తండ్రి బాటలో రవితేజ కూతురు మోక్షద, ఇండస్ట్రీలో అడుగుపెడుతున్న స్టార్ కిడ్ 

తండ్రి వారసత్వాన్ని కొనసాగిస్తూ రవితేజ కూతురు మోక్షద పరిశ్రమలో అడుగుపెడుతుందట. ఈ మేరకు ఓ క్రేజీ న్యూస్ వైరల్ అవుతుంది. 

Raviteja

రవితేజ సినిమా ప్రస్థానం స్ఫూర్తిదాయకం. ఎలాంటి బ్యాగ్రౌండ్ లేకుండా స్టార్ హీరోగా ఎదిగారు. కెరీర్ బిగినింగ్ లో ఆయన ప్రాధాన్యత లేని పాత్రలు చేశారు. సెకండ్ హీరో, సపోర్టింగ్ రోల్స్ లో నటించి మెప్పించారు. హీరోగా ప్రయత్నాలు చేసి సక్సెస్ అయ్యారు. 

ఇడియట్, ఔను వాళ్లిద్దరూ ఇష్టపడ్డారు, అమ్మానాన్నా ఓ తమిళ అమ్మాయి, ఖడ్గం వంటి సినిమాలు రవితేజను హీరోగా నిలబెట్టాయి. విక్రమార్కుడు, కిక్ చిత్రాలు భారీ విజయాలు నమోదు చేశాయి. రవితేజ స్టార్ హీరోగా సెటిల్ అయ్యారు. రవితేజ సిల్వర్ స్క్రీన్ పై ఎనర్జిటిక్ గా ఉంటారు. ఆయన స్క్రీన్ ప్రెజెన్స్, కామెడీ టైమింగ్ చాలా ప్రత్యేకం. జయాపజయాలతో సంబంధం లేకుండా ఆయన కెరీర్ పరుగులు పెడుతుంది. 

కాగా రవితేజ కూతురు పరిశ్రమకు వస్తున్నారన్న న్యూస్ ఆసక్తిరేపుతుంది. రవితేజకు ఇద్దరు సంతానం. అబ్బాయి పేరు మహాధన్. చైల్డ్ ఆర్టిస్ట్ గా ఆల్రెడీ ఎంట్రీ ఇచ్చాడు. అనిల్ రావిపూడి దర్శకుడిగా తెరకెక్కిన రాజా ది గ్రేట్ మూవీలో  హీరో చిన్నప్పటి రోల్ మహాధన్ చేశాడు. త్వరలో ఆయన హీరోగా ఎంట్రీ ఇవ్వనున్నాడు. 

అయితే రవితేజ కూతురు కూడా పరిశ్రమలో అడుగుపెడుతున్నారట. మోక్షద డైరెక్షన్ వైపు అడుగులు వేస్తుందట. సితార ఎంటర్టైన్మెంట్స్ బ్యానర్ లో  తెరకెక్కనున్న చిత్రానికి ఆమె అసిస్టెంట్ డైరెక్టర్ మోక్షద పని చేయనుందట. ఈ మేరకు విశ్వసనీయ సమాచారం అందుతుంది. కాగా రవితేజ కెరీర్ కూడా అసిస్టెంట్ దర్శకుడిగానే మొదలైంది. ఆయన నటుడు కాకముందు అసిస్టెంట్ దర్శకుడిగా పని చేశారు. 

గతంలో ఆడపిల్లలు పరిశ్రమలోకి వచ్చేందుకు నటులు ప్రోత్సహించేవారు కాదు. ఈ మధ్య కొందరు హీరోలు, నటుల కూతుళ్లు హీరోయిన్స్ గా కూడా రాణిస్తున్నారు. స్టార్ కిడ్స్ నిహారిక, శివాని, శివాత్మిక హీరోయిన్స్ గా సిల్వర్ స్క్రీన్ కి పరిచయం అయ్యారు. చిరంజీవి కుమార్తె సుస్మిత సైతం నిర్మాతగా మారింది. 

మరోవైపు రవితేజ వరుస చిత్రాలు చేస్తున్నారు. కానీ విజయాలు దక్కడం లేదు. గత ఐదేళ్లలో రవితేజ నటించిన కిక్, ధమాకా మాత్రమే హిట్ టాక్ తెచ్చుకున్నాయి. ఆయన గత చిత్రం మిస్టర్ బచ్చన్ డిజాస్టర్ అయ్యింది. రవితేజ ఫ్యాన్స్ సైతం అసహనం వ్యక్తం చేశారు. ఇలాంటి సబ్జెక్టులు చేయకండని వేడుకుంటున్నారు.