పైరేట్స్ ఆఫ్ ది కరేబియన్ హీరో జానీ డెప్ పై సంచలన ఆరోపణలు, కోర్డులోనే బోరుమని ఏడ్చిన హీరోయిన్

హాలీవుడ్  స్టార్  హీరోల్లో జానీ డెప్ కూడా ఒకరు. పైరేట్స్ ఆఫ్ ది కరేబియన్ సినిమా సిరీస్ లు చూసిన వారికి  ఈ హీరో గురించి ప్రత్యేకంగా చెప్పాల్సిన అవసరం లేదు.  ప్రపంచ వ్యాప్తంగా ఫ్యాన్స్ ను సాధించిన ఈ స్టార్ హీరో... ప్రస్తుతం ఆయన తన మాజీ భార్య నటి అంబర్ హెర్డ్ తో పోరాడుతున్నారు. 

హాలీవుడ్ స్టార్ హీరో పైరేట్స్ ఆఫ్ ద కరీబియన్ హీరో జానీ డెప్, అతని మాజీ భార్య అంబర్ హర్డ్ వ్యవహారం ముదిరి పాకాన పడుతుంది. విడాకులు తీసుకున్నాక కూడా ఒకరిపై మరొకరు ఆరోపణలు చేసుకుంటూ.. కోర్టులకెక్కడంతో.. హాలీవుడ్ అంతా ఇది చర్చనీయాంశం అయ్యింది. ఒకరిపై మరొకరు ధారుణమైన ఆరోపణలు చేసుకుంటున్నారు. 

రీసెంట్ గా తన మాజీ భార్య అంబర్ హర్డ్  వేసిన పరువు నష్టం దావా కేసులో ఫస్ట్ టైమ్ కోర్టుకు హాజరయ్యింది హీరోయిన్. కోర్లులో జానీ డెప్ పై సంచలన ఆరోపణలు చేసింది. తరచూ కొట్టేవాడని ఆవేదన వ్యక్తం చేసింది. అతడి అరాచకాలు అన్నీఇన్నీ కావంటూ కోర్టు హాల్లోనే వెక్కివెక్కి ఏడ్చింది. 

ఈ సందర్భంగా ఆమె తన వాదనలను వినిపించింది. తనను ఎప్పుడూ కొట్టేవాడని, తొలిసారి కొట్టినప్పుడు జోక్ అనుకుని నవ్వేశానని తెలిపింది. ఒంటిపై చెరిగిపోయినట్టున్న టాటూ గురించి అడిగాను. ఏం రాసుందని ప్రశ్నించాను. వినో అని రాసుకున్నానంటూ చెప్పిన జానీ.. నన్ను తొలిసారి కొట్టాడు. సర్లే జోక్ అనుకుని నేను నవ్వాను. కానీ, పదే పదే కొడుతూనే ఉన్నాడు. అలాగే షాక్ అయి చూస్తుండి పోయాను అని ఆమె తన ఆవేదనను వెళ్లబుచ్చింది.  

అంతే కాదు  నోటితో చెప్పలేని బూతులు తనని తిట్టాడని పేర్కొంది. ఆ రోజును, ఆ ఘటనను తానెప్పుడూ మరచిపోలేనని, తన జీవితాన్నే మార్చేసిందని విచారం వ్యక్తం చేసింది. తనపై దాడి ఆ ఒక్కసారితోనే ఆగిపోలేదని, పలుమార్లు అలాగే దాడిచేశాడని వివరించింది అంబర్. 

అంతే కాదు డ్రగ్స్ తో పాటు ,ఆల్కహాల్ మత్తులో తూలుతూ.. విచక్షణ లేకుండా దాడి చేసేవాడని తెలిపింది. 2013 లో ఫ్రెండ్స్ తో కలిసి టూర్ వెళ్లినందుకు కోపంతో ఊగిపోయాడని..  ఆ రోజు సాయంత్రం ఓ అమ్మాయితో అత్యంత సన్నిహితంగా ఉన్నాడని తెలిపింది. ఆ యువతి బట్టలు చింపేసి డ్రగ్స్ కోసం వెతికాడని, పిచ్చిపిచ్చిగా ప్రవర్తించాడని ఆవేదన వ్యక్తం చేసింది.

 అంతకుముందు సైకాలజిస్ట్ డాన్ హ్యూస్ ఎదుట కూడా ఆమె తన వివరణ ఇచ్చింది. కాగా, అంతకుముందు జానీ డెప్ కూడా తన వాదనను వినిపించాడు. తాను అసలు ఆమెను కొట్టనే లేదని, ఆమె తననూ హింసించేదని చెప్పాడు. గృహ హింస పేరుతో తన పరువును మొత్తం చెడగొట్టిందని ఆరోపిస్తూ అంబర్ పై 5 కోట్ల డాలర్లకు జానీ డెప్ పరువు నష్టం దావా వేశాడు. దానికి కౌంటర్ గా జానీపైనా ఆమె 10 కోట్ల డాలర్ల పరువు నష్టం దావా వేసింది. 

2009లో ద రమ్ డైరీ అనే సినిమా కోసం ఇద్దరూ తొలిసారి కలుసుకున్నారు. ఆ తర్వాత కొన్నేళ్లకు ఇద్దరూ డేటింగ్ చేశారు. 2015లో  పెళ్లి చేసుకుని ఏడాది గడవక ముందే...తనను మానసికంగా, శారీరకంగా హింసిస్తున్నాడని ఆరోపిస్తూ.. అంబర్ హర్డ్ విడాకులకు వెళ్లింది. దాంతో  2017లో వీరికి  విడాకులు మంజూరయ్యాయి.

జానీ డెప్ తో విడిపోయిన తర్వాత కూడా తను గృహహింసకు గురయ్యానంటూ అంబర్ సంచలన ప్రనకటన చేశారు. ప్రకటన చేయడంతో పాటు ఒక వ్యాసం కూడా  రాశారు.  ప్రపంచ వ్యాప్తంగా ఈ వ్యాసం వైరల్ అయింది. దాంతో ఈ విషయం హాలీవుడ్ లో చాలా పెద్ద చర్చకు దారి తీసింది. ఈ వ్యాసంలో పేర్కొన్న అంశాలపై జానీ డెప్ కోర్టును ఆశ్రయించారు. తన మాజీ భార్యపై 380 కోట్లకు పరువునష్టం దావా వేశారు. ప్రస్తుతం ఈ కేసు విచారణ జరుగుతోంది.