Samantha: ఫైనల్ గా గుడ్ న్యూస్ చెప్పిన సమంత... కంగ్రాట్స్ చెబుతున్న ఫ్యాన్స్!

సమంత హెల్త్ పై ఒక సందిగ్ధత కొనసాగుతుంది. 2022 అక్టోబర్ నెలలో సమంత మయోసైటిస్ సోకినట్లు వెల్లడించారు. ఈ ప్రకటన చేసిన నెలలు గడుస్తున్నా సమంత మరో అప్డేట్ ఇవ్వలేదు. తాను కోలుకున్నది లేనిది చెప్పలేదు. ఈ క్రమంలో అనేక పుకార్లు తెరపైకి వచ్చాయి. 
 

సమంత తిరిగి షూటింగ్స్ లో పాల్గొంటున్నారు. వరుణ్ ధావన్ కి జంటగా నటిస్తున్న సిటాడెల్ వెబ్ సిరీస్ షూట్ ప్రారంభమైంది. ముంబైలో ఈ యాక్షన్ సిరీస్ చిత్రీకరణ జరుపుకుంటుంది. దర్శకద్వయం రాజ్ అండ్ డీకే సిటాడెల్ సిరీస్ తెరకెక్కిస్తున్నారు. అమెజాన్ ప్రైజ్ ఒరిజినల్ సిరీస్ గా భారీ బడ్జెట్ తో సిటాడెల్ నిర్మిస్తున్నారు.

ముంబై షెడ్యూల్ అనంతరం నార్త్ ఇండియాలో కొన్ని కీలక సన్నివేశాల చిత్రీకరణ జరగనుంది. అనంతరం ఫారిన్ షెడ్యూల్ ఉంది. సౌత్ ఆఫ్రికాతో పాటు రెండు మూడు దేశాల్లో చిత్రీకరణ జరుపనున్నారు. ఈ మేరకు టీం అధికారిక ప్రకటన చేశారు. మరోవైపు ఖుషి చిత్ర దర్శకుడు శివ నిర్వాణ సోషల్ మీడియా ప్రకటన చేశారు. త్వరలో ఖుషి షూట్ తిరిగి ప్రారంభం కానుందని వెల్లడించారు.

సమంత మరలా షూటింగ్స్ లో పాల్గొంటున్నప్పటికీ స్పష్టమైన ప్రకటన లేదు. ఎట్టకేలకు సమంత దీనిపై క్లారిటీ ఇచ్చారు. 7-8 నెలల స్ట్రగుల్ అనంతరం కోలుకున్నట్లు పరోక్షంగా చెప్పారు. బెడ్ పై సైలెన్స్ తో పడుకున్న స్టేజి నుండి యాక్షన్ వెబ్ సిరీస్లో నటించే స్టేజ్ కి చేరానని చెప్పకనే చెప్పారు. సిటాడెల్ టీమ్ తో చర్చల్లో ఉన్న ఫోటోలతో పాటు ఆసక్తికర ఇమేజ్ ల ద్వారా వివరించారు. 

ఒక దశలో తనని తాను కోల్పోయానని, మనోధైర్యంతో ఎదిరించి నిలబడ్డానని ఆమె సందేశం పోస్ట్ చేశారు. సమంత మయో సైటిస్ నుండి కోలుకున్నట్లు స్పష్టమైన సమాచారం అందుతున్న తరుణంలో ఫ్యాన్స్ ఆనందం వ్యక్తం చేస్తున్నారు. ఆమెకు కంగ్రాట్స్ తెలియజేస్తున్నారు. 
 

కాగా సమంత లేటెస్ట్ మూవీ శాకుంతలం విడుదల వాయిదా పడింది. ఫిబ్రవరి 17న విడుదల కావాల్సిన శాకుంతలం వెనక్కి వెళ్ళింది. గతంలో కూడా ఒకసారి శాకుంతలం వాయిదా వేశారు. రెండోసారి కూడా వాయిదా పడిన నేపథ్యంలో నెగిటివ్ కామెంట్స్ వినిపిస్తున్నాయి. శాకుంతలం చిత్రానికి దిల్ రాజు నిర్మాత కాగా గుణశేఖర్ దర్శకుడు.