జీవితం అందంగా మార్చాడు... తల్లిని చేసిన వ్యక్తి గురించి ఫస్ట్ టైం ఓపెన్ అయిన ఇలియానా!

హీరోయిన్ ఇలియానా పెళ్లి కాకుండానే తల్లైన విషయం తెలిసిందే. తన గర్భానికి కారణం ఎవరో ఇలియానా ఇంకా చెప్పలేదు. అయితే మొదటిసారి ఆ వ్యక్తి గురించి ఇలియానా మాట్లాడారు.

Ileana D Cruz

ఇలియానా నిండు గర్భవతి. అయితే ఆమె వివాహం చేసుకోకుండానే గర్భం దాల్చారు. ఓ అజ్ఞాత వ్యక్తితో సహజీవనం చేసిన ఇలియానా కడుపు పండింది. తన సహజీవనం చేసిన వ్యక్తి ఎవరో ఇలియానా ఇంత వరకూ వెల్లడించలేదు. మొదటిసారి ఆ వ్యక్తి గురించి మాట్లాడింది. ఓ ఎమోషనల్ పోస్ట్ పెట్టిన ఇలియానా అనేక విషయాలు ప్రస్తావించారు.

Ileana

తల్లి కావడం గొప్ప విషయమన్నారు. మన శరీరంలో ఓ ప్రాణికి జీవం పోయడం గొప్ప అనుభూతిని పంచిందన్నారు.  అలాగే తనకు కష్టనష్టాల్లో ఒక వ్యక్తి తోడున్నాడని, వేదన నుండి బయటపడేలా చేశాడని ఇలియానా తెలిపింది. అండగా నిలిచి జీవితంలో నవ్వులు పూయించాడని ఇలియానా అన్నారు. అయితే ఆ వ్యక్తి పేరు ఇలియానా చెప్పలేదు. లైఫ్ లో అత్యంత ముఖ్యమైన వ్యక్తిగా కొనియాడారు. ఆయనపై అభిమానం, ప్రేమ చాటుకున్నారు. దీంతో సస్పెన్సు ఇంకా కొనసాగుతుంది.

హీరోయిన్ కత్రినా కైఫ్ తమ్ముడు సెబాస్టియన్ తో సహజీవనం చేసిన ఇలియానా గర్భం దాల్చారనే వాదన ఉంది. లేటెస్ట్ పోస్ట్ లో అస్పష్టంగా ఆ వ్యక్తి ముఖాన్ని ఇలియానా రివీల్ చేసింది. కాగా ఇలియానా కొద్దిరోజుల క్రితం ఇలియానా ప్రెగ్నెన్సీ ప్రకటించారు. ఇది హాట్ టాపిక్ అయ్యింది. కారణం ఇలియానాకు ఇంకా పెళ్లి కాలేదు. ఆమె సహజీవనం చేసి తల్లి అయ్యారు. 

Ileana DCruz

గతంలో ఇలియానా ఆస్ట్రేలియన్ వ్యక్తితో డేటింగ్ చేసింది. 2019లో అతడితో విడిపోయింది. అప్పటి నుండి ఆమె సింగిల్ స్టేటస్ మైంటైన్ చేస్తున్నారు. సడన్ గా ఇలియానా గర్భం దాల్చడంతో ఆమె సింగిల్ కాదని తేలిపోయింది. ఇక ఇలియానాకు నెలలు దగ్గరపడ్డాయి. ఆమె బేబీ బంప్ స్పష్టంగా కనిపిస్తుంది. బహుశా ఇలియానాకు 7 నెలలు దాటి ఉండవచ్చు. 

కెరీర్ పరంగా చూస్తే ఆమె ఒడిదుడుకులు ఎదుర్కొంటున్నారు. అడపాదడపా ఆఫర్స్ తో నెట్టుకొస్తోంది. ఇటీవల 'సబ్ గజబ్' టైటిల్ తో ఓ ఆల్బమ్ చేశారు. ఆ సాంగ్ లో ఇలియానా లుక్ నిరాశపరిచింది. బెల్లీ అందాలకు కేర్ ఆఫ్ అడ్రస్ అయిన ఇలియానా హిప్ షేప్ కోల్పోయి దారుణంగా కనిపించింది. ఇలియానా చేసిన కొన్ని తప్పులు ఆమెను పాతాళంలోకి తొక్కేశాయి. గొప్ప ఆరంభం లభించినా నిలదొక్కుకోలేక పోయింది.