నేను ఒంటరి, నాకు సపోర్ట్ చేసే వాళ్లు ఎవరూ లేరు.. రేణు దేశాయ్‌ ఎమోషనల్‌ కామెంట్స్

Renu Desai: రేణు దేశాయ్‌.. పవన్‌ కళ్యాణ్‌ భార్యగా పాపులర్‌. ఆమె హీరోయిన్‌గా ఎంట్రీ ఇచ్చి, పవన్‌ కళ్యాణ్‌ ప్రేమలో పడి ఆయనకు భార్య అయ్యింది. ఆ తర్వాత విడిపోయారు. ప్రస్తుతం ఒంటరిగానే ఉంటున్నారు రేణు దేశాయ్‌. తన కొడుకు అకీరా నందన్‌, కూతురు ఆధ్యలను చూసుకుంటున్నారు. వారికి అన్ని రకాలుగా సపోర్ట్ గా ఉంటున్నారు. తండ్రి దూరంగా ఉన్నారనే లోటు లేకుండా వారిని పెంచడం విశేషం. అయితే మొదట్లో రెండు మూడు సినిమాలు చేసిన రేణు దేశాయ్‌ ఆ తర్వాత మానేసింది. ఇటీవల రవితేజ నటించిన `టైగర్‌ నాగేశ్వరరావు` సినిమాలో కీలక పాత్ర పోషించింది.   

renu desai

Renu Desai: రేణు దేశాయ్‌ `బద్రి` సినిమాతో హీరోయిన్‌గా తెలుగు ఆడియెన్స్ కి పరిచయం అయ్యింది. ఇందులో పవన్‌ కళ్యాణ్‌కి జోడీగా నటించింది. ఆ తర్వాత `జానీ` సినిమాలో పవన్‌తో మరోసారి కలిసి నటించింది. దీనికి పవనే దర్శకుడు. ఈ మూవీ ఆడలేదు. కానీ పవన్‌, రేణు దేశాయ్‌ల ప్రేమ సక్సెస్‌ అయ్యింది. ఇద్దరు కలిసి సహజీవనం చేశారు. దీంతో సినిమాలకు దూరంగా ఉంటున్నారు. 

సుమారు ఇరవై ఏళ్ల తర్వాత రెండేళ్ల క్రితం రవితేజ హీరోగా నటించిన `టైగర్‌ నాగేశ్వరరావు` చిత్రంలో నటించారు రేణు దేశాయ్. ఆ మూవీ ఆడలేదు. మళ్లీ ఆమె మరే సినిమాకి ఒప్పుకోలేదు.

మరి సినిమాలు చేయకపోవడంపై, ఇరవైఏళ్ల తర్వాత వెండితెరపై తనని తాను చూసుకున్నప్పుడు కలిగిన ఫీలింగ్‌ని చెబుతూ వాహ్‌ అనిపించిందన్నారు రేణు దేశాయ్‌. ఇన్నాళ్లు బిగ్‌ స్క్రీన్‌ని మిస్‌ అయిన ఫీలింగ్‌ కలిగిందన్నారు. మళ్లీ నటించాలని ఉందని వెల్లడించారు. 

pawan kalyan, Renu Desai

`నాకు నటించాలని ఉంది, కానీ షూటింగ్‌కి వెళ్లినప్పుడు ఆధ్యని ఒంటరిగా వదిలేసి రావాల్సి వస్తుంది. దీంతో ఆమె ఏం చేస్తుంది? ఏం చదువుతుంది? ఏం చూస్తుందనే టెన్షన్‌ ఉంటుంది. వర్క్ మీద కంటే ఆధ్య మీదనే దృష్టి ఉంటుంది, అందుకే సినిమాలకు దూరంగా ఉంటున్నాను.

ఆధ్య పెద్దగైతే, తన పనులు తాను చేసుకుని, ఇండిపెండెంట్‌గా ఎదిగేంత వరకు ఆమెకి తోడుగానే ఉండాలి, అప్పటి వరకు మరేపని చేయలేన`ని తెలిపారు. తనకు ఇంట్లో సపోర్ట్ గా ఎవరూ లేరని ఆవేదన వ్యక్తం చేశారు. ఇంట్లో ఆధ్యని చూసుకోవడానికి అమ్మా నాన్న లేరు, బ్రదర్స్ సిస్టర్స్ లేరు, ఇతర ఫ్యామిలీ సపోర్ట్ లేదు, ఏదైనా ఒంటరిగానే డీల్‌ చేసుకోవాలని తెలిపారు.  

renu desai

అందులో భాగంగానే సినిమాలకు దూరంగా ఉండాలనుకుంటున్నట్టు చెప్పారు రేణు దేశాయ్‌. ఆ తర్వాత సినిమాలు చేస్తానని,  అయితేతనకు నటించడం కంటే సినిమాలు ప్రొడ్యూస్‌ చేయడం ఇష్టమని తెలిపారు.

మంచి స్క్రిప్ట్ లు వస్తే నటించడానికి సిద్ధమే అని, కాకపోతే కొంత టైమ్‌ కావాలని చెప్పారు రేణు దేశాయ్‌. యూట్యూబర్‌ నిఖిల్‌ ఇంటర్వ్యూలో ఆమె ఈ విషయాలను వెల్లడించారు.