15000 వేల నెల జీతం నుంచి 2000 కోట్లు కలెక్ట్ చేసిన సినిమాలో హీరోయిన్ గా ఎదిగిన బ్యూటీ ఎవరు?

ఫిల్మ్ ఇండస్ట్రీలో చాలా కష్టాలు పడ్డవారు ఎంతో మంది ఉన్నారు. కొందరికి కలిసివచ్చి స్టార్స్ అవుతారు. మరికొందరు మాత్రం అలాగే మిగిలిపోతారు. ఓ హీరోయిన్ కూడా అంతే 15000 నెల జీతానికి పనిచేసిన బ్యూటీ.. 2000కోట్లు కలెక్ట్ చేసిన సినిమాలో హీరోయిన్ గా నటించింది. ఇంతకీ ఎవరామె? 

టైమ్ ఎప్పుడు ఒకేలా ఉండదు. లక్ష్యం కోసం పోరాడుతున్నవారికి ఏదో ఒక రోజు మంచి టైమ్ వస్తుంది. దాని కోసం ఎదరు చూస్తూ కూర్చోకుండా ఎవరి పని వారు చేయాలి అంతే. ఫిల్మ్ ఇండస్ట్రీలో ఇలా పోరాడుతున్నవారు చాలామంది ఉన్నారు. వారిలో కొంత మందికి టాలెంట్ తో పాటుగా లక్కు కలిసి వచ్చి స్టార్లుగా మారుతుంటారు. అలాంటి వారు ఎందరో ఉన్నారు ఇండస్ట్రీలో. అాలాంటి ఓ  హీరోయిన్ గురించి మనం తెలుసుకుందాం. 

ఫిల్మ్ ఇండస్ట్రీలో నెపోటిజాన్ని ఓడించి ఈ హీరోయిన్ సత్తా చాటింది. ఎలాంటి సినిమా  బ్యాగ్రౌండ్ లేకపోయినా ఇండస్ట్రీలోకి అడుగు పెట్టింది. ఎవరి  సపోర్ట్ లేకుండానే స్టార్ గా మారింది. కెరీర్ బిగినింగ్ లో ఎదురైన సవాళ్ళను ఫేస్ చేస్తూ వెళ్లింది. ఇంతకీ ఆమె ఎవరో కాదు సన్యా మల్హోత్ర. ఒకప్పుడు 15000 నెల జీతానికి పనిచేసిన ఈ బ్యూటీ..ఆ తరువాత కాలంలో 2000 కోట్లు కలెక్ట్ చేసిన సినిమాలో హీరోయిన్ గా నటించింది. 

Sanya Malhotra

ప్రస్తుతం బాలీవుడ్ లో స్టార్ గా కొనసాగుతున్న సాన్య మల్హోత్రా.. ఢిల్లీ లో పుట్టి పెరిగింది. చదువు తరువాత టీచర్ గా తన లైఫ్ ను స్టార్ట్ చేసింది. నెలకు 15000 జీతానికి పని చేసిన ఆమకు నటన మీద ఉన్న ప్రేమ సినిమాల వైపు అడుగులు వేసేలా చేసింది. దాంతో తన ఉద్యోగాన్ని వదులుకుంది. తన కలలు సాకారం చేసుకోవడం కోసం ధైర్యం చేసింది. డ్యాన్స్ ఇండియా డ్యాన్స్ అనే డ్యాన్స్ రియాలిటీ షోలో పాల్గొనడానికి ముంబైకి వచ్చింది. సన్యా టాప్ 100లో ఎంపికైంది, కానీ మెయిన్ ఆడిషన్ లో మాత్రం సెలక్ట్ కాలేకపోయింది.

కేవలం  10000 తో ఆమె సన్యా ఢిల్లీ నుండి ముంబయ్ లో అడుగు పెట్టింది.  DID ఆడిషన్‌లో ఫెయిల్ అయిన తర్వాత, సన్యా నిరాశపడలేదు తన ప్రయత్నాలు తాను చేసింది.  అనేక టీవీ వాణిజ్య ప్రకటనలలో కెమెరామెన్‌లకు సహాయకురాలిగా పనిచేసినట్లు తెలిసింది. అవకాశాల కోసం వెతుకుతుండగా.. కాస్టింగ్ డైరెక్టర్ ముఖేష్ చబ్రా కార్యాలయం నుండి ఆమెకు కాల్ వచ్చింది.  వెంటనే వెళ్ళి సన్యా ఒక మూవీకి సంతకం చేసింది. కానీ ఆ తర్వాత సినిమా ఆగిపోయింది. 

Dangal (2016)

కొన్ని నెలల తర్వాత, సన్యాకు మళ్ళీ చబ్రా కార్యాలయం నుండి కాల్ వచ్చింది. ఈసారి ఆమె నక్క తోక తొక్కి వచ్చినట్టుంది. ఆమె జీవితం మలుపు తిప్పే సినిమాలో అవకాశం వచ్చింది. అది మరేదో కాదుఆమీర్ ఖాన్ చేసిన అద్భుతం.. దంగల్ సినిమాలో ఆమెకు ఛాన్స్ వచ్చింది. ఇందులో బబితా కుమారి పాత్రలో కనిపించింది సన్యా. ఆమిర్ ఖాన్ నటించిన దంగల్ బాలీవుడ్‌లో అతిపెద్ద బ్లాక్‌బస్టర్‌గా నిలిచింది. 

Dangal

ప్రపంచ వ్యాప్తంగా ఈసినిమాకు ఫ్యాన్స్ ఉన్నారు. ఇప్పటివరకు ప్రపంచవ్యాప్తంగా 2000 కోట్లు వసూలు చేసిన ఏకైక  ఇండియన్ సినిమాగా దంగల్ నిలిచింది. దంగల్ తర్వాత, సన్యా బధాయి హో, జవాన్, సామ్ బహదూర్ వంటి  సినిమాల్లో నటిస్తూ.. సక్సెస్ ఫుల్ కెరీర్ ను కొనసాగిస్తుంది. అలా చేతిలోచిల్లి గవ్వలేని రోజుల నుంచి కోట్లు సంపాదించే స్టేజ్ కు వచ్చింది సన్యా మల్హోత్రా.