Guppedantha Manasu: శైలేంద్రకి స్ట్రాంగ్ వార్నింగ్ ఇచ్చిన జగతి.. ఏంజెల్ ని హెచ్చరించిన రిషి?

Guppedantha Manasu:  స్టార్ మా లో ప్రసారమవుతున్న గుప్పెడంత మనసు సీరియల్ మంచి కంటెంట్  తో టాప్ సీరియల్స్ కి గట్టి పోటీ ని ఇస్తుంది. కొడుకు కోసం ఏం చేయడానికైనా సిద్ధపడ్డ ఒక తల్లి కథ ఈ సీరియల్. ఇక ఈరోజు జూలై 29 ఎపిసోడ్ లో ఏం జరిగిందో చూద్దాం. 

 ఎపిసోడ్ ప్రారంభంలో తండ్రి అన్న మాటలకు ఫ్రెస్టేట్ అవుతూ ఉంటాడు శైలేంద్ర. ఇంతలో ధరణి టీ తీసుకొని వస్తుంది. తను కోపాన్ని ఆమె మీద  చూపిస్తాడు శైలేంద్ర. వెంటనే జగతి వచ్చి నువ్వు ఎందుకు ఫ్రెస్టేట్ అవుతున్నావో నాకు తెలుసు దానిని  ధరణి మీద చూపించడం ఎందుకు అని కోప్పడుతుంది. నా భార్య నా ఇష్టం మధ్యలో మీరు కలగజేసుకోకండి అంటున్నాడు శైలేంద్ర. అనవసరమైన విషయాలలో నువ్వు కలగజేసుకున్నావు కాబట్టి ఇప్పుడు ఫ్రెష్టేట్  అవుతున్నావు.

 నీ భార్యతో సరదాగా కబుర్లు చెప్తే ఎవరూ  పట్టించుకోరు కానీ ఒదిగి ఉంది కదా అని నీ ప్రతాపాన్ని తనమీద చూపించకు అంటుంది జగతి. ఏం చేస్తావు అని పొగరుగా అడుగుతాడు శైలేంద్ర. నేనేమీ చేయను కానీ నీ భార్య చేయవలసి వస్తుంది. నా ధైర్యం ఎక్కడి నుంచి వచ్చిందో నీకూ తెలుసు జాగ్రత్త అని శైలేంద్ర కి స్ట్రాంగ్ వార్నింగ్ ఇచ్చి ధరణిని తీసుకొని అక్కడ నుంచి వెళ్ళిపోతుంది.

బయటికి వచ్చిన తర్వాత ఆస్తులు కోసం యుద్దాలు జరిగాయని పురాణాలలో విన్నాను కానీ ఇప్పుడు కళ్ళారా చూస్తున్నాను. మా ఆయన, మా అత్తగారు రిషికి అన్యాయం చేశారని తెలుసు కానీ నేను మాట్లాడితే ఎక్కడ మావయ్య గారికి తెలిసిపోతుంది అని మాట్లాడకుండా ఊరుకున్నాను అయినా మా ఆయన తగ్గుతారని నేను అనుకోవటం లేదు అంటుంది ధరణి. దానికి నువ్వేం చేస్తావు రిషి ఇక్కడికి వస్తే చాలు తర్వాత మిగిలినదంతా వాడే చూసుకుంటాడు అంటుంది జగతి.

 రిషి త్వరగా రావాలని కోరుకుంటున్నాను అంటుంది ధరణి. మరోవైపు కారులో వెళ్తున్న ఏంజెల్ నీకూ,వసుధారకి ఏమైనా గతం ఉందా.. ఇలా అడుగుతున్నానని తప్పుగా అనుకోకు కానీ ఎందుకో నాకు అలా అనిపించింది మీ ఇద్దరి మధ్యన భగ్న ప్రేమికుల మధ్య ఉండే ఎమోషన్స్ నాకు కనిపించాయినువ్వు నా బెస్ట్ ఫ్రెండ్ వి కదా నిజం చెప్పు  మీ ఇద్దరి మధ్య గతం ఉంది కదా అని అడుగుతుంది. ఎంత బెస్ట్ ఫ్రెండ్ అయితే మాత్రం అన్ని చెప్పుకోలేము కదా.

 అయినా నా గతం గురించి నీకు అనవసరం అని హెచ్చరిస్తాడు. నువ్వు ఇంకా ఎందుకు పెళ్లి చేసుకోలేదు చెప్పు అంటాడు రిషి. ఏంజెల్ ఏమి మాట్లాడదు. చూసావా ఎంత బెస్ట్ ఫ్రెండ్ అయినా కూడా కొన్ని విషయాలు చెప్పుకోలేము. అయినా ఇదే ప్రశ్న వసుధార మేడంని అడిగావా అని అడుగుతాడు రిషి. అడుగుదామనుకున్నాను కానీ బాధ పడుతుందేమో అని అడగలేదు అంటుంది ఏంజెల్. మంచి పని చేశావు ఎప్పుడో తనని అడగకు అసలే తను చాలా సెన్సిటివ్ అంటాడు రిషి.

మీ ఇద్దరి మధ్య ఏదో గతం ఉందని నాకు అర్థమైంది లేదంటే మా మధ్య ఎలాంటి రిలేషన్ లేదని చెప్పే వాడివి కదా అని మనసులో అనుకుంటుంది ఏంజెల్. సీన్ కట్ చేస్తే జగతి, మహేంద్ర రిషి గురించి మాట్లాడుకుంటూ ఉంటారు. మిషన్ ఎడ్యుకేషన్ గురించి రిషి ఒప్పుకున్నాడేమో వసుధార ని అడుగుతాను అంటాడు మహేంద్ర. వద్దు తరచుగా ఆమెకి ఫోన్ చేసి ఇబ్బంది పెట్టొద్దు అంటుంది జగతి. అయితే విశ్వనాథం గారికి ఫోన్ చేస్తాను అంటాడు మహేంద్ర.

వద్దు ఈ విషయం రిషికి తెలిసిందంటే తనని ఇక్కడికి రప్పించడం కోసం మిషన్ ఎడ్యుకేషన్ ని ఎరగా వేసాము అని అనుకుంటాడు. వాళ్లు రిప్లై ఇచ్చేవరకు వెయిట్ చేద్దాము అంటుంది జగతి. ఈ మాటలు అన్నీ దొంగ చాటుగా వింటాడు శైలేంద్ర. తన గదికి వెళ్ళిన తరువాత రిషి ని ఇక్కడికి రాకుండా ఎలా ఆపాలో నాకు బాగా తెలుసు అయినా ఎండి సీట్ కోసం జీవితకాలం వెయిట్ చేయవలసిందేనా అని ఆలోచనలో ఉంటాడు శైలేంద్ర.

 ఇంతలో విష్ కాలేజీ అటెండర్ ఫోన్ చేసి నిన్న వసుధార మేడం వాళ్ళ ఇంటికి రిషి సార్ వాళ్ళు వెళ్లారు. అలాగే వాళ్ళిద్దరి మధ్య ఏదో ఉంది అని లెక్చరర్స్ కి చెప్పాను అనే శైలేంద్రకి ఇన్ఫర్మేషన్ ఇస్తాడు. వెరీ గుడ్ నువ్వు అలాగే కంటిన్యూ చేయు అని చెప్పి రిషి వాళ్ళ ఎంగేజ్మెంట్ ఫోటో ఒకటి అటెండర్ కి సెండ్ చేసి ఇది మీ కాలేజీలో పెద్ద పెద్ద పోస్టర్లుగా వచ్చేలాగా చేయు అంటాడు శైలేంద్ర. అప్పుడే అటుగా వచ్చిన జగతి శైలేంద్ర మాటలు వింటుంది అక్కడే ఉన్న రిషి ఎంగేజ్ ఆల్బమ్ చూసి షాక్ అవుతుంది. తరువాత ఏం జరిగిందో రేపటి ఎపిసోడ్లో చూద్దాం.