BiggBoss Telugu 6: ఇనయ పారితోషికం లీక్‌.. 14 వారాలకుగానూ ఆమెకి దక్కిన మొత్తం ఎంతంటే?

బిగ్‌ బాస్‌ తెలుగు 6 (Bigg boss 6 Telugu) షోలో బలమైన కంటెస్టెంట్‌గా నిలిచింది ఇనయ. ఆమె సైలెంట్‌గా తన కెరీర్‌ గ్రాఫ్‌ని పెంచుకుంటూ వచ్చింది. పది వారాల తర్వాత ఒక్కసారిగా టాప్‌ లీగ్‌లోకి దూసుకొచ్చింది. బెస్ట్ కెప్టెన్‌గా, క్వీన్‌ ఆఫ్‌ ది హౌజ్‌గా నిలిచిన ఇనయ కానీ అనూహ్యంగా 14వ వారంలో ఎలిమినేట్‌ అయ్యింది. ఇనయ ఎలిమినేషన్‌ విషయంలో పెద్ద చర్చ జరుగుతుంది. అది అన్‌ఫెయిర్‌ ఎలిమినేషన్‌ అనే కామెంట్లు వినిపిస్తున్నాయి. 
 

అప్పటి వరకు స్ట్రాంగ్‌ కంటెస్టెంట్‌గా ఉన్న ఇనయ ఎలిమినేట్‌ కావడమేంటని సర్వత్రా ప్రశ్నిస్తున్నారు. బిగ్‌ బాస్‌ షోపైనే విమర్శలు చేస్తున్నారు. ఇలాంటి పనుల వల్లే బిగ్‌ బాస్‌ పై అభిప్రాయం పోతుందని, కొందరిని సేవ్‌ చేయడం కోసం బలమైన వారిని పంపించడం దుర్మార్గం అంటూ దుమ్మెత్తిపోతున్నారు నెటిజన్లు. తీవ్ర స్థాయిలో బీబీ షోపై విమర్శలు చేస్తున్నారు. 

ఈ నేపథ్యంలో హౌజ్‌ గురించి, హౌజ్‌లోని సభ్యుల గురించి బయటకొచ్చిన ఇనయ పలు ఆసక్తికర వ్యాఖ్యలు చేసింది. రేవంత్‌తోపాటు ఇతర సభ్యుల గురించి షాకింగ్‌ కామెంట్లు చేసింది. రేవంత్‌ గురించి ఆమె చెప్పిన విషయాలు ఆశ్చర్యపరుస్తున్నాయి. ఇప్పుడు సోషల్‌ మీడియాలో హాట్‌ టాపిక్‌ అవుతున్నాయి. 
 

ఈ సందర్భంగా ఇనయ పారితోషికం కూడా హాట్‌ టాపిక్‌ అవుతుంది. తాజాగా బిగ్‌ బాస్‌ షోలో పాల్గొన్నందుకు ఇనయ తీసుకున్న రెమ్యూనరేషన్‌ డిటెయిల్స్ లీక్‌ అయ్యాయి. అవి వైరల్‌ అవుతున్నాయి. ఇందులో ఇనయ సుల్తానా 14 వారాలకుగానూ అందుకున్న పారితోషికం ఎంతనేది చర్చనీయాంశం అవుతుంది. అంత తక్కువనా అంటూ కామెంట్లు వస్తున్నాయి. 

బిగ్‌ బాస్‌ షోలో ఇనయ 14 వారాలు ఉన్న విసయం తెలిసిందే. మొత్తంగా ఆమె సుమారు 20లక్షలు పారితోషికంగా అందుకుందట. రోజుకి ఆమెకి ఇరవై వేలు ఇచ్చేవారని, వారానికి లక్షా నలభై వేలు అందుకోగా, 14 వారాలకు గానూ 1960000 పారితోషికంగా ఇనయ పుచ్చుకుందని తెలుస్తుంది. అయితే టాప్‌ టెన్‌ కంటెస్టెంట్లతో పోల్చితే ఇది చాలా తక్కువ అని అంటున్నారు. అంతకు ముందు ఎలిమినేట్‌ అయిన ఫైమా సైతం సుమారు 30లక్షలు పారితోషికం అందుకుంది. మిగిలన వారు కూడా ఇరవై లక్షలకుపైగా పారితోషికం సొంతం చేసుకున్నారు. కానీ ఇనయకి ఇరవై లక్షలకు లోపే రావడం గమనార్హం. 

సోషల్‌ మీడియాతో పాపులర్‌ అయిన ఇనయ పలు సినిమాల్లో చిన్న చిన్న పాత్రలు పోషించింది. ఆ మధ్య రామ్‌గోపాల్‌ వర్మతో ఓ పార్టీలో పాల్గొని కలిసి చేసిన డాన్సు సోషల్‌ మీడియాని షేక్‌ చేసింది. ఆ ఒక్క దెబ్బతో పాపులర్‌ అయిపోయింది ఇనయ. అదే బిగ్‌ బాస్‌లో పాల్గొనే అవకాశం తెచ్చిందని టాక్‌.