`హిట్‌ 3` ప్రీ రిలీజ్‌ బిజినెస్‌.. నాని సినిమా లాభాల టార్గెట్‌ ఇదే

Hit 3 Business: హీరో నాని వరుస విజయాలతో రాణిస్తున్నారు. `హాయ్‌ నాన్న`, `సరిపోదా శనివారం` చిత్రాలతో వరుసగా హిట్లు అందుకున్నారు. ఇప్పుడు మూడో సక్సెస్‌ కోసం రెడీ అవుతున్నారు. `హిట్‌ 3` సినిమాతో హ్యాట్రిక్‌ కొట్టడానికి రెడీ అవుతున్నారు. ఈ చిత్రం రేపు గురువారం(మే 1)న విడుదల కాబోతుంది.  

Nani starrer Hit 3

Hit 3 Business: నేచురల్‌ స్టార్‌ నాని ఇప్పుడు తన ట్యాగ్‌ని మరిపించే ప్రయత్నంలో ఉన్నారు. ఫ్యామిలీ చిత్రాల హీరోగా పేరు తెచ్చుకున్న ఆయన ఇప్పుడు యాక్షన్ సినిమాలతో మాస్‌ ఇమేజ్‌ని సొంతం చేసుకునే పనిలో ఉన్నారు. `దసరా` సినిమా నుంచి నాని ట్రెండ్‌ మార్చారు. వరుసగా రా అండ్‌ రస్టిక్‌ మూవీస్‌ చేస్తూ అలరిస్తున్నారు. 

తాజాగా `హిట్‌ 3` అంటూ మరో యాక్షన్‌ మూవీతో రాబోతున్నారు. గతంలో ఈ ఫ్రాంఛైజీ నుంచి రెండు సినిమాలు వచ్చాయి. విశ్వక్‌ సేన్‌, అడవి శేషు నటించారు. ఇప్పుడు మూడో ఫ్రాంఛైజీలో నాని హీరోగా నటించారు. శైలేష్‌ కొలను దర్శకత్వం వహించిన ఈ మూవీలో `కేజీఎఫ్‌` ఫేమ్‌ శ్రీనిధి శెట్టి హీరోయిన్‌గా నటిస్తుంది. మే డే సందర్భంగా మే 1న ఈ మూవీ విడుదల కానుంది. ఈ సందర్భంగా ఈ సినిమా హైప్ ఎలా ఉందనేది చూస్తే. 

Nani starrer Hit 3 film update out

`హిట్‌ 3` మూవీపై ప్రారంభం నుంచి ఆసక్తి ఏర్పడింది. రక్తపాతానికి ప్రయారిటీ ఇవ్వడంతో సినిమాలో ఏదో ఉండబోతుందని, పైగా నాని నుంచి ఇలాంటి హింసని ఎవరూ ఊహించరు, దీంతో అది కూడా కొత్తగా ఉంది. పైగా విడుదలైన టీజర్‌, ట్రైలర్లు సినిమాపై అంచనాలను పెంచాయి. దీంతో సినిమా బిజినెస్‌ కూడా బాగానే జరిగింది.

hit 3, nani

నాని సినిమాల ప్రీ రిలీజ్‌ బిజినెస్‌ సినిమా సినిమాకి పెంచుకుంటూ వస్తున్నారు. ఈ చిత్రానికి సుమారు యాభై కోట్ల రేంజ్‌లో వ్యాపారం జరగడం విశేషం. నైజాంలో 13కోట్లు, సీడెడ్‌లో 5.40కోట్లు, ఆంధ్రాలో 15కోట్ల వ్యాపారం జరిగింది. తెలుగు స్టేట్స్ లో 33.40కోట్లు, కర్నాటక, తమిళనాడు, నార్త్ ఇలా ఇండియా మొత్తంలో 5.50కోట్ల బిజినెస్‌ అయ్యింది. ఓవర్సీస్‌లో పది కోట్ల వ్యాపారం జరిగింది.

ఇలా మొత్తంగా `హిట్‌ 3` ప్రపంచ వ్యాప్తంగా 48.90కోట్ల బిజినెస్‌ అయ్యింది. సినిమా బ్రేక్‌ ఈవెన్‌ కావాలంటే సుమారు 50కోట్ల షేర్‌ సాధించాలి. అంటే వంద కోట్ల కలెక్షన్లు రావాలి. నాని మార్కెట్‌ దృష్ట్యా సినిమా బాగుంటే వంద కోట్లు పెద్ద లెక్కేమీ కాదు. మరి ఏ మేరకు రీచ్‌ అవుతుందో చూడాలి. 

Nani starrer Hit 3 film

`హిట్‌ 3`లో నాని అర్జున్‌ సర్కార్‌ గా కనిపించబోతున్నారు. వైజాగ్‌ సిటీలో వరుసగా కిడ్నాప్‌లు, హత్యలు జరుగుతుంటాయి. ముఖ్యంగా చిన్న పిల్లల కిడ్నాప్‌ కేసులు కలవరానికి గురి చేస్తుంటాయి ఈ క్రమంలో ఈ కేసుని డీల్‌ చేయడానికి ఎస్పీ క్యాడర్‌ పోలీస్‌ అధికారి అర్జున్‌ సర్కార్‌ డ్యూటీ ఎక్కుతాడు.

ఆయన నేరాలను ఎలా అడ్డుకట్ట వేశాడు? సీరియల్‌ కిల్లర్‌ ఆట ఎలా కట్టించడానేది ఈ మూవీ కథగా ఉండబోతుందని తెలుస్తుంది. గత రెండు సినిమాలు బాగానే ఆడాయి. `హిట్‌ 3` ఏ మేరకు ఆడియెన్స్ ని అలరిస్తుందో చూడాలి.