స్టేజ్పైనుంచి పడిపోయిన `జబర్దస్త్` వర్ష.. తమ ఫ్యామిలీలో జరిగిన విషాదం చెప్పి కన్నీళ్లు..వైరల్
తన స్ర్క్రీన్ ప్రియుడు ఇమ్మాన్యుయెల్తో కలిసి జబర్దస్త్ షోలో నవ్వులు పండించే `జబర్దస్త్` వర్ష జీవితంలో ఓ పెద్ద విషాదం ఉంది. గుండె పగిలిపోయేంత విషాదం ఉంది. కన్నీళ్లు ఆరనటువంటి బాధ ఉంది. ఎప్పుడూ నవ్వించే వర్ష ఉన్నట్టుండి అందరిచేత కన్నీళ్లు పెట్టించింది. తన ఫ్యామిలిలో జరిగిన విషాదం చెప్పి బోరున విలపించింది.
మోడలింగ్, సీరియల్స్ నుంచి టీవీ షోస్లోకి అడుగుపెట్టిన వర్ష.. `జబర్దస్త్` షోతో బాగా పాపులర్ అయ్యింది. ముఖ్యంగా ఇమ్మాన్యుయెల్తో జోడిగా స్కిట్ చేసి ఆడియెన్స్ ని అలరిస్తుంది.
వీరు చేసే స్కిట్లేకాదు, వీరి మధ్య రొమాన్స్ కూడా బాగా పండుతుంది. స్టేజ్పైనే ముద్దులు, హగ్గులతో రెచ్చిపోతుంటారు. ఒకరినొకరు ప్రపోజ్ చేసుకోవడం వంటివి హైలైట్గా మారుతుంటాయి. షోకి క్రేజ్ని తీసుకొస్తున్నాయి.
`జబర్దస్త్`తోపాటు ఇతర షోస్లో కూడా వీరిద్దరు కలిసే పాల్గొంటూ సందడి చేస్తున్నారు. `జబర్దస్త్`తోపాటు `శ్రీదేవి డ్రామా కంపెనీ` అనే షోలో కూడా వీరిద్దరు పాల్గొని అలరిస్తున్నారు. నవ్వులు పండిస్తున్నారు.
అందాల ఆరబోతతోనూ కనువిందు చేస్తుంది వర్ష. సోషల్ మీడియాలో తన గ్లామర్ ఫోటోలు పంచుకుని నెటిజన్లకి ఎరగా వేస్తుంది. ఫాలోయింగ్ని పెంచుకుంటుంది.
ఇలా నవ్విస్తూ, అందాలతో కవ్విస్తూ ఎంటర్టైన్ చేసే వర్ష కుటుంబంలో ఇటీవల ఓ పెద్ద విషాదం చోటు చేసుకుంది. అది తన జీవితంలోనూ పెద్ద లోటనే చెప్పాలి.
తన తండ్రి ఇటీవల కన్నుమూశారట. ఈ విషయాన్ని వెల్లడించి అందరి చేత కన్నీళ్లు పెట్టించింది వర్ష. అయితే దాన్ని మాటల రూపంలోకాదు, స్కీట్ రూపంలో..
`శ్రీదేవి డ్రామా కంపెనీ`లో వర్ష కంటెస్టెంట్గా పాల్గొంటున్న విషయం తెలిసిందే. అందులో భాగంగా ఆమె తాజా ఎపిసోడ్లో తమ కుటుంబంలో జరిగిన విషాదాన్ని వెల్లడించింది.
ఆ విషయాన్ని `నాన్నకి ప్రేమతో` అంటూ స్కిట్ రూపంలో చేసి చూపించింది. తనకు నాన్నంటే ఎంత ప్రేమనో కళ్లకి కట్టినట్టు చూపించింది. తండ్రితో తనకున్న అనుబంధాన్ని వెల్లడించింది.
అయితే చివరకి తన తండ్రి ఎలా చనిపోయారో అనే విషయాన్ని కూడా యాక్షన్లో చేసి చూపించింది. ఇది చూసిన ఆడియెన్స్ అంతా ఒక్కసారిగా కన్నీళ్లు పెట్టుకున్నారు.
ఎప్పుడూ నవ్విస్తూ, అల్లరి, చిల్లరిగా ఉండే వర్ష జీవితంలో ఇంతటి విషాదం ఉందా? అంటూ అంతా ఒక్కసారిగా భావోద్వేగానికి గురయ్యారు.
ఇక వర్ష సైతం ఒక్కసారిగా కన్నీళ్లు పెట్టుకున్నారు. స్టేజ్పైనే బోరున విలపించారు. అందరి హృదయాలను గెలుచుకున్నారు.
తాజాగా విడుదల చేసిన ఈ `శ్రీదేవి డ్రామా కంపెనీ` ప్రోగ్రామ్ ప్రోమో ప్రస్తుతం యూట్యూబ్, సోషల్ మీడియాలో వైరల్ అవుతుంది.