుమూశాడు. ఆయన బ్రతికి ఉండి ఉంటే.. బాహుబలిలో కట్టప్ప లాంటి.. ఆయన మాత్రమే చేయగలిగే కొన్ని పాత్రలు వేరొకరికి వెళ్లేవి కావు. ఆ పాత్ర శ్రీహరికోసమే రాసుకున్నారన్న టాక్ ఉంది. ఆ క్యారెక్టర్ శ్రీహరి చేసి ఉంటే బాగుండేదని అభిమానులు, నెటిజన్లు అప్పట్లో సోషల్ మీడియాలో చర్చించుకున్న రోజులు ఉన్నాయి.
పాన్ ఇండియా స్టార్ గా యంగ్ టైగర్..
జూనియర్ ఎన్టీఆర్ ప్రస్తుతం ప్రశాంత్ నీల్ డ్రాగన్ సినిమా షూటింగ్ లో బిజీగా ఉన్నాడు. వచ్చే ఏడాది ఈ సినిమా రిలీజ్ కాబోతోంది. ఈమూవీ తరువాత ఆయన ఖతాలో దేవర2 తో పాటు మరికొన్ని సినిమాలు ఉన్నాయి. ఆర్ఆర్ఆర్ తో పాన్ ఇండియా హీరోగా మారిన తారక్.. దేవరతో తన ఇమేజ్ ను నిలబెట్టుకున్నాడు. వరుస సక్సెస్ లతో కెరీర్ లో దూసుకుపోతున్నాడు. ప్రశాంత్ నీల్ డ్రాగన్ మూవీ బ్లాక్ బస్టర్ హిట్ అయితే.. తారక్ ఇమేజ్ మరో రేంజ్ కు వెళ్లడమే కాదు.. రెమ్యునరేషన్ డిమాండ్ కూడా భారీగా పెరిగే అవకాశం ఉన్నట్టు తెలుస్తోంది.
