కులం లేదు మతం లేదు ప్రాంతీయ బేధం అసలే లేదు... హిందీ హీరోయిన్స్ ని భార్యలుగా తెచ్చుకున్న స్టార్స్ వీరే!

టాలీవుడ్ టాప్ స్టార్స్ మహేష్ బాబు, నాగార్జున, పవన్ కళ్యాణ్ లలో ఒక కామన్ పాయింట్ ఉంది. అది తెలిస్తే ఆశ్చర్యపోతారు. వీరు ఒక విషయంలో కులం, మతం, ప్రాంతీయ బేధాలు వదిలేశారు. అదేమిటో చూద్దాం..  

కింగ్ నాగార్జున టాలీవుడ్ టాప్ స్టార్స్ లో ఒకరు. ఇప్పుడు ఆయన హవా కొంచెం తగ్గింది కానీ...మూడు దశాబ్దాల పాటు స్టార్ హీరోగా బ్లాక్ బస్టర్స్, సూపర్ హిట్స్ ఇచ్చారు. జయాపజయాలు పట్టించుకోకుండా ప్రయోగాలు చేశారు. కాగా నాగార్జున నార్త్ ఇండియా హీరోయిన్ ని ప్రేమ వివాహం చేసుకున్నాడు. చెప్పాలంటే ఆమె విదేశీ అమ్మాయి కూడాను. 

నాగార్జున మొదటి వివాహంగా దగ్గుబాటి రామానాయుడు కుమార్తె లక్ష్మిని చేసుకున్నారు. నాలుగేళ్ళ వైవాహిక జీవితం అనంతరం మనస్పర్ధలతో విడిపోయారు. అనంతరం 1992లో హీరోయిన్ అమలను రెండో వివాహం చేసుకున్నారు. అమల తండ్రి బెంగాలీ కాగా తల్లిది ఐర్లాండ్. బెంగాలీ తండ్రి-ఐరిష్ మహిళకు పుట్టిన అమలను నాగార్జున పెళ్లి చేసుకున్నారు. వీరి కొడుకు అఖిల్ హీరోగా రాణిస్తున్నాడు. 

కృష్ణ నటవారసుడు మహేష్ బాబు ఫ్యాన్ బేస్ గురించి ఎంత చెప్పినా తక్కువే. ఆయన ప్లాప్ చిత్రాలు కూడా భారీ వసూళ్లు రాబడతాయి. నెక్స్ట్ ఆయన రాజమౌళి దర్శకత్వంలో పాన్ వరల్డ్ మూవీకి సిద్ధం అవుతున్నారు. కాగా మహేష్ బాబు నార్త్ ఇండియా హీరోయిన్ ని ప్రేమించి పెళ్లి చేసుకున్నాడు. 

Mahesh Babu

మహేష్ బాబు సతీమణి నమ్రత శిరోద్కర్ ముంబైలో పుట్టి పెరిగిన మోడల్ అండ్ హీరోయిన్. వంశీ చిత్రంలో వీరిద్దరూ కలిసి నటించారు. ఆ మూవీ సెట్స్ లో ప్రేమ చిగురించింది. ఒకరిపై మరొకరికి ఉన్న ఇష్టాన్ని తెలియజేశారు. ఐదేళ్లకు పైగా రహస్యంగా ప్రేమించుకున్న మహేష్ బాబు-నమ్రత 2005లో అత్యంత నిరాడంబరంగా సన్నిహితుల మధ్య పెళ్లి చేసుకున్నారు. వీరికి గౌతమ్, సితార అనే ఇద్దరు పిల్లలు ఉన్నారు. 

అన్నయ్య చిరంజీవి నటవారసత్వాని కొనసాగిస్తూ పవన్ కళ్యాణ్ టాలీవుడ్ స్టార్ హీరోగా ఎదిగారు. అశేష అభిమానులను సొంతం చేసుకున్నారు. నటుడిగా సక్సెస్ అయిన పవన్ కళ్యాణ్ వ్యక్తిగత జీవితంలో ఒడిదుడుకులు ఎదుర్కొన్నాడు. వైజాగ్ చెందిన అమ్మాయిని వివాహం చేసుకోగా మనస్పర్థలతో విడిపోయారు. అనంతరం పవన్ కళ్యాణ్ బద్రి సినిమాలో జంటగా నటించిన రేణు దేశాయ్ ని ప్రేమించి పెళ్లి చేసుకున్నాడు. 

రేణు దేశాయ్-పవన్ కళ్యాణ్ లకు ఒక అమ్మాయి, అబ్బాయి సంతానం. 2012లో రేణు దేశాయ్ కి పవన్ విడాకులు ఇచ్చారు. రేణు దేశాయ్ గుజరాత్ కి చెందిన మహిళ. అనంతరం అన్నా లెజినోవాను వివాహం చేసుకున్నారు. తీన్ మార్ మూవీలో చిన్న పాత్ర చేసిన అన్నా లెజినోవా రష్యన్ యువతి కావడం విశేషం. ఆమెతో పవన్ కళ్యాణ్ మరో ఇద్దరు పిల్లలను కన్నాడు. కాబట్టి మహేష్ బాబు, నాగార్జున, పవన్ కళ్యాణ్ లలో ఉన్న కామన్ పాయింట్ వారు నార్త్ ఇండియా హీరోయిన్స్ ని పెళ్లాడారు.