Folk Song: వెండి తెర‌పై యూట్యూబ్ సెన్సేష‌న్‌.. ఫోక్ సాంగ్స్‌తో మెప్పించి, ఇప్పుడు సినిమాల్లో..

Folk Song: యూట్యూబ్ ఫోక్ సాంగ్స్ ద్వారా గుర్తింపు తెచ్చుకున్న పలువురు కళాకారులు ఇప్పుడు వెండితెరపై అవకాశాలు అందుకుంటున్నారు. అలాంటి వారిలో ప్రముఖంగా నిలిచిన లిఖిత తాజాగా హీరోయిన్‌గా టాలీవుడ్‌లో అడుగుపెట్టబోతున్నారు. 

Image Credit : RATHOD TUNES/YT, likhitha.kds/Instagarm

ఫోక్ సాంగ్ నుంచి సినీ అవకాశాల దాకా

తెలంగాణ ఫోక్ సాంగ్స్‌కు గత కొన్నేళ్లుగా యూట్యూబ్‌లో విశేష ఆదరణ లభిస్తోంది. ఆ జాబితాలో “రాను బొంబాయికి రాను” పాట ప్రత్యేక స్థానం సంపాదించింది. ఈ పాట కోట్లాది మంది ప్రేక్షకులను ఆకట్టుకోవడంతో అందులో కనిపించిన లిఖితకు కూడా మంచి గుర్తింపు వచ్చింది. సోషల్ మీడియాలో భారీ ఫాలోయింగ్ సంపాదించిన ఆమెకు ఇప్పుడు సినిమా రంగం నుంచి అవకాశాలు వస్తున్నాయి.

Image Credit : likhitha_tamminana_official

‘సాV3’ చిత్రంతో కథానాయికగా పరిచయం

లిఖిత హీరోయిన్‌గా నటిస్తున్న కొత్త చిత్రానికి ‘సాV3’ అనే టైటిల్‌ను ఖరారు చేశారు. ఈ సినిమాలో బిగ్‌బాస్ ద్వారా గుర్తింపు పొందిన డీమోన్ పవన్, నటుడు సామ్రాట్ ప్రధాన పాత్రలు పోషిస్తున్నారు. దర్శకుడు కృష్ణ మాయ ఈ చిత్రాన్ని తెరకెక్కిస్తున్నారు. గ్రామీణ నేపథ్యంలో సాగే ఈ కథలో భావోద్వేగాలు, వాస్తవ సంఘటనలకు సంబంధించిన అంశాలు ఉంటాయని చిత్రబృందం చెబుతోంది.

Image Credit : likhitha.kds/Instagram

అందుకే ప్రైవేట్ ఆల్బ‌మ్స్‌కి దూరంగా

సినిమా ప్రారంభ కార్యక్రమంలో మాట్లాడిన లిఖిత, హీరోయిన్‌గా తన ప్రయాణం గురించి ఆసక్తికర వ్యాఖ్యలు చేశారు. మంచి పాత్ర కోసం కొంతకాలం కొత్త ప్రైవేట్ ఆల్బమ్స్‌కు దూరంగా ఉన్నానని తెలిపారు. దర్శకుడు కథ వివరించిన వెంటనే తన పాత్రపై నమ్మకం కలిగిందని, నటీనటులంతా కథలో పూర్తిగా మమేకమై సహజంగా నటించేందుకు ప్రయత్నించామని చెప్పుకొచ్చారు.

Image Credit : likhitha_tamminana_official

డీమోన్ పవన్, సామ్రాట్‌లకు కీలక పాత్రలు

బిగ్‌బాస్ తర్వాత కొత్త తరహా కథ కోసం ఎదురుచూస్తున్న సమయంలో ఈ సినిమా అవకాశం వచ్చిందని డీమోన్ పవన్ తెలిపారు. సహజ నటనకు ప్రాధాన్యం ఇచ్చే కథ కావడంతో వెంటనే అంగీకరించానని చెప్పారు. మరో హీరో సామ్రాట్ మాట్లాడుతూ, ఈ చిత్రం తన కెరీర్‌లో ప్రత్యేక స్థానం సంపాదిస్తుందని ఆశాభావం వ్యక్తం చేశారు. గ్రామీణ వాతావరణంలో సాగే కథలో తన పాత్ర చాలా భిన్నంగా ఉంటుందని చెప్పారు. ప్రేక్షకులు తనలో కొత్త కోణాన్ని ఈ సినిమాతో చూస్తారని అన్నారు.

Image Credit : likhitha_tamminana_official

షూటింగ్ పూర్తి.. విడుదలకు సన్నాహాలు

‘సాV3’ చిత్రం షూటింగ్ ఇప్పటికే పూర్తయినట్లు చిత్రబృందం వెల్లడించింది. తక్కువ సమయంలోనే ప్రణాళికాబద్ధంగా చిత్రీకరణ పూర్తి చేశామని తెలిపింది. ఈ చిత్రానికి ప్రముఖ సంగీత దర్శకుడు సాయి కార్తీక్ సంగీతం అందిస్తున్నారు. సినిమాపై మంచి అంచనాలు ఉన్నాయని, లిఖితకు హీరోయిన్‌గా ఈ చిత్రం మంచి గుర్తింపు తీసుకువస్తుందని యూనిట్ సభ్యులు విశ్వాసం వ్యక్తం చేస్తున్నారు.