Vishwak Sen: విశ్వక్ సేన్, నాగవల్లి గొడవలో దూరిన హైదరాబాద్ మేయర్ విజయలక్ష్మి.. స్ట్రాంగ్ వార్నింగ్

 ఇటీవల విశ్వక్ సేన్ తన సినిమా ప్రమోషన్ కోసం.. సినిమా అభిమానిగా పాపులర్ అయిన లక్ష్మణ్ తో రోడ్డుపై ఫ్రాంక్ చేయించాడు. నడిరోడ్డుపై న్యూసెన్స్ కావడంతో ఇది కాస్త వైరల్ గా మారింది.  

యంగ్ హీరో విశ్వక్ సేన్, ప్రముఖ టీవీ ఛానల్ యాంకర్ దేవి నాగవల్లి మధ్య వివాదం రోజు రోజుకు ముదురుతోంది. ఇటీవల విశ్వక్ సేన్ తన సినిమా ప్రమోషన్ కోసం.. సినిమా అభిమానిగా పాపులర్ అయిన లక్ష్మణ్ తో రోడ్డుపై ఫ్రాంక్ చేయించాడు. నడిరోడ్డుపై న్యూసెన్స్ కావడంతో ఇది కాస్త వైరల్ గా మారింది. 

దీనితో ఈ ఫ్రాంక్ పై విమర్శలు చేస్తూ టీవీ ఛానల్ లో వార్తలు ప్రసారం అయ్యాయి. ఈ అంశంపై డిబేట్ లో పాల్గొనేందుకు విశ్వక్ సేన్ ప్రముఖ చానల్ కి వెళ్ళాడు. అక్కడ దేవి నాగవల్లి యాంకర్ గా చేస్తున్నారు. విశ్వక్ సేన్ ని మానసికంగా డిప్రెషన్ లో ఉన్న వ్యక్తి.. పాగల్ సేన్ అంటూ దేవి నాగవల్లి వ్యక్తిగతంగా విమర్శించారు. దీనితో ఆగ్రహం తెచ్చుకున్న విశ్వక్ సేన్ స్టూడియోలోనే మైండ్ యువర్ టంగ్ అంటూ నాగవల్లికి వార్నింగ్ ఇచ్చాడు. 

Vishwak Sen

దీనితో నాగవల్లి కూడా నా స్టూడియో నుంచి వెళ్ళిపో అంటూ ఫైర్ అయింది. దీనితో విశ్వక్ సేన్ నోటి నుంచి ఒక అసభ్యకరమైన పదం వచ్చింది. ఇది కాస్త తీవ్ర వివాదంగా మారింది. సోషల్ మీడియాలో నెటిజన్లు కొందరు విశ్వక్ సేన్ కి సపోర్ట్ చేస్తుంటే.. మరికొందరు నాగవల్లికి సపోర్ట్ చేస్తున్నారు. కానీ సెలెబ్రిటీల నుంచి మాత్రం విశ్వక్ సేన్ కి వ్యతిరేకత వ్యక్తం అవుతోంది. 

ఈ వ్యవహారంలో ఇద్దరూ తగ్గడం లేదు. నాగవల్లిపై విశ్వక్ సేన్ పరువు నష్టం కేసు వేయగా.. నాగవల్లి కూడా అతడిపై ఫిర్యాదులు చేస్తోంది. ఇప్పటికే నాగవల్లి తెలంగాణ సినిమాటోగ్రఫీ మంత్రి తలసానికి కూడా ఫిర్యాదు చేసింది. విశ్వక్ సేన్ ఆ అసభ్యకర పదం ఉపయోగించడంపై సర్వత్రా విమర్శలు వ్యక్తం అవుతుండగా.. అతడిని వ్యక్తిగతంగా దూషించినందుకు నాగవల్లిని కూడా ట్రోల్ చేస్తున్నారు. 

ఇదిలా ఉండగా ఈ వ్యవహారంలోకి హైదరాబాద్ మేయర్ విజయలక్ష్మి కూడా ఎంటర్ అయ్యారు. ఈ వ్యవహారంలో విశ్వక్ సేన్ ని తీవ్రంగా తప్పుబడుతూ ఆమె ట్వీట్ చేశారు. 'టీవీ 9 యాంకర్ దేవి నాగవల్లిపై విశ్వక్ సేన్ చేసిన వ్యాఖ్యలని నేను తీవ్రంగా ఖండిస్తున్నాను. ఎంతటి చిరాకు, కోపంలో ఉన్నా మహిళలపై అలాంటి పదాలు ఉపయోగించకూడదు. ఇలాంటి చర్యలని సహించం. విశ్వక్ సేన్ ఇలాంటి పదజాలం, చర్యలు మానుకోవాలి' అంటూ విజయలక్ష్మి ట్వీట్ చేశారు. 

విశ్వక్ సేన్, రుక్సార్ దిల్లోన్ జంటగా నటించిన 'అశోక వనంలో అర్జున కళ్యాణం' చిత్రం మే 6న రిలీజ్ కి రెడీ అవుతోంది. ఈ సినిమా ప్రమోషన్ కోసమే విశ్వక్ సేన్.. లక్ష్మణ్ చేత రోడ్డులో ఫ్రాంక్ చేయించాడు. ఇది కాస్త హాట్ కాంట్రవర్సీగా మారిపోయింది.