ఫిట్ నెస్ సీక్రేట్ బయట పెట్టిన ప్రగ్యా జైస్వాల్, రోజు ఆపని పక్కాగా చేస్తుందట.
ఇండస్ట్రీలో .. నిలబడటానికి ఇంకా ప్రయత్నం చేస్తూనే ఉంది హీరోయిన్ ప్రగ్యా జైస్వాల్. గ్లామర్ విషయంలో మాత్రం ఏమాత్రం తగ్గడంలేదు.
Pragya Jaiswal
ఏజ్ పెరుగుతున్నా కొద్ది నాజూగ్గా తయారవుతుంది హీరోయిన్ ప్రగ్యా జైస్వాల్. ఫిట్ నెస్ విషయంలో ఏమాత్రం నిర్లక్ష్యం లేకుండా .. స్లిమ్ గా మెయింటేన్ చేస్తుంది ప్రగ్యా.
సోషల్ మీడియాలో ప్రగ్యా జైస్వాల్ అందాల విందు చూసిన వారికి ఆమె ఫిట్ నెస్ గురించి తెలుస్తుంది. ఎక్కడిక్కడ శిల్పంలా చెక్కినట్టుగా ఉంటుంది ప్రగ్యా జైస్వాల్.. రీసెంట్ గా ఓ ఇంటర్వ్యూలో తన ఫిట్ నెస్ సీక్రేట్ ను రివిల్ చేసింది బ్యూటీ.
చిన్నతనం న నుంచీ ఫిట్ గా ఉండటం అంతే తనకు ఎంతో ఇష్టం అంటుంది బ్యూటీ. తన తండ్రి కూడా యోగాసనాలు వేసేవారు. తమతోనూ చిన్నచిన్న వ్యాయామాలు చేయించేవారు. ఇప్పటికీ నేను బరువులెత్తుతాను. పుషప్స్, స్కాట్స్ చేస్తాను. వారానికి అయిదు రోజులు.. రోజూ ఓ గంట వ్యాయామానికి తప్పకుండా కేటాయిస్తాను.
అంతే కాదు డాన్స్ ద్వారా కూడా ఫిట్ నెస్ ను సాధిస్తుందట ప్రగ్యా. ఆమె మాట్లాడుతూ..నా దృష్టిలో నృత్యాన్ని మించిన కసరత్తు లేదు. కాబట్టే, రోజు విడిచి రోజు డ్యాన్స్ చేస్తాను. నిజానికి నేను ఏ డ్యాన్స్ స్కూల్లో చదువుకోలేదు. కానీ, నాట్యమంటే ముందు నుంచీ ఇష్టం. ఓ డ్యాన్స్ ట్రూప్ ద్వారానే నేను సినిమాల్లోకి వచ్చాను. అందుకే నాట్యానికి ఎంతో రుణపడి ఉంటాను అన్నది బ్యూటీ.
అంతే కాదు బయట తినడానికి ఇష్టం ఉండదట. ఇంటి భోజనం మాత్రమే ఇష్టపడతాను... జంక్ఫుడ్ నచ్చదు. అలా అని కఠిన ఆహార నియమాలేం పాటించను. నచ్చిన ఆహారం ఇష్టంగా తింటానంటుంది బ్యూటీ.
ఇక ఆ మధ్య కొవిడ్ లాక్డౌన్ సమయంలో కొంత బరువు పెరిగాను. మళ్లీ అలాంటి పరిస్థితి రాకూడదంటుంది. తిండి విషయంలో భారతీయ వంటకాలకు తిరుగులేదంటున్న ప్రగ్యా.. బయట తినాలంటే మాత్రం జపనీస్ ఫుడ్ బాగుంటుంది అంటుంది.
Pragya Jaiswal
ఇక చర్మసంరక్షణ విషయంలో చాలా జాగ్రత్తగా ఉంటుందట..రోజూ క్లెన్సింగ్ అంటే ఏదైనా లిక్విడ్ తో క్లీన్ చేస్తుందట. తర్వాత టోనర్ ఐప్లె చేసి, మాయిశ్చరైజర్ తో పాటు.. బయటికి వెళ్లినప్పుడు సన్స్క్రీన్ తప్పని సరిగా వాడుతానంటోంది ప్రగ్యా జైస్వాల్. అంతే కాదు చర్మ సౌందర్యం కోసం నీళ్లు ఎక్కువగా తాగుతానంటుంది .