తాగిన మత్తులో బూతులు తిట్టిన `జైలర్‌` విలన్‌, బహిరంగ క్షమాపణలు

14

రజనీకాంత్‌ `జైలర్‌` చిత్రంతో విలన్‌గా గుర్తింపు తెచ్చుకున్నారు వినాయకన్‌.  మలయాళంలో ప్రముఖ నటులలో ఒకరైన వినాయకన్, తమిళంలో విశాల్ `తిమిరు`, సింబు `సిలంబాట్టం`, `ఎల్లామ్ అవన్ సెయల్`, `సిరుతై`, `మర్యాన్` వంటి చిత్రాల్లో నటించారు. నెల్సన్ దిలీప్ కుమార్ దర్శకత్వంలో రజనీకాంత్ నటించిన` జైలర్` సినిమాలో విలన్ గా నటించి మంచి పేరు తెచ్చుకున్నారు.  

24

సినిమాల్లో నటుడిగా ఎంత పాపులరో, బయట వివాదాలతో అంతే వార్తల్లో నిలుస్తుంటారు వినాయకన్‌.  కొన్ని నెలల క్రితం హైదరాబాద్ విమానాశ్రయంలో భద్రతా సిబ్బందితో గొడవ జరిగి అరెస్ట్ అయి, తర్వాత విడుదలయ్యారు. ఇటీవల తన ఇంటి బాల్కనీలో తాగిన మత్తులో అసభ్యకరంగా మాట్లాడిన వీడియో సోషల్ మీడియాలో వైరల్ అయ్యింది. ఆయనపై ట్రోల్స్ స్టార్ట్ అయ్యాయి. దీంతో దెబ్బకి దిగొచ్చాడు.  ప్రజలకు క్షమాపణలు తెలిపారు.

34

సోషల్ మీడియా ద్వారా వీడియోలో క్షమాపణలు చెప్పిన వినాయకన్, "సినిమా నటుడిగా, వ్యక్తిగా కొన్ని విషయాలు నేను సరిగ్గా నిర్వహించలేకపోయాను. నా చర్యల వల్ల కలిగిన అన్ని రకాల ఇబ్బందులకు, అసౌకర్యానికి ప్రజలకు క్షమాపణలు కోరుతున్నాను` అని అన్నారు.

44

వినాయకన్ వీడియోపై ఎలాంటి ఫిర్యాదు రాలేదని కొచ్చి పోలీసులు తెలిపారు. అయితే, సోషల్ మీడియాలో వినాయకన్ పై విమర్శలు వెల్లువెత్తాయి. ఇంతకు ముందు కూడా వినాయకన్ ఇలాగే అసభ్యకరంగా మాట్లాడి వివాదాల్లో చిక్కుకున్నారు. ఇలా నటుడిగా కంటే వివాదాలతోనే ఆయన ఎక్కువగా వార్తల్లో నిలుస్తుండటం గమనార్హం. ప్రస్తుతం మలయాళంలో ఓ మూవీలో నటిస్తున్నారు.