జబర్దస్త్ ప్రేక్షకులకు దిమ్మతిరిగే న్యూస్.. హైపర్ ఆది వచ్చేశాడు, వస్తూ వస్తూనే సుధీర్-రష్మీ రిలేషన్ పై పంచ్!

స్టార్స్ నిష్క్రమణలతో జబర్దస్త్ ఒకప్పటి శోభ కోల్పోయింది. వరుసగా రోజా, సుడిగాలి సుధీర్, హైపర్ ఆది, గెటప్ శ్రీను, అనసూయ జబర్దస్త్ కి గుడ్ బై చెప్పేశారు. దీంతో ఈ లెజెండరీ కామెడీ షో టీఆర్పీ సగానికి పడిపోయింది. దీంతో నిర్వాహకులు నష్ట నివారణ చర్యలు చేపట్టారు. 
 

భయపెట్టో బ్రతిమిలాడో ఒక్కొక్కరిగా వెనక్కి తెస్తున్నారు. ఫస్ట్ గెటప్ శ్రీను రీఎంట్రీ ఇచ్చాడు. సినిమాల్లో బిజీగా ఉన్న గెటప్ శ్రీను తిరిగి జబర్దస్త్ కి వస్తారని ఎవరూ ఊహించలేదు. కానీ ఆయన కొన్ని వారాలుగా జబర్దస్త్ లో సందడి చేస్తున్నారు. తాజాగా హైపర్ ఆది రీఎంట్రీ ఇవ్వడం ప్రాధాన్యత సంతరించుకుంది. 

జబర్దస్త్ కమెడియన్స్  ఆయనకు పూలతో స్వాగతం పలికారు. వచ్చాడయ్యో సామీ...  సాంగ్ తో గ్రాండ్ వెల్కన్ చెప్పారు. ఇక రీఎంట్రీ ఎపిసోడ్ లో ఆది తన మార్క్ పంచెస్ తో విరుచుకుపడ్డాడు. నేను పాలిటిక్స్ లోకి వచ్చానో, జబర్దస్త్ కి వచ్చానో ఒక నిమిషం అర్థం కాలేదు అన్నాడు. జడ్జి ఇంద్రజపై కూడా ఆయన ఓ పంచ్ వేశాడు... రోజాగారికి మంత్రి సీటు వస్తే ఇంద్రజ గారికి జబర్దస్త్ జడ్జి సీటు వచ్చిందన్నారు. 
 

అలాగే యాంకర్ రష్మీని కూడా వదల్లేదు ఆది. ఓ పవర్ ఫుల్ పంచ్ వేశాడు. నీలాంటి అందగత్తె దక్కాలంటే ఏం చేయాలి? అని రష్మీని అడిగాడు. ఆ ప్రశ్నకు రష్మీ.. చాన్నాళ్లు నా వెనుక తిరగాలి అని చెప్పింది. చాన్నాళ్లు తిరగాలా? అది తెలియక వాడు(సుడిగాలి సుధీర్) ఛానల్స్ మొత్తం తిరుగుతున్నాడు... అంటూ పంచ్ విసిరారు. మొత్తంగా ఆది రీఎంట్రీ జబర్దస్త్ కి కొత్త శోభ తెచ్చింది.
 

అయితే మరి లాంగ్ టైం కొనసాగుతాడా? లేక ఒకటి రెండు ఎపిసోడ్స్ కి పరిమితం అవుతాడా? అనేది చూడాల్సి ఉంది. అలాగే వీరందరు రీఎంట్రీ ఇవ్వడం వెనుక కారణం తెలియడం లేదు. డబ్భులు కోసమే అయితే ఆది, గెటప్ శ్రీను యాక్టర్స్ గా కూడా బిజీగా ఉన్నారు. మరి వీళ్ళను భయపెట్టి తీసుకొస్తున్నారా? బ్రతిమిలాడి తీసుకొస్తున్నారా? అనే సందేహం నెలకొంది. 
 

ఇటీవల జబర్దస్త్ మాజీ మేనేజర్ ఏడుకొండలు సంచలన వ్యాఖ్యలు చేశారు. వీళ్ళ బాగోతం అంతా నా దగ్గర ఉంది. జబర్దస్త్ వీడిన వాళ్ళందరు మళ్ళీ తిరిగి రావాల్సిందే అంటూ గట్టిగా చెప్పాడు. ఇప్పుడు అదే జరుగుతుంది. ఆది జబర్దస్త్ ని వీడినా మల్లెమాల వారి శ్రీదేవి డ్రామా కంపెనీలో కొనసాగుతున్నాడు. ఈటీవీ ప్రత్యేక కార్యక్రమాల్లో కూడా సందడి చేస్తున్నాడు. సుధీర్ మాత్రం మొత్తంగా దూరమయ్యాడు. 
 

ఇక బిగ్ బాస్ తెలుగు 6లో పాల్గొంటున్న చలాకీ చంటి, ఫైమా జబర్దస్త్ కి దూరమయ్యారు. ఇకపై వీరిద్దరూ జబర్దస్త్ లో కనిపించే అవకాశం లేదు. గతంలో బిగ్ బాస్ కోసం జబర్దస్త్ వీడిన ముక్కు అవినాష్ కి మరలా ఎంట్రీ దక్కలేదు. వీరిద్దరి పరిస్థితి కూడా అదే కావచ్చు.