Lavanya:లావణ్య లవర్స్ డే సెలెబ్రేషన్స్... భుజాల దిగువకున్న ట్రెండీ వేర్ లో మెస్మరైజ్ చేస్తున్న అందాలరాక్షసి

ప్రేమికుల రోజు సెలెబ్రేషన్స్ లో మునిగిపోయింది హీరోయిన్ లావణ్య త్రిపాఠి(Lavanya traipathi). రెడ్ హార్ట్ సింబల్స్ మధ్య నిల్చొని క్రేజీ ఫోటో షూట్ చేసింది.ఈ సందర్భంగా ప్రేమకు తనదైన శైలిలో అర్థం చెప్పింది. 'ప్రేమ నిరంతరం నిర్మించుకునే టు వే స్ట్రీట్' అంటూ చిన్న కోట్ పోస్ట్ చేసింది. 

ప్రేమికులరోజు (Valentines day 2022) నాడు భుజాల దిగువకున్న ట్రెండీ వేర్ లో లావణ్య సూపర్ గ్లామరస్ గా కనిపించారు. అయితే ప్రేమికులరోజును లావణ్య సింగిల్ గా సెలబ్రేట్ చేసుకుంటుంది. అమ్మడు ఇంకా తన లైఫ్ పార్ట్నర్ ని ఎంచుకోకపోవడంతో ఇలా ఒంటరిగా వేడుక జరుపుకోవాల్సిన పరిస్థితి ఏర్పడింది.

ఇటీవల మెగా కోడలు అవుతుందన్న పుకార్లతో వార్తల్లోకి ఎక్కింది లావణ్య త్రిపాఠి. హీరో వరుణ్ తేజ్ (Varun Tej) లావణ్యపై మనసు పడ్డారని, ఏకంగా విలువైన ఓ డైమండ్ రింగ్ తీసుకొని లావణ్య త్రిపాఠికి ప్రపోజ్ చేయడానికి బెంగుళూరు వెళ్లాడని కథనాలు వెలువడ్డాయి. పొగ లేకుండా గుప్పుమన్న ఈ వార్త సంచలనం రేపింది.

 ఏడాది క్రితం రాజస్థాన్ లో జరిగిన నిహారిక వెడ్డింగ్ కి కేవలం లావణ్య, రీతూ వర్మ మాత్రమే హాజరయ్యారు. ఫ్యామిలీ హీరోలతో పాటు కుటుంబ సభ్యులు పాల్గొన్న నిహారిక పెళ్లి వేడుకలో లావణ్య మెరిశారు. ఈ విషయాన్ని గుర్తు చేసుకున్న జనాలు, లావణ్యతో వరుణ్ పెళ్లి వార్తలు నమ్మారు. అయితే ఈ కథనాల్లో నిజం లేదని లావణ్య పరోక్షంగా స్పష్టత ఇచ్చారు. ప్రస్తుతానికి వరుణ్-లావణ్య ఎఫైర్, పెళ్లి వార్తలు సద్దుమణిగాయి.

మరోవైపు లావణ్య కెరీర్ చప్పగా సాగుతుంది. టాలెంటెడ్ యాక్ట్రెస్ అన్న ఇమేజ్ తో పాటు ఖాతాలో సూపర్ హిట్ సినిమాలు ఉన్నప్పటికీ టాలీవుడ్ లో నిలదొక్కుకోలేక పోయింది లావణ్య త్రిపాఠి దాదాపు ఫేడ్ అవుట్ దశకు చేరింది.

ఆఫర్స్ తగ్గడంతో లావణ్య గ్లామర్ షోకి తెరలేపుతున్నారు. హోమ్లీ హీరోయిన్ గా ఆ తరహా పాత్రలే చేసిన లావణ్య ఇప్పుడు పంథా మార్చారు. తనలోని హాట్ నెస్ ని పరిచయం చేస్తూ ఫోటో షూట్స్ చేస్తుంది.

సోషల్ మీడియా వేదికగా లావణ్య గ్లామరస్ ఫోటో షూట్స్ ఇంటర్నెట్ ని షేక్ చేస్తున్నాయి. ఆమెలోని కొత్త యాంగిల్ చూసిన ఫ్యాన్స్ షాకవుతున్నారు. అవకాశాల కోసం లావణ్య కొత్త అవతారం ఎత్తినట్లు అనిపిస్తుంది. స్కిన్ షోకి తెరలేపుతూ ఎలాంటి పాత్రకైనా సిద్దమే అన్న సందేశం దర్శక నిర్మాతలకు పంపుతుంది.

లావణ్య మొదటి చిత్రం అందాల రాక్షసి. టై యాంగిల్ ఎమోషనల్ లవ్ ఎంటర్టైనర్ గా వచ్చిన అందాల రాక్షసి చిత్రంలో లావణ్య నటన అద్భుతం. అల్లరి పిల్లగా లావణ్య అదరగొట్టేసింది. ఆ సినిమాతో లావణ్య ఓవర్ నైట్ స్టార్ అయ్యారు. ఆమెకు వరుసగా అవకాశాలు వచ్చాయి.

భలే భలే మగాడివోయ్, సోగ్గాడే చిన్ని నాయనా వంటి వరుస హిట్స్ దక్కినా, హీరోయిన్ గా బిజీ కాలేకపోయారు. నాగార్జునను మినహాయిస్తే టూ టైర్ హీరోలతోనే లావణ్య కెరీర్ సాగింది. కెరీర్ బిగినింగ్ లో హిట్ సినిమాలలో నటించి కూడా పునాది చేసుకోలేకపోయింది. టాలెంట్ ఉన్నా లక్ లేక రేసులో వెనుకబడిపోయింది.

ఒక్క స్టార్ హీరో పక్కన కూడా లావణ్యకు ఆఫర్ రాలేదు. అర్జున్ సురవరం మూవీతో ఫార్మ్ లోకి వచ్చింది అనుకుంటే... ఏ వన్ ఎక్స్ ప్రెస్, చావు కబురు చల్లగా చిత్రాలు చావు దెబ్బతీశాయి. ఈ రెండు చిత్రాలు పరాజయం కావడంతో లావణ్య కెరీర్ మరింత దెబ్బతింది.

ప్రస్తుతం లావణ్య కెరీర్ ప్రమాదంలో పడింది. ఆమెకు అవకాశాలు దాదాపు కనుమరుగయ్యాయి. ఒక్క కొత్త ప్రాజెక్ట్ ప్రకటించిన దాఖలాలు లేవు. హోమ్లీ హీరోయిన్ ఇమేజ్ తో లావణ్య కెరీర్ మొదలు కాగా, ఆ తరహా పాత్రలే ఆమెకు దక్కాయి. అది కూడా ఆమెకు మైనస్ గా మారింది.