Acharya interesting facts: 36 ఏళ్ల తర్వాత చిరంజీవి ఇలా.. 'ఆచార్య' గురించి షాకింగ్ ఫ్యాక్ట్స్ ఇవిగో

కొరటాల శివ తెరకెక్కించిన తాజా చిత్రం ఆచార్య. మెగా స్టార్ చిరంజీవి నటించిన ఈ చిత్రంపై భారీ అంచనాలు ఉన్నాయి. ఏప్రిల్ 29న ఆచార్య గ్రాండ్ రిలీజ్ కి రెడీ అవుతోంది. దీనితో చిత్ర యూనిట్ ప్రచార కార్యక్రమాలు మొదలు పెట్టారు.స్వయంగా చిరంజీవి ఆచార్య ప్రమోషన్స్ లో పాల్గొంటున్నారు. మెగా అభిమానులంతా ఎంతగానో ఎదురుచూస్తున్న చిత్రం. ఆచార్య చిత్రానికి సంబంధించిన కొన్ని ఆసక్తికర విషయాలు వైరల్ అవుతున్నాయి. 

పరాజయం ఎరుగని కొరటాల శివ దర్శకత్వంలో చిరంజీవి నటిస్తున్న తొలి చిత్రం ఇది. ఈ చిత్రంలో రాంచరణ్ దాదాపు 40 నిమిషాల నిడివి ఉన్న పూర్తిస్థాయి పాత్రలో నటిస్తున్నారు. చిరంజీవి, నాగబాబు తర్వాత ఇద్దరు మెగా హీరోలు కలిసి నటిస్తున్న పూర్తి స్థాయి చిత్రం ఇదే అని చెప్పాలి. 

దాదాపు 36 ఏళ్ల తర్వాత మెగాస్టార్ చిరంజీవి నక్సలైట్ పాత్రలో నటిస్తున్నారు. 1985లో అప్పటి స్టార్ డైరెక్టర్ కోదండరామిరెడ్డి తెరకెక్కించిన రక్త సింధూరం చిత్రంలో చిరంజీవి నక్సలైట్ గా నటించారు. ఆచార్య చిత్రంలో చిరంజీవి నక్సలైట్ అయినప్పటికీ కథ మొత్తం ధర్మస్థలి చుట్టూ తిరుగుతుంది. 

రెండున్నరేళ్ల క్రితం ప్రారంభమైన ఈ చిత్రం కోవిడ్ కారణంగా వాయిదా పడుతూ ఇప్పటికి విడుదలవుతోంది. నటీనటుల విషయంలో చాలా మలుపులే చోటు చేసుకున్నాయి. మొదట ఈ చిత్రంలో సిద్ద పాత్ర కోసం సూపర్ స్టార్ మహేష్ బాబుని అనుకున్నారు. కానీ అది కుదర్లేదు. ఆ తర్వాత రాంచరణ్ ఈ చిత్రంలోకి వచ్చాడు. రాంచరణ్ ఈ చిత్రంలో చేయకపోయి ఉండుంటే ఆ పాత్రకు పవన్ కళ్యాణ్ నెక్స్ట్ ఛాయిస్ అని చిరంజీవి అన్నారు. 

మహేష్ బాబు వాయిస్ ఓవర్ అందిస్తున్న మరో స్టార్ హీరో చిత్రం ఆచార్య. గతంలో మహేష్ బాబు పవన్, ఎన్టీఆర్ చిత్రాలకు వాయిస్ ఓవర్ ఇచ్చారు. పవన్ కళ్యాణ్ జల్సా చిత్రాన్ని మహేష్ తన గళం అందించిన సంగతి తెలిసిందే. ఆ చిత్రంలో కూడా పవన్ నక్సలైట్ గా నటించిన సంగతి తెలిసిందే. 

మొదట ఈ చిత్రంలో హీరోయిన్ గా త్రిషని అనుకున్నారు. కానీ త్రిష ఈ ప్రాజెక్ట్ నుంచి తప్పుకుంది. ఆ తర్వాత కాజల్ ఎంటర్ అయింది. ఈ మూవీలో చిరంజీవి హీరోయిన్ రోల్ ఉండడం సరైనది కాదు అని భావించిన కొరటాల శివ.. కాజల్ పాత్రని కూడా తొలగించారు. కాజల్ కొన్నిరోజుల పాటు ఈ చిత్ర షూటింగ్ లో కూడా పాల్గొంది. 

సాధారణంగా రాజమౌళి సినిమాలో నటిస్తున్నప్పుడు హీరోకి మరో సినిమా చేసే వీలుండదు. కానీ చిరంజీవి రిక్వస్ట్ తో రాజమౌళి.. ఆశ్చర్యంలో నటించేందుకు రాంచరణ్ కి అవకాశం కల్పించారు. ఆ టైం లో ఆర్ఆర్ఆర్ టైట్ షెడ్యూల్ జరుగుతోంది. 

ఒక హీరో తన సినిమా టైటిల్ ని పొరపాటుగా రివీల్ చేయడం చాలా అరుదుగా జరుగుతూ ఉంటుంది. ఓ సినిమా ఈవెంట్ లో చిరంజీవి పొరపాటున ఆచార్య టైటిల్ చెప్పేశారు. ఆచార్య చిత్రంలో రాంచరణ్ కి జోడిగా హాట్ బ్యూటీ పూజ హెగ్డే హీరోయిన్ గా నటిస్తోంది. చాలా ఏళ్ల తర్వాత చిరంజీవి చిత్రానికి మణిశర్మ సంగీతం అందిస్తున్న చిత్రం ఇది.