'నా పెట్టే తాళం' పాట వెనకున్న చరిత్ర ఏంటో తెలుసా.. ఎయిడ్స్ విజృంభిస్తున్న టైంలో ఆ విధంగా..

సెకండ్ హాఫ్ లో వచ్చే 'నా పెట్టె తాళం' సాంగ్ ఏమాత్రం ఉపయోగపడలేదు. పైగా విమర్శలు పెరిగాయి. అయితే సోషల్ మీడియాలో మాత్రం ఈ పాట గురించి బాగా చర్చ జరుగుతోంది. 

యంగ్ హీరో నితిన్ నటించిన లేటెస్ట్ మూవీ ఎక్స్ట్రా ఆర్డినరీ మ్యాన్ దారుణమైన డిజాస్టర్ దిశగా వెళుతోంది. డిసెంబర్ 8న రిలీజైన ఈ చిత్రం తొలి షో నుంచి మిక్స్డ్ రెస్పాన్స్ సొంతం చేసుకుంది. కామెడీ ప్రధాన బలంగా తెరకెక్కిన ఈ చిత్రం పై అటు నితిన్, ఇటు వక్కంతం వంశీ బోలెడు ఆశలు పెట్టుకున్నారు.  ఒకటి రెండు ఫన్నీ సీన్స్ తప్పితే రచయితగా వక్కంతం వంశీ మార్క్ ఎక్కడా కనిపించలేదు. ఇక దర్శకుడిగా తీవ్రంగా నిరాశపరిచారు.

ఈ చిత్రంలో సెకండ్ హాఫ్ లో వచ్చే 'నా పెట్టె తాళం' సాంగ్ ఏమాత్రం ఉపయోగపడలేదు. పైగా విమర్శలు పెరిగాయి. అయితే సోషల్ మీడియాలో మాత్రం ఈ పాట గురించి బాగా చర్చ జరుగుతోంది. పల్సర్ బైక్ సాంగ్, గున్న గున్న మామిడి సాంగ్ తరహాలో పేలుతుంది  అనుకున్నారు కానీ అది జరగలేదు. 

అయితే ఈ పాటకి ఉన్న హిస్టరీ కారణంగా ప్రతి ఒక్కరూ ఈ సాంగ్ గురించి మాట్లాడుకుంటున్నారు. కొన్ని ఆసక్తికర విషయాలు కూడా తెరపైకి వస్తున్నాయి. నా పెట్టె తాళం అనే పాట చాలా ఏళ్ల క్రితమే జానపద గీతంగా ప్రచారం పొందింది. క్రమంగా రికార్డింగ్ డ్యాన్స్ తరహా వేదికలపై ఈ  సాంగ్ ప్రదర్శించడంతో డబుల్ మీనింగ్ సాంగ్ గా మారిపోయింది. 

ఈ పాటకి ఉన్న పాపులారిటీ దృష్ట్యా ఇండియాలో ఎయిడ్స్ విజృంభిస్తున్న సమయంలో దీనిని ఉపయోగించారు. ఎయిడ్స్ అవేర్నెస్ క్యాంపెయినింగ్ లో ఈ పాటని వాడారట. క్రమంగా ఈ సాంగ్ పూర్తిగా అశ్లీల నాట్యాలకు ఉపయోగించదాంతో దీని రూపే మారిపోయింది. 

నితిన్ ఎక్స్ట్రా చిత్రంలో ఈ పాటకి డ్యాన్స్ చేసిన జబర్దస్త్ సత్య కూడా పదే పదే ఇదే విషయాని కొరియోగ్రాఫర్ శేఖర్ మాస్టర్, దర్శకుడు వక్కంతంతో చర్చించినట్లు, భయపడినట్లు పేర్కొంది. ఈ పాట జనాల్లోకి వేరేలా వెళ్ళదు కదా అని తాను పదేపదే శేఖర్ మాస్టర్ ని అడిగినట్లు సత్య రీసెంట్ ఇంటర్వ్యూలో పేర్కొంది. అలా ఏమీ ఉందని హామీ ఇచ్చిన తర్వాతే తాను ఈ సాంగ్ కి పెర్ఫామ్ చేసినట్లు తెలిపింది. 

సినిమాల్లో ఈ పాటని వాడుకోవడం ఇదే తొలిసారి కాదు. 2007లో 'మన్మథరావుల కోసం' అనే చిత్రంలో కూడా ఈ పాటని ఉపయోగించారు. నితిన్ ఎక్స్ట్రా చిత్రం రిలీజ్ అయ్యాక ఆ సాంగ్ కూడా ఇప్పుడు వైరల్ అవుతోంది. ఆ పాటలోని కొన్ని డ్యాన్స్ మూమెంట్స్ ని కూడా ఎక్స్ట్రా చిత్రంలో ఉపయోగించారు. ఈ సాంగ్ కి అశ్లీల గీతం అనే ముద్ర పడిపోయింది. తనకి ఈ పాట గురించి షూటింగ్ ముందు రోజే తెలిసింది అని.. వామ్మో నేను ఈ సాంగ్ కి డ్యాన్స్ చేయాలా అనే భయంతో ఫ్యూజులు ఎగిరిపోయినట్లు సత్య పేర్కొంది.