విష్ణుప్రియ వల్ల పృథ్వీ, అతి తెలివి వల్ల టేస్టీ తేజ మునిగిపోవడం ఖాయం..హరితేజ, గంగవ్వ నిజాలు బయటపెట్టారుగా

బిగ్ బాస్ తెలుగు సీజన్ 8లో దాదాపు 70 రోజుల పైగా గడిచిపోయాయి. హౌస్ లో ఎవరు ఎలాంటి వారు అనేది ఆడియన్స్ కి క్లారిటీ వచ్చేసింది. ప్రతి చిన్న విషయాలని, వివాదాలని నెటిజన్లు హైలైట్ చేస్తూ నెటిజన్లు పోస్ట్ చేస్తున్నారు. సండే రోజు హౌస్ నుంచి హరితేజ ఎలిమినేట్ అయింది. అంతకు ముందే ఆరోగ్య కారణాల వల్ల గంగవ్వ బయటకి వచ్చేశారు. 

వీళ్ళిద్దరూ ఓ ఇంటర్వ్యూలో పాల్గొన్నారు. దానికి సంబంధించిన ప్రోమో వైరల్ గా మారింది. హరితేజ, గంగవ్వ ఇద్దరూ హౌస్ లో ఉన్న కంటెస్టెంట్స్ బిహేవియర్, అక్కడ నెలకొన్న పరిస్థితుల గురించి నిజాలు బయటపెట్టారు. గంగవ్వ మాట్లాడుతూ హౌస్ లో తనకి ఇష్టం లేని వ్యక్తులు ఇద్దరు ఉన్నారని తెలిపింది.. వాళ్లిద్దరూ ఎవరో కాదు యష్మి, ప్రేరణ అంటూ గంగవ్వ ఓపెన్ కామెంట్స్ చేశారు. 

హరితేజ అయితే ఒక్కొక్కరి గురించి మాట్లాడుతూ.. వాళ్ళు హౌస్ లో ఎలా బిహేవ్ చేస్తున్నారో వివరించింది. అవినాష్ అయితే నవ్వు అనే ఒకే ఒక్క ఆయుధంతో నెట్టుకొస్తున్నాడు. టేస్టీ తేజని అతడి అతి తెలివే ఏదో ఒక రోజు ముంచేస్తుంది అంటూ హరితేజ తీవ్ర వ్యాఖ్యలు చేసింది. ఇక పృథ్వీ విషయానికి వస్తే.. అతడు స్నేహితులకు వాల్యూ ఇస్తాడు. కానీ ఇప్పుడు పూర్తిగా విష్ణుప్రియ కంట్రోల్ లోకి వెళ్ళిపోయాడు. 

హౌస్ లో ఆ విధంగా ఒకరి కంట్రోల్ లోకి పూర్తిగా వెళ్లిపోవడం వల్ల చాలా డ్యామేజ్ జరుగుతుంది. అది పృథ్వీ గమనించాలి అని సూచించింది. ఇక గౌతమ్ అయితే కొన్ని రోజులు నాతో బాగానే ఉన్నాడు. ఆ తర్వాత ఏమైందో నాకు కూడా తెలియదు అని తెలిపింది. అవినాష్ గురించి ఇంకా వివరిస్తూ అతడి కామెడీని పక్కన పెడితే చాలా లూప్ హోల్స్ ఉన్నాయి అని హరితేజ తెలిపారు. 

ఇక తన గురించి తాను చెబుతూ సీజన్ 8లో నేను ఇంత త్వరగా బయటకి రావడానికి కారణం వివరించింది. ఆడియన్ నన్ను ఎక్కువగా సీజన్ 1 తో పోల్చారు. అందువల్లే వారి అంచనాలు అందుకోలేకపోయా అని హరితేజ తెలిపారు. డస్ట్ బిన్ వల్ల ఎంత యూజ్ ఉందో హరితేజ వల్ల కూడా హౌస్ లో అంతే యూజ్ ఉందని నెటిజన్లు అంటున్నారు అని యాంకర్ అడగగా.. సోషల్ మీడియాలో ఇష్టం వచ్చినట్లు మాట్లాడుకునే స్వేచ్ఛ ఉంది.. అలాంటప్పుడు వాళ్ళకి మనం ఏం చెప్పినా కన్విన్స్ అవ్వరు అని పేర్కొంది.